مستجدين؟ لسه بالجامعة؟ متخرجين؟ كلكم ادخلوا (:

[Confused]

حلم ماضي ..
هلا اختي و الله يساعدك ان شاء الله ..
تصدقي حتى انا كنت ناوية ادخل تعليم عن بعد ؟؟
كل إلي اعرفه عنه انه لو جبتي معدل حلو تصيري انتظام ..
و عندك بعد كده كذا تخصص ..
اذا كنتي تبغي كلية الآداب والعلوم الإنسانية فيها :
لغة عربية, لغة انجليزية و علم نفس ..
بس مو علم النفس حق الدكاترة
او ممكن كلية الاقتصاد والإدارة و فيها :
إدراة اعمال او إدارة عامة .
اظن دراستك كلها رح تكون اونلاين .. رح يعطوكي برنامج
تتفاعلي من خلاله مع الدكاترة و اغلب الـ HoMe WorKs
تكون بحوث .. بس ما اعرف طريقته كيف و الله ..
هادا كل الي عندي يا دبوو و ان شاء الله اكون افدتك ..
ويلا يا طلاب التعليم عن بعد .. نوروها

حمامــــة الســــــــلام ..
ان شاء الله و يوفقك انتي كمان يا قمر

الشامخة ..
لاااااا الله يسعدك مرجوجه خلقه
الله يسعدك يا قلبووو و يوفقك و حركات الي عاش و شاف
اجل تعشي و تاكلي غيرها
و تسلمي يا قمـــــر .

هاجس11 ..
لا و الله عجبتني كمل فلسفة
هي دي الفلسفة الي ابغاها
بالله عليك المحاسبة مهي رياضيات ؟؟
انا احسب انها مدحوووووشة رياضيات ..
طيب اذا مافي رياضيات ايش فيها ؟؟
يلا يلا حكينا عنها <<< صرنا كان يا ماكان

يلدرم ..
هلا و الله بالـ BiG BosS << مو مرة بيغ
و الله عندكم تطبيق عملي على (( إلي يزعل يشرب بحر ))
مع بعض التنسيق و الاضافات ..
(( إلي يزعلنا نشربه بحر ))
راح توفر 40 الف وظيفة مهندس
ما شاء الله يعني ان شاء الله الكــــــل رح يجري للهندسة ..
اجل لو جاني عريس و قالولي مهندس اقول البلد مليانة
<<< بتنضربببب ولا بتنطرد بما انه المنتدى كله على بعضه مهندسين
ما شاء الله طبعاً ..
تسلم يا يلدرم و ما قصرت

ويلاااا باقي الاعضاء نورنونا بأقسامكم خصوصاً الطب و الكليات الصحية ..
بس لا تحرقونا
و نبغى ناس تتكلم عن التغذية الاكلينيكية ..

يلاااا See Ya SoOoN
Confused

[حلم ماضي]

مشكوره والله يسعدك يارب
اي والله ياليت الي في تعليم عن بعد ينورني ..
لاني احاتي القبول الحين ..
اني راح اختار ادارة اعمال مثل ماقلت لج اختي لان تخصص mis حلمي هههـ وقريب من الحاسب الي درسته ..

[Eng:da7moon]

هندسة كيميائيه قسم العباقره هههههه امزح
بس هاده القسم ندرس فيه 4 مستويات كيمياء والباقي مواد هندسة كيميائيه زي البلمرات واشياء زي كده ومجالات عملنا في تحلية المياه او مصانع البتروكيماويات ولا ارمكو ولا سابك ولا مصانع الصابون ولا البلاستيك وزي كده يعني مرررره روعه

[رامي العبدالله]

الله يعطيك العافية confused على هذه الأطروحة الأنيقة .

ليت الجميع يدخل ويفيدنا في هذه الصفحات كل حسب تخصصه .

علشان تصير مرجع لكل ( محتاااااااااار ) .

[Confused]

حلم المــــاضي ..
العفووو يا قلبوو و انا بالخدمة
و الله يوفقك للي تحبيه يا رب

Eng:da7moon ..
حلوة الهندسة الكيميائية باينلها تشبه دروس الثانوية
بس خسارة مافي هندسة للبنات ...
يعطيك العافيه اخــــوي ..

رامي العبدالله ..
الله يعافيك اخوي ..
و هذي كانت نيتي من البداية انه موضوعي يكون مرجع للمحتاجين ..
خصوصاً انه دراسة الجامعة غيييير عن الثانوية ..
و كثير تحسهم ضايعين بين احلام الاهالي و بين قدراتهم الفعليه ..
لو كل واحد عرف ايش مخاطر القسم الي ناوي عليه
رح يفكروا بجدية بالمستقبل ..

ThankS All Of YoU
Confused

[Confused]

الســــــلام عليــــكم ورحمـــة الله و بركاتـــــة

قعدت ادور بالمنتدى و انبش بالقديم و الجديد
و جبت لكم كم موضوع له صلة بموضوعي

الاخت المبدعة رنــــــا كتبتلنا موضوع عن الطب البشري ..
ذكرت فيه كتاب مفيد اسمه ..
دراسة الطب بين التحديات والمسئوليات ..

http://www.skaau.com/vb/showthread.php?t=22255&highlight=%C7%E1%D8%C8+%C7% E1%C8%D4%D1%ED

الصراحة الموضوع خوفني .. حسيت انه الطب يتطلب مجهود فوق الخيال ..
و انه صعب و تحديات و ما ينفع الا للعباقرة ..
و انه مررررة ما ينفع للبنات و الي تبغى تدخل لازم تضحي
بكل وقتها و بأمومتها و بكل شي ..

الطموحــــة العسل كتبت موضوع فيه استفسارات عن الطب ..
و في رد من بين الردود عجبني للعضو محسن125 ..

http://www.skaau.com/vb/showthread.php?t=19539&highlight=%C7%E1%D8%C8+%E3% E3%CA%DA&page=2

اول شي مبروووك ع الـدكتـــــــور محسن ..
و تاني شي انا مررررررة عجبني الرد .. رجعلي الامل بالطب
الصراحة وصفه مرررة يحمس الواحد .. و بين انه الطب مو بالضروره للعباقرة ..
و انه كوني بأدرس بإعتدال هادا كفاية ..
حلوة الناس الي تعطي شي من الواقع ..

الاخ cardiologist m كتب موضوع الصراحة رااااااائع ..
من جد اعطى نصايح من واقع الحياة ..

http://www.skaau.com/vb/showthread.php?t=22576&highlight=%CF%D1%C7%D3%C9+% C7%E1%D8%C8

خصوصاً نصيحة 14 .. الصراحة عجبتني .. بما اني لعّابه
بس انا طول عمري احسب انه كل محاضرة اهم من الثانيه ..
وهي دي النصايح إلي محتاجينها قبل ما نتخصص ..

العضــــو triples طرح نفس موضوعي
بس الموضوع له 4 سنين تقريباً ..

http://www.skaau.com/vb/showthread.php?t=2266&highlight=%C7%E1%D8%C8+%E3%E 3%CA%DA

اعضاء كثير شاركوا فيه و من مختلف المجالات ..
ان شاء الله تستفيدوا منه ..

الاخ المغوار طرح سؤال على الاعضاء عن علم الاجتماع ..

http://www.skaau.com/vb/showthread.php?t=2961&highlight=%C7%E1%E5%E4%CF%D3 %C9+%CD%E1%E6%C9

و الاخ KING OF BIO رد عليه برد صريح وواضح ..
يمكنه تحطيم لكن ممكن تكون حقيقة ..

حالياً هاذا الي قدرت اجيبه لكم ..
و اغلب الاعضاء بيتكلموا عن الطب و الاقسام الثانية مهملينها ..
فـ يلاااا اتكلموا عن تخصصاتكم هنا
و سوري اذا في مواضيع ثانية اهم و ما حطيتها ..
لا تقولوا عميه .. ترا انا بأستخدم محرك البحت .. يعني
الـ ShorT CuT
و يلااااا كل الاعضاء الي ذكرت مواضيعهم ..
فضوا جيوبكم و اعطوني عمووولة
حق الترويج و الاعلان عن المواضيع

و اذا شفت مواضيع ثانيه اجبلكم هي ان شاء الله ..

See Ya
Confused

[زهره النرجس]

انا امنيه حياتى انى ادخل طب امنيه الصغر احس اذا دخلت فيه انجح عشان شى احبه وحاسه انى ابدع فيه واموت اصير دكتوره بعد ماتخرج بس نسبه التانويه ما تاهل انى ادخل طب خلاص نصيبى
المهم انى ماراح الامل لسه نفسى ادرس فقررت بعد ما اخلص الجامعه اخذلى دبلوم تمريض( معهد اهلى)
الا وادرس شى قريب من الطب احب هاذى المهنه وانا نفسى اساعد كتير من الناس وانقذ حياتهم على حساب حياتى
وما اخليهم يحتاجون شى وازيدكم من الشعر بيت انو من كثر ما احب الطب اتابع فى التلفزيون اشياء وكيف يشرحو الجثث واحب اروح المستشفى اذا تعبت اروح اتكلم مع الممرضات بانجليش وبس اسمع انو احد يروح المستشفى ع طووووول تلقانى معاه
بس هاذى الى نفسى فيه

[زهره النرجس]

ودحين انا اداره اعمال بس لسه والله ما اعرف اذا هيا حلوه
بس ناس نصحونى فيه المهم وانا كنت حابه ادخل اداراه اعمال مواراد بشريه والحمدالله دخلت
صح مانى حابه الكليه بس ان شاء الله راح احبها ولازم انى احبها عشان انجح فيها

ويسلمو على الموضوع الرائع

[حلم ماضي]

اختي زهرة النرجس انت حلمك مثلي تماما
نسبتي ما اهلتي للطب
ودرست دبلوم حاسب
وانتظرت التوظيف وزهقت ..
والحين قدمت في التعليم عن بعد
وصار الحاسب شغلي الشاغل واحبه مووو ت واحب اخبار الطب واخر التطورات ..
للحين ما طلعت نتيجه الفرز التعليم عن بعد
دعواتكم اختي

[أكوَسـ شئ~]

السلااام عليكم...ووكيف الحال والأحوال<<اخللصي بس



اممممممم انا ان شالله راح ادخل قااانون<<واي احد يبي يحجز لقضيته من اللحين مستعده









امممممممم بس مرره محتاااره فا اي احد يعررف عن اللي دخلوا القسم او اي شي لايرده الا الكيبوورد