المختصر المفيد في ريبورت التدريب [Bioc]

[Aziza Yahya]

بسم الله الرحمن الرحيم

.
.
.

السلام عليكم

اتمنى الجميع يكون بخير يارب و أموركم تمام مع رمضان

و الناس اللي تدرس أو تدرب في الصيف الله يعينها ويسهل لها يـــــــــــــــــــــارب

لكثرة الأسئلة حول ريبورت التدريب حبيت انزل هذا الموضوع وعسى أن تعم الفائدة

سأتكلم في جزأين الأول عن كتابة الريبورت نفسه والثاني عن المعلومات اللي المفروض

تكوني عارفتها و حتنسألي فيه
.
.
.
.
.

(1)

كتابة التقرير

‫* محتويات الريبورت : ‬
‫
-صفحة الغلاف تحتوي على اسمك واسم الدكتوره ورمز المقرر .‬
‫
-Table of content ‬
‫
- Introduction: مقدمة بسيطة تكتبي فيها عن اللي استفدتيه بشكل عام و عن المكان اللي
اتدربتي ‬فيه.‬

- تمسكي كل جهاز وتتكلمي عنو :‬

. صوره وتعريف بسيط للجهاز ‬
.أنواع العينات samples اللي اشتغلتيها ع الجهاز سواء سيرم أو بلازما وغيرو ‬
‫.أنواع الاختبارات Tests اللي اشتغلتيها ع الجهاز وكل Test تكتبي ايش الهدف منو
والـnormal rangeللأشياء اللي حتقدريها ‬

‫- References ‬ : وحيكون في نهاية الموضوع كم مرجع تستفيدا منها إن شاء الله مع شكري
لمشرفتنا R-kh. =)

.
.
.
مش مهم عدد الصفحات كل وحده وحسب الأقسام والأجهزه اللي اتدربت عليها

في بنات 18 صفحة وفي بنات يوصلوا للخمسين . أهم شي المضمون وماتكتبي عن أي جهاز أو أي

اختبار ما شتغلتِ عليه .

أما البرزنتيشن مافيها كلام الكل عندو خبرة فـ دا المجال =) .

و بكدا انتيهينا من الريبورت وحملوا المراجع من المرفقات .
.
.
.
Brb

[دافئ الإحساس]

جزاكي الله الف خير

والله كنت افكر في دا الكلام كتير وانو اش اكتب وكده

بس افدتيني كتير من دي الناحية

الله يجزاكي كلي خير

موفقة يارب

ياريت دا الموضوع يثبت لنو مفيد الجميع ^_^

[دافئ الإحساس]

تقيمي ع الموضوع

5 من 5

^_^

[Aziza Yahya]

.
.
.
.

(2)



معلومات عامة لازم كونك متدربة تكوني عارفته حتكلم عن أكتر الاشياء اللي بيسألوا فيها الدكتورات

طبعاً إجراءات السلامة شي لا يخفى ع الجميع عشان كدا ماحنتكلم فيه .

تركيزنا حيكون على الـ TESTS.

.‫.‬

- لازم تعرفي انواع العينات اللي اشتغلتيها و انواع الانابيتTubes اللي استلمتي فيها العينات

و بالنسبة للدم ،لازم تكوني عارفه الفرق بين السيرم والبلازما في كتير يخبصوا ف دا الموضوع

خاصة اللي مادرسو طبية ..طيب نشوف الفرق :

‪*‬البلازما Plasma




هي السائل الأصفر المكون للدم واللي تسبح فيه مكونات الدم الأخرى كريات دم حمراء ، بيضاء

وصفائح و …إلخ

طبيعي الدم يحوي عوامل مساعدة على التجلط blood coagultion وهي المسؤولة عن تكوين

الجلطه الدموية blood clot التي تسد مجرى الدم عند حدوث جرح فيتوقف النزيف .

أهم هذه العوامل بروتين موجود في البلازما يسمى الفيبرينوجين fibrinogin

وبمجرد أن يتحول إلى fibrin تتكون الجلطه الدموية و عندما تتكون الجلطه الدمويه لا يمكن أن

ينفصل الفيبرينوجين ويعود مره أخرى .

لذلك عندما نريد الحصول على البلازما نجمع الدم في أنابيب تحتوي على مواد مانعه للتجلط

anticoaglant مثل الليثيوم

هيبارين "Green tube "



و بعد عملية الفصل من خلال الطرد المركزي Centrfugation

سنحصل على 3 طبقات الأولى الصفراء هي البلازما وحتكون فيها عوامل التجلط والمواد اللي نبغى

نفحصها .

طيب نجي للسيرم Serum

حتى نحصل على السيرم يتم تجميع الدم في أنابيب لا تحتوي على مواد مانعه للتجلط

anticoaglant ‪.."plain tube"




وهذا يعني أننا نسمح بتكون الجلطه الدموية و بكدا نكون خسرنا الفيبرينوجين لأنه سيتحول إلى فيبرين

، و بعد الفصل بالطرد المركزي نحصل على سائل أصفر لا يحتوي على عوامل التجلط وتكون

الجلطه الدمويه مترسبه في الطبقه السفلى


‏

أي أنهُ باختصار :

‏[ Plasma - Fibrinogen‪=‬ Serum ]

‪..‬

بالنسبة للتحاليل السكر Bloog Sugar :

لازم تكوني عارفه أنواعه وكل Test متى نستخدمو وهل يحتاج صيام أولا ..

وإذا كان مرتفع أو منخفض يدل على إيه ..؟

‪..‬

‏kidney profile ‪:‬

- تكوني عارفه ايش الاشياء اللي حتقيسيها عشان تتأكدي من سلامة الكلى ،

- طيب عندك قياس الكرياتينين و اليوريا أيهما يعتبر المؤشر الافضل على سلامة الكلى .؟

طبعاً الكيرياتينين لأنه لا يتأثر بالبروتينات الغذائية عكس اليوريا .

..

‏ Electrolyte Test ‪:‬

‪-‬ تحديد نسبة الاملاح والمعادن صوديوم بوتاسيوم كلور …إلخ

و أهمها الصوديوم والبوتاسيوم والكالسيوم

- موقعهم داخل الخلية أو خارجها Na ‪+‬حيكون extracellular و البوتاسيوم intracellular ..

- في أي الحالات يزيد و في أي الحالات ينقص ..؟

- انخفاض مستوى الكالسيوم يدلنا على ماذا ..؟ على إنو ممكن يكون في هشاشة في العظام ..يعني

بس الأشياء المهمة والمعروفة .. وكلو مر علينا في غيرعضوي .

.
.
..BRB..

[Aziza Yahya]

.
.
.
.

‏Liver profile ‪:‬

بدون أي كلام لازم تحفظي اختصارات الانزيمات وكلها درسناها في الأيض

Creatine Phosphokinase ‫:‬ CPK
Lactic acid dehydrogenase : LDH

إلخ ..
‫
-‬ ايش الانزيم اللي يعتبر مؤشر على سلامة الكبد الـ ALT or AST ..؟

انزيم الـ ALT .. ليه ..؟

لأن الـ AST يفرز في الكبد والقلب عكس الـ ALT الذي يكون بشكل أكبر في الكبد .

- أنواع البيليروبين Bilirubin .وكيف بيتكون ..؟

تتكسر كريات الدم الحمراء ..يخرج الهيموجلوبين "بروتين + حديد hem"..الهيم يتحول

إلى bile pigment صبغة صفراء اللي هي البيليروبين .

حتى ينتقل للكبد لازم يرتبط بالألبومين Albumin و في هذه الحاله يكون unconjugated bilirubin أو

indirect bilirubin


بعد ما يوصل الكبد حيرتبط بحمض الجلوكورونيك و يصبح direct bilirubin أو conjugated

bilirubin ‪.‬

- Creatine Phosphokinase

مهم تعرفي أنواع هذا الانزيم هو3 انواع واسم كل نوع حسب المكان اللي يفرز فيه :

CKBB..في المخ brain
CKMM..في العضلات muscle
CKMB..في عضلة القلب myocardium

لو مثلاً الـ CKBB مرتفع حيكون في مشكلة في المخ أو CKMB حيكون في مشكلة في القلب جلطه أو غيرو . إلخ .


‫..‬

‫Troponin test ‬

‫قياس التروبونين يعتبر فحص خاص بالقلب ‬
‫
لأن التروبونين هو البروتين المنظم لكل من الأكتين والمايوسين المكونين لعضلة القلب ‬
‫
.و ظهور التروبونين في الفحص يدل على وجود مشكلة في القلب‬


…

Blood gases :

قياس الضغط الجزيئي لغازات الدم

و أهمها طبعاً الهيدروجين ..حتى نعرف إذا في خلل في الاتزان الحامضي القاعدي acid ‪-‬base balance ‪.‬

- نستخدم عينة دم كامل بدون فصل .

- من فين نسحب الدم من الوريد أو الشريان ..؟

ممكن نسحب الدم من الوريد أو الشريان لكن يفضل الشريان

لأنه غالباً يكون الفحص عن الأوكسجين حتى نتأكد من إنو المريض يتنفس كويس أو لا .. و إذا كان تحت التنفس

الصناعي نسوي الفحص حتى نعرف إذا كانت كمية الاكسجين كافية أو لا .

والمعروف أن الدم في الشريان يكون مشبع بالاكسجين عكس الوريد الذي يكون استبدل الاكسجين بثاني اكسيد الكربون .

.
.
.
BRB

[Aziza Yahya]

.
.
.

تقريباً كتبت المعلومات اللي اعرفها واتدربت عليها

والموضوع مفتوح للإضافات لو في أجهزه أو Tests أحد يبغى يضيفها

و لو في أحد عندو استفسار ياليت يكتبو عشان اللي يعرف يرد وكلنا نساعد بعض ونستفيد

و إذا في أي خطأ نبهوني ..


وصيام مقبول وافطار شهي بإذن الله لأنو دا اللي افكر في دحين =)

و إن شاء الله يارب كلكم +A


لتحميل المرفقات هنا


و سلامُ عليكمـ

عزيزة .

[Aziza Yahya]

المشاركة الأصلية كتبت بواسطة دافئ الإحساس جزاكي الله الف خير والله كنت افكر في دا الكلام كتير وانو اش اكتب وكده بس افدتيني كتير من دي الناحية الله يجزاكي كلي خير موفقة يارب ياريت دا الموضوع يثبت لنو مفيد الجميع ^_^

اعذرني على كتابة الموضوع للبنات مش عنصريه -_-
بس لأني ماشوف اولاد بيسألوا عن التدريب وماعرف ايش الاشياء اللي يطلبوها منكم ^^
بس المعلومات التانيه حتفيدك بإذن الله
و ربنا يوفقك =)
.

[دافئ الإحساس]

المشاركة الأصلية كتبت بواسطة azoooz~ اعذرني على كتابة الموضوع للبنات مش عنصريه -_- بس لأني ماشوف اولاد بيسألوا عن التدريب وماعرف ايش الاشياء اللي يطلبوها منكم ^^ بس المعلومات التانيه حتفيدك بإذن الله و ربنا يوفقك =) .

لا عادي

وافدتيني وافدتي غيري الحمدلله

واكيد حتنفعني بعدين مليون بالمية وحفضتها كل الاشياء دي في الورد

سلمت يداك

[n zeen]

يعطيــك الف عآفيه ..
انآ كمآن حفطتو فـ الوورد .

[بيو كيميائية ^_^]

مشكورة وجزاكـ الله خير

باضيف شغلات تعلمـتها في لاب المايكرو كونكـ ماكتبتيها

اليورن (البول)

ناخذ شريط الـph وندخله فيـه ونشوف هل يتغير أو يضل نفس ماهـو

طبعًا في العلبة يكون لكل لون ايش يعبر

إذا مثلًا تغير اللون الأصفر وصار أزرق هذا قاعدي مو حامضي

ومن الشريط أقدر أعرف إن كان فيه زلال +سكر +كريات دم بيضاء + حمراء +قاعدي +حامضي

في النساء شيء طبيعي وجود كريات دم حمراء لكن الرجال لا

بعدين ناخذ في تيوب بول ونحطه في السنترفيوج 3دقائق

بعدين ناخذ الشيء اللي ملتصق في نهاية التيوب ونحطه على سلايد

ونشوف في المجهر

ايش فيه ونحسب البس سل والرد سيل إذا فيه

هذا اسمه فحص بول كامل

لكن فيه زراعة

الزرعة ناخذ مسحة من البول أو أي حاجة على حسب التحليل بس كلهم نفس الطريقة

وبعدين نحطها في الأجار بشكل الزقزاق

ونحطها في الحضانة لمدة 48 ساعة

وبعدين نطلعها وناخذ عينه ونشوف تحت المجهر

هذا اللي عرفته من لاب المايكرو وكنت أتجنبه لكرهي الشديد له وللقرف اللي فيه