لكل الشباب الي اخدوا رسم هندسي

[Eng.alone]

شباب رسم هندسي في الفصل العادي كيف ايش يبغاله حتى تجيب درجات كويس ؟؟؟

كيف مهندسين الي يصححوه هل يتغيروا كل يوم ؟؟؟

كيف واجبات والكويزات هل تاخد وقت كثير؟؟؟؟

هل في اسئل قديم عن الرسم الهندسي؟؟

[zelme]

ليش الخوف هذا كله؟؟؟ ما ادري مين اللي رمى على قلبك الرعب عن هذي المادة باسئلتك المرعبة!!!

1- المادة من اجمل واسهل المواد اللي حتمر في حياتك، وصدقني حتستمتعبها كثيير، لكن لازم بالاجتهاد وانك تدورلك كرسي في الصفوف الاولى لان القاعة كبيرة واللي يقعد ورى الله يعيته، وايضا تدرب على البرنامج في البيت لوحدك وصدقني حتشوفه من اتهف ما يكون

2- المهندسين اللي يقيموك كلهم صراحة عسل، وطيبين وحيساعدوك في اشياء كثيرة الا الكويزات فما احد يقدر يساعدك فيها لانها تعتمد على ذكائك وكثرة تدربك على البرنامج والسرعة في اختيار الاوامر

3- الواجبات والكويزات ما تاخذ لا وقت ولا شئ، اهم شئ افهم مع الدكتور صح، وكيق يرسم واهم شئ جيب معاك دفتر واكتب كل الاوامر اللي يستخدمها الدكتور حتى ما تنساها لانها كثيرة نوعا ما، والواجبات ماهي كثيرة يمكن خمسة بس

4- وللاسف ما عندي اسئلة، لكن الشباب اكيد عندهم

[عبدالرحمن حافظ]

يعطيك العافية
zelme

[bafa18]

ملاحظة مهمة انو الكرسي الي تقعد فيه بداية الترم هو نفس الكرسي يعني تكي في الصف الاول احسن لك وعلى المهندسيت يتغيرو كل مرة يجيك واحد يقيمك والواجبات حاول تحلها كلها محتشوف فايدتها الا في الاختبارات الميجور والفاينل وعلى العموم المادة حلوة بس اعطيها حقها وزيادة :)

[Eng.Ashraf]

لو استمرت المادة نفس الطريقة حقت الترم اللي راح

مرة سهلة

كأنها دورة لبرنامج في الكمبيوتر

مافيها شغل باليد ابدا

المحاضرات تشمل في الغالب ( كويز + شرح و تكتب معاه اوامر البرنامج مع الدكتور اللي يشرح + تمارين في نفس اللي انشرح عليها درجات )

المشكلة الوحيدة اللي واجهتني هي في نهاية الترم لازم تسوي بروجكت خفيف ترسمه كامل مع 2 من الطلاب
لكن الطلاب اللي دخلت معاهم ما كان عندهم اي رسم و كل المشروع صار على راسي

بس المادة مرة حلوة

[zaaeer]

انا جالس احاول اضيف المادة بس تظهرلي هذي المشكلة



اي خلفية كيف ممكن احلها

وشكراااا

[Eng.alone]

مشكووورين وماقصرته إن شاء الله راح اجيب في الماده درجه حلوه

[abdullah__Salem]

المشاركة الأصلية كتبت بواسطة zaaeer انا جالس احاول اضيف المادة بس تظهرلي هذي المشكلة اي خلفية كيف ممكن احلها وشكراااا

شوف شعبة غيرها

[zaaeer]

المشاركة الأصلية كتبت بواسطة abdullah__salem شوف شعبة غيرها

كل الشعب كانت نفس المشكلة

واصلا ذحين قفلو الحذف خلاص

[AbsolutioN]

المشاركة الأصلية كتبت بواسطة zaaeer انا جالس احاول اضيف المادة بس تظهرلي هذي المشكلة اي خلفية كيف ممكن احلها وشكراااا

للأسف النظام الجديد سيء و الرسائل اللي بتظهر غير مفهومه ابدا

المفهوم من الرسالة انك مو قادر تنزلها بسبب انها ماده عامه و انت متخصص
والله اعلم