[ علاج طبيعي ] d.p.t

[Eman al-hindi]

السلام عليكم ورحمة الله وبركاته ،

مبارك عليكم الشهر، وكل سنة وانتو طيبين ^ ^

أولاً أنا عندي عدة استفسارات بسيطة لأهل العلاج الطبيعي ، فالرجاء اللي عندهم معلومات وخبرة لا يقصروا : )

1- سمعت عن شهادة الـ d.p.t .. وإنها شهادة غير موجودة في الدول العربية وبدأت حاليا في السعودية في جامعتي الخرج والمجمعة ،فهل عندكم معلومات عنها؟ وإزا حتتوجد في جامعة المؤسس ولا لأ؟

2- موزونتي ولله الحمد 93 ، فكم المعدل المطلوب للسنة التحضيرية تقريباً للتخصص في العلاج الطبيعي؟

3- أخدت فكرة عامة عن المقررات لكن عرفت إنو حتدرسوا أسس طب فإيش هيا؟

4- كيف توصفوا صعوبة التخصص مقارنة بالطب؟

5- كيف مستقبل التخصص؟ وفرص العمل والتوظيف؟ والمكانة الاجتماعية والاقتصادية? :d


و .. أنتظركم ^ ^

[weddah]

اهلا فيكي ايمان

1/انا سمعت عنها شهادة dpt اللي هي دكتور علاج طبيعي مو اخصائي
سمعت خبر مو أكيد انها ممكن تجي السعودية بعد 5 سنين يمكن
ومدة دراستها 7 سنين زي الطب

بس يقولوا ان لو عندي شهادة اخصائية pt وكملت بعدها اقدر اوصل لدرجة dpt

ما عندي اخبار اكيدة كلها اشياء اسمعها من هنا وهناك

2/بالنسبة لموزونتك ما شاء الله مره كويسة
وبالرااااحة تدخلي التخصص اللي تبغيه

3/مادري اش قصدك أسس الطب مافي مادة اسمها كدا
احنا ندرس تشريح وعلم وظائف الاعضاء والكيميا حيوي وهي مواد طبية اصلا

4/تخصصنا انا اشوفه الاصعب على مستوى كليتنا
بس مقارنة بالطب ما اتوقع
الدراسة مره تختلف في كل شي حتى في طريقة الاختبارات

5/ قد قلتلك في موضوع تاني ان مستقبله مره حلو ان شاء الله وعليه طلب
واجتماعيا واقتصاديا مره جيد برضو d=


يا ريت احد غيري يجاوبك عشان نتأكد أكثر

ويا هلا فيك

[Eman al-hindi]

حبيبتي انتي يا شيخة :p

تسلمي ع الرد ..

طيب حالياً أنا طلعتلي البعثة ، ولو رحت درست في أوروبا عندك علم كم سنة بتاخد معايا؟

وبعدين هادي موزونتي حالياً ، وللأسف مو على أساسها التخصص ، لسا حدرس التحضيرية وربنا ييسر بس قصدي بعد التحضيرية كم تقريباً المعدل المطلوب من 5 ؟

أما بالنسبة للمادة ما أعرف ، بس وحدة متخرجة قالتلي إنو بندرس أسس طب :s
ماعلينا

ههه كويس ، الله ييسر .. ومشكورة :)