سؤال في الشعب والمواد

[maroko]

السلام عليكم ورحمة الله وبركاته

ربي يسعد اوقاتكم بكل خير

عندي سؤال فيما يخص الشعب

لو انا جيت انزل المواد حقتي في الجدول

كيف اعرف مين هم الدكاتره والاساتذه اللي يدرسون هالشعب ؟

يعني بالعربي

أبغى اختار الشعب حقتي على أساس الدكاتره مو بشكل عشوائي

كيف اعرف كل دكتوره وش شعبها ؟؟

ثانيا /

اللي درس هالمواد بمين تنصحوني أسجل عندها ؟ يعني كمعامله وتصحيح ( أحد مجرب بليييز )

مبادىءالاقتصاد الجزئي
econ101
3
مبادىءالمحاسبة 2
acct102
3
السلوك الانساني في المنظمات
bus102
3
مبادىءالتسويق
bus211
3
ادارة الأعمال (بالا نجليزية)
bus103
3
مالية شركات
bus340
3


طبعا اتكلم عن الطالبات

وألف شكر

[أم رنيم]

كيف اعرف مين هم الدكاتره والاساتذه اللي يدرسون هالشعب ؟ يعني بالعربي أبغى اختار الشعب حقتي على أساس الدكاتره مو بشكل عشوائي كيف اعرف كل دكتوره وش شعبها ؟؟

لما تدخل على نظام الأدوس وتدخل على اسمك
تلقى على يمينك أيقونة اسمها ( قائمة الشعب ), ادخل عليها
ادخل رمز الماده ثم أختار السنة عام 2009 ثم الفصل الدراسي الثاني
ثم إضغط على استعلام
حتلقى جميع المواد الي تحمل نفس الرمز مع إختلاف أرقامها
اختار رقم المادة الي أنت تبغاها
حتلقى عند كل مادة رمزها ورقمها والشعبة وعدد الوحدات ( المقصود بها الساعات )
وعند كل شعبة إسم الأستاذ الي حيعطي المادة
وطبعا الشعب الي باللون الأحمر , تعني أنها مليانة ومافي امكانية لإضافتك لها الا أن تتغير الى اللون الأزرق

اللي درس هالمواد بمين تنصحوني أسجل عندها ؟ يعني كمعامله وتصحيح ( أحد مجرب بليييز ) مبادىءالاقتصاد الجزئي econ101 3 مبادىءالمحاسبة 2 acct102 3 السلوك الانساني في المنظمات bus102 3 مبادىءالتسويق bus211 3 ادارة الأعمال (بالا نجليزية) bus103 3 مالية شركات bus340

مبادىءالاقتصاد الجزئي = عفاف عايد أو كوثر شغراب أو عبلة بخاري

مبادىءالمحاسبة 2 = اقبال خاطر أو أنيسة تركستاني

السلوك الانساني في المنظمات = سمر العناني

مبادىءالتسويق = جيهان فكهاني

ادارة الأعمال (بالا نجليزية) = الترم هذا نازلة كل الشعب مع د. غادة نعمة الله نصيحة مني لاتاخذيها معاها وأجلي المادة للترم الي بعده

مالية شركات = سحر مهران أو نسمة حشمت


بالتوفيق

[maroko]

ربي يسعدكـ أختي ويوفقكـ قولي آمين

طيب سؤال ثاني إذا ممكن

إدارة موارد بشرية bus 231
تخطيط وتنمية موارد بشرية bus 335


مين أفضل الدكاترهـ أو الأستاذات للمواد هذي ؟

ولو صار جدولي كذا

مبادىءالاقتصاد الجزئي
econ101

مبادىءالمحاسبة 2
acct102

مبادىءالتسويق
bus211

مالية شركات
bus340

إدارة موارد بشرية
bus 231

تخطيط وتنمية موارد بشرية
bus 335

يكون حلو ولا لا ؟؟

[أم رنيم]

آآآآآآآآمين يارب

إدارة موارد بشرية bus 231 تخطيط وتنمية موارد بشرية bus 335

المادتين معا لكتاب واحد
فالأفضل خذيها مع بعض لأن مذاكرتها وحده

وبما أن الوقت ضيق فاحذفي مبادىء المحاسبة 2 لأنهامالها متطلب لأي مادة بعدها

[maroko]

حتى لو بديت هالفترهـ مذاكره ؟

[SOLAF]

صحيح ترى جدولك كذا دسم
انا ماانصح انك تحذفي ماده بس خذي شي سهل
يعني ثقافه ولا اي ماده تكون سهله
وابداي مذاكره من الان
وعن اداره اعمال انجليزي بجد لاتاخذيها اذا كانت عند غاده
لانه اغلبيت الطالبات يحملوا الماده معاها
واقتصاد جزئي اخذته عند ايمان سليمان واخذت88 في الماده
وماليه شركااات مع سحر مهران وانتي مغمضه
وسلوك انساني مع سمر..وايضا تسويق جيهان فكهاني

[maroko]

مدري والله احترت

أكثر من وحده قالت لي ادارة اعمال بالانجليزي لاتاخذيها عند غاده وشلتها من بالي مع اني طلبت كتابها

وقلتوا ان ادارة موارد بشريه وتخطيط مذاكرتهم وحده علشان كذا حطيتهم وشلت السلوك الانساني في المنظمات

علشان يصيرون 6 مواد

والمحاسبه ودي اخذها وأخلص منها لأني ماخذه الأولى التيرم اللي راح

وبديت انا مذاكره اليوم ومخصصه لكل ماده 10 ايام تقريبا

مايمديني كذا ؟؟

[أم رنيم]

المشاركة الأصلية كتبت بواسطة maroko حتى لو بديت هالفترهـ مذاكره ؟

أحذفي مبادىءالمحاسبة 2 أو مبادىءالتسويق

وحطي مكانها ثقافة

لأن موادك أغلبها علمية وبكذا نوعتي في جدولك

[غدا نلتقي]

حابة أشاركك بالرأي إذا ماعندك مانع..

أنا أشوف تاخذي المحاسبة لأنك توك مخلصة من المحاسبة رقم1وهذا يفيدك وبالمثابرة والاجتهاد جدولك عادي..وأنيسة تركستاني المادة مرة معاها حلوة..
إدارة الأعمال بالإنجليزي تاخذوقت في المذاكرة وأنا ضد البنات في اللي يقولوا عن د.غادة
أنا حضرت مع أكثر من وحدة كانوا يتكلموا انجليزي ولاكلمة عربي وكمان يقولو ذاكرو الكتاب..
وهي كانت تتكلم انجليزي عربي وذاكرنا من ملخص عرض الباوربوينت 28صفحة..
المادة نفس إدارة الأعمال بالعربي
والأسئلة أبدا ما خرجت عن الملخص بالحرف الواحد ‘‘والبنات يبالغوا ..
ماجابت شي من برى وأنا أشوفها مظلومة بكلامهم لكن الله مايظلم أحد..

الاقتصاد إذا قدرتي خذيه مع عبلة بخاري أو عفاف عايد..

بالتوفيق ياااااااااااااااارب

[maroko]

شاااكرهـ لكمـ والله

أمممم تقريبا قررت وش باخذ

وبجد والله ساعدتوني كثير في اتخاذ قراراتي

عسى الله يوفقكم ويوفقني ويوفق الجميع