أسئلة عن مواد من تخصص إدارة سكن و مؤسسات

[نيكييتا]

السلام عليكم ورحمة الله وبركاته

إذا سمحتو احتاج أي معلومات عن المواد التالية :

- إدارة مشروعات خاصة

- علاقات أسرية

- اقتصاديات الأسرة وترشيد الإستهلاك

- أدوات و أجهزة المؤسسات

أي معلومات عنهم التكاليف ، المنهج يتكلم عن ايش ، هل هي مادة دسمة ولا سهلة تعتمد على الحفظ ولا الفهم ، أفضل أستاذات يعطو المادة

و ياليت ترشحو أفضل مادة إختيارية من قسمنا

و مشكوريييين مقدما

^ _ ^

[Twix~}..]

السلام عليكم ورحمة الله وبركاته

وعليكم السلام ..

إذا سمحتو احتاج أي معلومات عن المواد التالية :

- إدارة مشروعات خاصة

أخذتها مع استاذهـ سلوى .. بالنسبه ليا اي ماده مع دي الاستاذه تصير سهله وحلوه مهما كانت صعبه .. حاليا الي تعطي المادة استاذه وفاء صعيدي لها 3 اترام هيا الي بتدرسها .. كيف طريقتها كيف اسلوووب معرفش ..

بالنسبه للماده هيا مو سسسسسسسهله ولا صعبه وتعتمد اكتر شي على الاستاااذه .. الماده فيها حفظ وتعتمد على المشاريع وايش الي بيحتوي عليه المشروع من مكان وتخزين ومواصلات وانتاج وتوزيع وايراد ... الخ ..

- علاقات أسرية

أخذتها مع دكتورة زينب حقي .. المادة من احلى ما يكون تستفيدي منها في حاتك الزوجية ان شاء الله .. الدكتوره عسسسل وخلت الماده حلوه .. بطيبتها واسلوبها بالاسئله ..

تكاليفها كانت بحث + مراجعة كتاب وبس .. واختبارات طبعا ..

- اقتصاديات الأسرة وترشيد الإستهلاك

برضو اخذتها مع دكتوره زينب حقي .. الماده قريبة لمادة ادارة موارد اسريه 2 تتكلم عن استهلاك الغذاء والماء والكهرباء .. والطلب والعرض .. والميزانيه والدخل .. وكيف يتم التعرف على السوووق وهيك يعني من دا الكلام ..

الماده مع دكتوره غير زينب حقي ماراح تكون بالسهوله الي حسيتها مع دي الدكتوره لانو الماده بصراحه فيها كلام كتير ويبالها حفظ وفهم لانو فيها شوية مسااائل بس مرآآ سهله مجرد قوانين وطبقي عليها ..

كانت طالبه مننا مشرووع + بحث + مراجعة كتاب ..

- أدوات و أجهزة المؤسسات

أسسسسسسسسسهل بكتير من ادوات واجهزة منزليه .. واغلب الاجزاااء مكرره ونفس الكلام بيتعاد .. اخذتها مع دكتوره نجلاء السيد .. الماده حلوووه ولزيز ومرآآآآ محضرتها خفيفه على القلب بصراحه .. حتى الدكتوره نفسها اتغيرت كتيييير عن اول ..

طلبت مننا ترجمه + بحث + مطويه + زيارة ميدانيه بس لما دحين ما سوينها وشكلنا ماراح نعملها لانو محد راضي يستقبلنا :d ودا احلى شي عشان نفتك من كتابة التقارير ..

أي معلومات عنهم التكاليف ، المنهج يتكلم عن ايش ، هل هي مادة دسمة ولا سهلة تعتمد على الحفظ ولا الفهم ، أفضل أستاذات يعطو المادة

علاقات واقتصاديات حلو تاخذيهم بترم واحد اذا مع دكتوره زينب بس لا تضيفي معاهم مشرووعات لانك راح تنضغطي مرآآ كتير في التكاليف ..

و ياليت ترشحو أفضل مادة إختيارية من قسمنا

رعاية مسنين حبيت المادة انا واخذتها مع دكتوره زينب عبد الصمد .. في مراهقة وشباب مع دكتوره تغريد صحباتي مرآآ مبسووطين منها ومن الماده .. علاقات عامه اخذتها مع دكتوره سماح حمدان .. في صيانه مرافق سكنيه مع استاذه نادية برضو البنات يقولو الماده حلوه بس فيها شوغل بويات ونجارين وسباكين ..
و مشكوريييين مقدما

^ _ ^

[الحــــربيهـ]

طيب توكس لو أخذنا بترم واحد علاقات واقتصاديات وتكنولوجيا الوسائط المتعددة
وحذفنا مشروعات للترم اللي بعده ينفع ولى بيكون ضغط ؟؟

[Twix~}..]

انا المستوى الخامس كنت ماخذتهم مع بعض الثلاث المواد بس الي ساعدنا الدكتورات الي كنت اخذت معاهم انهم كانو ما يضغطو علينا وكنت اعرفهم واعرف اسلوبهم ..

لانو تكنولوجيا اخذتها مع استاذه سلوى .. بس دحين تعطيها استاذه جديده حولت الماده لعملي وصحباتي بيجسلو لما 3 في الجامعه .. بس الماده مرآآ حلوه ..

ممممممم يعني برأأأي ماراح يكون مرآآآ ضغط بالعكس احوووس يجي تاخذيهم مع بعض ..

[الحــــربيهـ]

المشاركة الأصلية كتبت بواسطة twix~}.. انا المستوى الخامس كنت ماخذتهم مع بعض الثلاث المواد بس الي ساعدنا الدكتورات الي كنت اخذت معاهم انهم كانو ما يضغطو علينا وكنت اعرفهم واعرف اسلوبهم .. لانو تكنولوجيا اخذتها مع استاذه سلوى .. بس دحين تعطيها استاذه جديده حولت الماده لعملي وصحباتي بيجسلو لما 3 في الجامعه .. بس الماده مرآآ حلوه .. ممممممم يعني برأأأي ماراح يكون مرآآآ ضغط بالعكس احوووس يجي تاخذيهم مع بعض ..

يسلمووو ياعسسل

[Twix~}..]

^^

ويسسسلمك يارب

[L0rDy]

توكيس ماحبيت احط موضوع جديد عندي نفس اسئلة البنت بس مواد مختلفة. انا باخذ تنسيق زهور وادارة موارد 2 واسس تغذية وعلاقات اسرية واسكان فئات خاصة ومراهقة وشباب صاروا 18 ساعة كيف كذا حلو الجدول ولا راح انضغط بالتكاليف اتمنى نصيحتك خايفة يكون ضغط وشكرا مقدما

[الحــــربيهـ]

تنسيق زهور الماده حلو هي عملي تكون يوم بالاسبوع وتشتغلي وقت المحاضره بس
وادارة موارد 2 مره سهله مع استاذه زينب حقي
واسس تغذية فيها صعوبه الماده
وعلاقات اسرية مره سهله مع استاذه الهام
واسكان فئات خاصةالماده زي سكن وتأثيثه يعني سهله بس نظري
ومراهقة وشباب سمعت البنات يقولوا مع استاذه تغريد كويسه

جدولك حلوووو وبالتوفيق معليش رديت عن توكس

[zana]

طيب تويكس اش رايك بمادة علاقات عامة ومع مين تنصحيني اخذها

[خوخه القمر]

حابة اسئل عن مادة صحة فرد سهلة ولا صعبة

وكمان تعتمد ع الحفظ ولا الفهم

و مين افضل استاذة تدرسها

وبس