مشكلة في حياتي ، واحتاج مساعدتكم

[RHF]

السلامو عليكم

يا جماعة اخواني و اخواتي ،،

قبل ما ابدأ ، دي مشكلة ، انا ما ابا رد بسيط ، ابا احد يناقششني ، اللي يبا يكتب رد ، اتمنا يكون قري اللي انا كاتبتو بتركيز مو يمر مرور الكرام بس ،

ممممم باكتبلكم مشكلة تواجهني ، او مرحلة انا بمر بيها ، مع العلم انها بدأت معايا من سنوات ، لاكن كل مالها بتتزايد ، وحاسة اني مني قادرة اتصرف ، والغريب انو محد من ( المقربين ) معتبرها مشكلة ,,

حابدأ ..

ممممممم انا ما ابا اتكلم عن حياتي بصفة عامة ، ولاكن عن هادي المشكلة ، وهي اني ما ابا افكر في احد ولا ابا اشيل هم احد ، يادوب نفسي نفسي

بدأت المشكلة لمن كنت اولى سنوي ، كنت اعرف البنات كلهم تقريبن في المدرسة ، ورطت في مشكلة بسيطة وطبعن لانو مالي فيها ، ما سارلي شي ، لاكنو كان درس

من وقتها ، انا قطعت علاقتي مع اغلب البنات ، وسار عندي ( صاحبات ) لاحظو ، مو صديقات ،
معدودات ،، والباقين بعدت عنهم وكانت البداية عشان اتجنب مشاكل البنات في مرحلة المراهقة ،

سارت حياتي تعتمد على مين ، انا و امي واخواني و الوالد ، وصاحباتي ،

عبال اخلص السنوي اكتشفت انو عندي ( صديقة واحد فقط هي pinkberry ) مع اني كنت اعرف اغلب بنات المدرسة ،

//

دخلت الجامعة ، عرفت بنات كتيييييييييييييير ، ولاكن زي ما قولت المشكلة ما احب افكر في البنات ، واشيل هم دراستهم مع دراستي ، واسمع مشاكلهم و همومهم ، فكنت اخلي معرفتي بيهم سطحية ، وسرت اقعد لوحدي و ما اكلم احد ، لدرجة انو البنات سموني ( البنت الغامضة ) مع اني ( كتاب مفتوح )

//

وطبعن كنت اعرف بنات من منتديات تانية ، تخيلو اني في لحظة ، احزفهم من الماسنجر مسلن ، او في سواني اكسر الشريحة حقتي ،، وكلو عشان خلاص احس اني انغميت من الناس ، ما ابغا اتكلم مع احد ابا احس اني مرتاحة بدون اي شخص

//

مع الوقت ، زادت المشكلة ، سرت احس اني مهمومة كل ما سمعت عن خالاتي و بزورتهم و المشاكل في حياة كل شخص ، ونفس الشي مع اعمامي و حريمهم و بزورتهم ،

اقعد حزنانة على الواقع الي كل شخص عايشو ، وطول الوقت مهمومة و ابكي على حال الناس كأنو ناقصني انا

ايش عملت ؟

قطعت علاقتي مع اهل الوالد كلهم ،، مو مسألة انا مضاربة معاهم ابدن مافي مضاربة
لاكن عشان ما افكر فيهم او اعملهم حساب في حياتي و تفكيري ،

مع الوقت ، بطلت اتكلم مع خالاتي ، وبزورتهم ، وحتى الماسنجر ما سرت افتحو ، عشان ما اتكلم معاهم ، وما يحتاج اقول اني البي بي ما افعل الخدمة ، تجنبا للتواصل ، ولاني ما احب احس بانو في اشخاص كتير حولي ،، والجوال دايمن ما ادري عنو ، يتصلو مليون مرة ، وانا ما ادري عن الدنيا

//

سرت مع مين ؟ امي الله يعطيها العافية و اخواني فقط ،

حياتي كلها امي و اخواني + pinkberry + سكاو ،

مع العلم اني كنت مقطوعة عن بينك بيري مدة 7 شهور تقريبن ، يعني تخيلو كنت مع امي و اخواني بسسسسسسسسس

الود ودي لو اقدر ، كان دمجت امي و اخواني و بينك بيري ، مع بعض ، وخليتهم شخص واحد ، حاحس براحة اكتر ،،

//

ناقشت امي في الموضوع ، ما لاحظت فيه اي استغراب ، لانها نوعا ما ، زي كدا ، حياتها كلها ، انا و اخواني واخواتها فقط ، وحتى اخواتها مو كتير مرة ، يعني باختصار انا و اخواني بس فطبيعي ما تشوفو شي غريب

وكلمت اخوية في الموضوع ، كان مستغرب ، بس لاسباب مراهقة ، يعني هو شايف انو لازم يكون عندي صاحبات كتير ونخرج مع بعض ونتكلم ( لانو هو تفكيرو كدا ) ،، وانا عمري ما كان عندي الصديقات اللي اكون طول الوقت معاهم اشوفهم واخرج معاهم او حتى اكلمهم بالتلفون نتحكى

//

ترا انا مرة اجتماعية ، واتكلم مع الناس كلهم و مرة تمام ، بس المشكلة كلها سايرة اني ما ابا ( ارتبط ) ابدنننننن بناس كتير ، ابا احس بالحرية ، اقصد بالحرية يعني مافي احد افكر فيه و اسأل عنو غير امي و اخواني وبينك بيري ،، يعني ممكن اكون مية مية مع الناس ، وفجأة احس بكئابة ، اقوم اتركهم كلهم ، واقطع علاقتي بيهم كلهم :(

//

قولولي ايش رأيكم في الموضوع دا ؟ يعني دي حاجة طبيعية ؟ عادية ؟ ايش الحل ؟ ايش اسوي يناس :(

معليه انا احب الكلام الكتير والتفاصيل ،طولت عليكم

( مدري مسموح بزي دي المواضيع هنا ، ولا ينحزف ،، يلا اهم شي قولت الي في قلبي )

ومعرفة المشكلة نص حلها ،

رهف

[O-DODY-O]

والله احسك جالسه توصفيني

نفس وضعي تماما بس لما احس اني خلاص بعدت عن الناس اجلس احاسب نفسي انا ليش تركتهم ؟؟ هما عملولي شي؟؟ شفت منهم شي؟؟


بعد ما اراجع حساباتي تلاقيني راجعتلهم

بس والله علاقتي اتغيرت مع كثيررررررر من صحباتي

يعني صحباتي اللي في المتوسط انقطعت عنهم مررررررره ودحين رجعنا لبعض سرنا بس سلام مع انو علاقتنا كانت مرررررره قويه

[صقر الشمال]

وعليكم السلام ورحمه الله
الموضوع بصرااحه طويل جداً
انا من وجهه نظري لابد جلست مصارحه مع صديقاتك انا لااعلم مايدور مابينكم بس حسب كلاامك في شي سر مابعرفوو
الاهم من ذالك مثل ماذكرت لك لابد من توضيح والصدق مع البعض اما السكوت وتحملي بقلبك وكل يوم يزيد معك لا واجهي العالم وجلسي معاهم وخليك عا الضاهر اشياء مخفيه مافي افضل من الصراحه مافي
وخليك اجتماعيه مع العالم الانفراد بالوحده مو حلوو وتوكلي عا الله سبحانه ولا يقعد يوسوس فيك الشيطان اهتمي في الامور التي من صالحك وبس غير كذا لا زيارات اقارب زوري عادي بس لاتخبري العالم بالسالفه هذي خليها عاديه جدا
هذ والله اعلم
-- لاتقولي صقر دكتور نفساني هههههههههه
ربي يوفقك وبعيد الشر عنك
وسلامتك

[O-DODY-O]

اناا من كثر ماانا اجتماعيه والله يجوني ناس يسلمو عليا ويجلسو معايا ولا اتذكرهم

ولا تجيني وحده تقولي تتذكري لما قلتلك اقوم احاول اتذكر اقولها ما سار ذا الشي انتي شكلك كلمتي غيري بس ملخبطه هههه

والبنت متأكده من كلامها وانا اشككها بنفسها

لاني مااذكر

[إحساس ناجح]

أختي رهف لاتشيلي هم ولا شيء أنا عندك من النوع اللي ما أحب أرتبط بأصدقاء كتير يعني في الحارة عندي ما أطلع من البيت كتير في الجامعة ما أحب أتعرف على أكتر من إتنين فقط وما أحب أقوي علاقتي مع أحد أخليها سطحية بسيطة مو متعمقة أخواني ما أحب أختلط معاهم في النقاشات الحادة والشديدة المداكرة في الجامعة لوحدي ما أحب أداكر مع أحد رهف دا شيء طبيعي مو مشكلة نفسية إقرأي كتب تطوير الذات كتير إبحثي عن بنات متل بنك بيري وتمشي كتير لتغيير الجو أتوقع إنو إنتي من الشخصية اللي ماتحب تمارس الحياة بجراءة وتتخوف من أشياء كتيرة إقرأي كتب ديل كارنيجي ترى المؤلف دا سبب في تغيير حياتي بعد الله لاتفكري إنو اللي معاكي دا مرض نفسي أو وهم بالعكس إعتبري حياتك سعادة خالطي الناس وتحملي إدا تبغين حل لمشكلتك بسيطة بس لازم يكون عندك رغبة قوية إبحثي عن صديقات جريئات مثلا بنات خوالك أو أعمامك أو بالجامعة وإختلطي فيهم ومارسي معاهم الحياة في المعقول راح تشوفي إنو الشيء دا صعب لكن مع مرور الوقت راح تصيري متلهم جريئة لأنو عادة تتحول العادات إلى سلوك يومي وطبيعي أعتذر على الإطالة الكلام يطول بس هي جملة إضربيها بمسمار في عقلك وهي [motr]فكر في الحياة واصطنعها تجد الحياة ملء يديك وعينيك إحساس ناجح[/motr]

[LeLou]

و عليكم السلام..

ترى الشي ده عادي جدًا و طبيعي..
أنا من الناس إللي حوالليني محسسيني أني مصلحة إجتماعية و دايمًا يشكوا لي همومهم..
و في فترة من الفترات حسيت أنه نفسي أصرخ أقول اسكتوااااااا لا احد يكلمني إللي فيني مكفيني..
بس ما عملتها..
ترى ما أشوف دا عيب أبدًا خصوصًا إنك اجتماعية يعني مو منغلقة و في حدود العلاقة السطحية هذا شي جدًا رائع..

أنا طول عمري الين 2 ثانوي زي كدا و كانوا البنات يقولوا: لولو مع أنه كلامها كثير ما احد يعرف عنها شي،، تعرف عننا كل شي و ما احد يعرف إللي في راسها..

و كنت أفتخر بدا الشي و بالعكس عاجبني أنا ما أشوفه عيب أبدًأ أبدًا..

يعني لا تشيلي هم الموضوع جدًا عادي..

بشرب كاسة كوفي عشان راسي مصدع شوي و برجع لك إن شاء الله..

تقبلي مروري رهوووفة||~

[O-DODY-O]

انتي شوفي مين اللي منكده حياتك بهمومها وابعدي عنها وسطحي علاقتك فيها

انا كان عندي صحبه طول الوقت تبكي من الحال اللي هيا عايشاه بصراحه البنت وضعها مررررره صعب الله يرزقها باللي يسعدها

بصراحه كلمتها وقلتلها لا تشكيلي همومي ويكفيني اللي عندي وهيا بطلت تشتكيلي يعني بس ممكن تضحك معايا ونمزح وكنت اقولها اللي في بيتك خليه بس في البيت لا تعلمي احد عن همومك ترى والله في ناس يفرحو لما يشوفوكي مهمومه انتي مالك مكان تفرحيبو غير المدرسه اذا اتنكدتي في المدرسه وفي البيت وين راح تنبسطي

بس والله البنت تقول حياتي اتغيرت 180 درجه

[دارس1431]

وعليكم السلام ورحمة الله وبركاتة

هلا بأختي ^^

أنا أشوف أنة شي طبيعي ، أهم شي على الأنسان والدينة وأخوانة والباقين يتغيرون مع الوقت ولكل مرحلة الأنسان يكون صداقة ولا بد من تفرقة الأيام

ماشاء الله عليك عندك صديقة وعندك أهل ^^

أفضل من الذي لا صديقة ولا أهل

عادي ياختي لا تفكري كثير ^^

أكثر الناس في هـ الزمن بدون صداقة والكل يكتفي بالأهل لأنهم الأضمن والأهم ^^

تحيتي

[Dalia07]

وعليكم السلام والإكرام ....

أول شيء بقولك إياه .. إني مرة أستغربت من الكلام <<ليش ؟ لأني لما أشوف ردودك حسيت أنك بنت حبوبة وإجتماعية <<ما شاء الله عليك

ثانيا ... مشكلتك مريت فيها وصرت ما أثق في أي أحد وخصوصا البنات ,وما كلمت أحد أبد
حتى أهلي ما كانو يشوفوني من كثر الزعل وما عاد أبي أختلط بأحد علشان ما أسمع مشاكلهم .....

بس الصراحة ندمت على كل يوم مر علي وأنا بالحالة دي ... لأني ضيعت سنين على ولا شيء..
ومن ثلاث سنين بدأت أشتغل وأخذت كورسات كثيرة في الحاسب وe والتطوير،،، وأحاول أشغل تفكيري بإي شيء ثاني .. إلين صرت تمام وعديت كل شيء وكبرت على كل شيء ...وإن شاء الله هالسنة راح أكمل دراستي بعد إنقطاع طويل ..

حبيبتي أنا ما ألومك على إلي تسوينه لأن هذي ردت فعل طبيعية .. وإلي سبب لك هدي المشكلة هم البنات إلي كانوا معك بالثانوي ... بس حبيبتي لازم تحاولي تغيري من طريقك في التعامل مع الناس
ما أقولك تثقين بأحد ... ولكن ما تعملي لأحد حذف أو مقاطعة فجائية ،،، لحتى ما يزعلوا منك ...
وحاولي ما تخطلتي بالبنات الأنفعاليات

أما بانسبة لأقاربك واصليهم وإذا سمعتي شيء ما عجبك روحي عنهم أو أعتذري يعني شوفيلك صرفة.. ،،، إلا صلة الرحم لاتقطعيها علشان ولا شيء ...
وبالنهاية توكلي على ربك ،،، ولازم تواجهي مشكلتك ،، لأن الهروب مو حل ..

والله يخليلك أهلك وصحبتك ويزيدك محبة .. ويوفقك إلى ما تحبين ...

أتمنى إني أكون أفدتك ولو أدري أني قروش على راسك كثير ودخلتك بمشكلتي ... بس السموحة منك ..
وأعتبريني أختك الكبيرة وأي سؤال حاضرين للطيبين ..

[RHF]

والله احسك جالسه توصفيني نفس وضعي تماما بس لما احس اني خلاص بعدت عن الناس اجلس احاسب نفسي انا ليش تركتهم ؟؟ هما عملولي شي؟؟ شفت منهم شي؟؟ بعد ما اراجع حساباتي تلاقيني راجعتلهم بس والله علاقتي اتغيرت مع كثيررررررر من صحباتي يعني صحباتي اللي في المتوسط انقطعت عنهم مررررررره ودحين رجعنا لبعض سرنا بس سلام مع انو علاقتنا كانت مرررررره قويه

دودي يا عسل ، انا من اول رد شفتو لكي ، وانا حاستك زيي ، مع اني كنت اتوقع انو في الاسلوب بس :)

ودحين طلعنا شبه بعض في الشي دا كمان

//

انا دايمن اتركهم و قولت اني احزف الناس من الماسنجر و كدا ، وبعدين احس بالندم ، وارجع اضيفهم و طبعن يكونو زعلانين مني ، لاكن والله الشي دا مو بيدي ، ساير موضوع اني ( ألغي الناس من حياتي ) وارجع ارجعهم تاني ، زي اللوعبة ، ومني قادرة اسيطر على دا الشي ، يعني وقتها انا احس ، اما اني احزفهم و ارتاح اما اني اقعد مخنوقة ، اقوم اضطر احزف

//

يسسسلمو حبيبتي