( بايولوجي / هندسة وراثية )

[بيشووو،،]

المشاركة الأصلية كتبت بواسطة rhf بيشو ،، لو شوفتي بيو ناديني ابغا اشوفكم انتو الاتنين

هههههههه طيب ،،

اعرفك عشان اناديكي كمان!


.................

مدري ليش احس انو ح يجينا تهزيء قلبنا الموضوع شات!

خخخخخخخ

[دافئ الإحساس]

المشاركة الأصلية كتبت بواسطة rhf ول دافئ حسبتك تكلمني يا لهوتي ، بس يلا كلام في بالي و قولتو ^^

لا طبعا

وزي ما قولتلك خليكي عادي وايزي زي اول

لني اكره التخاصم والزعل

واكره الكلام اللي زي كده انو مابا ارد في مواضيعك لنو سويتلك موضوعك شات وكده

>>خليي يسير شات وازا يبو قفلوو موضوعي يقفلوو اهم شي ماحب احد من الاعضاء يكون عندو شي في قلبو وما يخرجو واهم نضحك وخلاص وجايه بداية الدراسة وحنكرف ومحا نقدر نهرج كتير في المنتدى زي دحين

يعني الكلام اللي من دا القبيل اكرهو وينفرزني :(

تتحياتي

[بيو كيميائية ^_^]

المشاركة الأصلية كتبت بواسطة بيشووو،، الله يسعد قلبك ع الكلام الحلو ،، والله كل ما اقول لاحد احياء،، كاني قلت طردوني من الجامعة .. ليش الفكرة دي..؟؟ بس شكككرا على كلامك الحلو وصح والله معاكي حق بخصوص البنت ،، رهف اهمممممم شي تستخير والله ما تعرف فين الخير لها..؟ "بيوكيميائية" ان شاءالله لو سوينا اقلكم .. اصلا نفسي اشوفك في الجامعة ... =))

لسه لسه ماسمعتي شيء بتشوفي العجب بس لاتهتمـي لهمـ أهم شيء

كل شيء يهون إلا إذا جاوا لك حقون معاهـد أو ثنوي ويتفلسفون عليكِ

وأنتِ جامعية

إن شاء الله تشوفوني

المشاركة الأصلية كتبت بواسطة rhf ان شاء الله يا بيو عارفة ، حتى لو ما اتوفرتلك الادوات ، مممم وفريها لنفسك وسوي الشي اللي محد قدر يعملو و طز فيهم و في ادواتهم الضعيفة :@ < عصبت

الأدوات عادي بس المختبر هذه المصيبة كوني لما قريت في النت لازم يكون المختبر ماحد يدخله عشان الجراثيم

بس المستشفى اللي تدربت فيه قالوا لي لو إحتجتي شيء في مشروع التخرج تعالي وبنساعدكـِ

فإن شاء الله تنحل

وبعد ماأخلص مناقشة أعرض لكمـ المشروع

المشاركة الأصلية كتبت بواسطة rhf بيشو ،، لو شوفتي بيو ناديني ابغا اشوفكم انتو الاتنين

خلاص شوفوني بداية الترمـ أول الأسابيع كوني أكون لسة طازجة بس نبدأ إختبارات تكون حالتي صعبة

[بيو كيميائية ^_^]

المشاركة الأصلية كتبت بواسطة بيشووو،، بيو،.،. في حلقة للشقيري يقول كلمة مستحيل ،،، اخترعها البشر للتبرير ،، يعني اذا ما اتوفرتلك ادوات ممكن او اكيد يكون لها بديل،، يآاآاآارب يتمملك اللي في بالك ،، نفففففسي كدا اختراع ورى اختراع ويرجع للاسلام عزو،،، بانتظاركـــ،.،. =))

أنا بحاول بقدر الإمكـــــان أعمله وفيه دكتورة هي اللي زرعت الفكرة في راسي فراح أروح لها وباقول لها إني أبي أعمل كذا وكذا وكذا

وأكيد بتساعدني

إن شاء الله تتيسر

أنا ماأستسلمـ بسهولة بس دعواتكمـ

[بيشووو،،]

اللــــــــــــــــــــــــــــه يكون في عونك ،.،

=))

[pinkberry]

المشاركة الأصلية كتبت بواسطة بيو كيميائية ^_^ أحياء 110 أصعب من مواد الأحياء اللي أنا أخذتهمـ وجبت أعلى من التحضيري مممممممممممم غريبه والله بس ترى احنا كل الي عندنا تيست بانك والاختبار يجي نفسو بالزبط ممكن انتو على ايامكم غير بس البنت شكلها مو حقت دراسة يعني ماتذاكر ولاتجتهد فيعني العلوم بكبرها لاتدخلها دا الكلام الي انا باقولو انبح صوتي عليه :( هو الأحياء والكيمياء أسهل تخصصين في العلوم ومع ذلكـ ماهم سهلين ايوا طبعًا كل مكان يبون معدل بس مايكون أقل من 3 أهم شيء يبغو معدلات عاليه يا بيو !!! لا نضحك على بعض والمستشفيات فيه ترا ياخذون خصوصًا الأهلية هذه ويكرفونك كرف وراتب قليل بس هذه الواحد ياخذها خبرة فقط لا غير وليه ؟ تداوم 8 ولا 9 ساعات وفي النهايه تستلم 3 ولا 4 !!! حرام والله الفنيين احسن ! قولوا لها تروح إقتصاد منزلي أسهل لها عربي ولايقارن بالعلومـ ماأقلل من شأنه طبعًا انا اشوف الاداره حلوه وعلى فكرة إحتمال ماتنقبل علوم الجامعة وقفت 80 والفيصلية 66 وماأتوقع بينزلوا النسب كثير السنة هيا في الفيصليه تبى هي صاحيـة هي في الجامعة مو في الثنوي عشان تلعب إذا هي إستمرت كذا ماراح تفلح في أي تخصص وبصراحة أنا أشوف ماتدخل علومـ لأن صراحة يبي له مذاكرة بإستمرار غير كذا إختبارات طول الترمـ وتكاليف وإن كان سهل برضو يبي له شدة حيل بس ايش هو السهل ؟؟ البنت ما بتدرس اول باول تجي وقت الاختبار وكلو يتراكم عليها ودي مشكله اكتر الطلاب أنا ماأحب الحفظ لكن أفهم وأتخيل وأقرب الشيء وأربط وأذاكر المادة أربع مرات وطبعًا مو ليلة الإختبار من قبل عشان لا أنسى الاحياء 99% حفظ عكس الكيميا الحيوي!!!!! بصراحة صاحبتكمـ يبي لها تصفيق عشان تفهمـ إن الجامعة شيء صعب مو سهل وتسهل بالمذاكرة والإجتهاد تصفيق وبس !!! تحسب انو عشان طالبين نسبه 66 يعني سهل !!! وترا إحتمال إذا دخلت علوم تحصل على إنذار وإذا وصلت ثلاث إنذارات تفصل نبهوهـا على هالنقطة ما جبتي شي جديد هيا دحين عندها انذار اول وحرموها من المكافاه

والله يعين الجميع

[pinkberry]

المشاركة الأصلية كتبت بواسطة بيو كيميائية ^_^ طيب كرهوهـا في الأحياء قولوا لها تشريح فئران وحيوانات و وصاخة بكتيريا وفطريات وقرف ومافيه سيفتي في معامل الأحياء أخت وحدة معانـا في البايوكـ هي أختها مايكرو يُقال أن طلعت لها فطريات في جسمها بسبب فطر من اللاب سمعت هالكلام من بنات ولا أدري صحته رائحة الحضان تبع المايكرو مو بس تصدع إلا تمـوت بس تفتحيه عشان تحطي الطبق تموتين لاب المايكرو كنت أجلس طول اللاب وأنا لابسة كمام من كثر الريحة الأحياء أغلبه حفظ ودش كثير ايوا وبعد يزوجون ذبـان عشان يشوفوا إنتاجهم والنبات تاخذين ورق وتجلسين تشوفين وش هذهـ وبعدين إذا بتدخل هندسة لازم في بيولجي خلية تكون 85 والمادة صعبة أصلًا بدايتها سهلة لنا حقون البايوكـ عشان من تخصصنا وبعدين لا وهي مو حق دراسة فما راح تجيبها الوراثة برضو مو سهلة ونفس الشيء ماراح تجيبها إن تبي تدخل مايكرو أقل شيء تكون جايبة في المايكرو 75 المادة مو صعبة مرة يمكن تجيبها ايوا ولابات الأحياء مملة مافيه آكشن بس طالعي الشريحة وإرسمي تعرفي إن شاء الله ماتدخل علوم من الأساس ويحطوهـا إقتصاد منزلي

المشاركة الأصلية كتبت بواسطة بيو كيميائية ^_^ على فكرة قولي لها الدوافير إلا هم الدوافير وهم يعانون شلون هي إذا ماتذاكر وترا قولي لها ممكن تجي لها أستاذة أعوذ بالله منها لا أخلاق ولا أسئلة ولا شرح وفوق كذا ترسب ايوا وفيه في الأحياء مادة اسمها كيمياء عضوي والله لو ماتذاكرها محاضرة بمحاضرة وتشد حيلها فيها إحتمال كبير تحملها والمادة بأربع ساعات يعني تتطيح معدلها أعظم وأعظمـ وعندها أحياء 202 بأربع ساعات هو أسهل من التحضيري بس هي إذا ماذاكرت برضو يطيح المعدل وهم هالمادتين في نفس الترم يعني تاخذ إنذار ومافيه مكافأة ويبقى لها إنذارين وبعدين أوت خوفيها بهالنقطة

المشاركة الأصلية كتبت بواسطة بيو كيميائية ^_^ هو تصير بس أغلبها تكون من البنت يعني فيه بنات مايلبسوا فقازات والمادة اللي نشتغلها تكون سامة أو حارقة أو مايلبسوا كممات ورائحة الغازات مضرة والإستاذات يقولون لهم بس هم مايلبسون الشوز الله يكرمكـ لازم مسكر عشان لو إنكب عليكِ شيء إلا رجلك محمية وكثير مايلبسون الشعر لازم مرفوع عشان لايصيد شيء وخصوصًا اللهب فيه ناس إحترقت شعورهـمـ أنا ماشفت بس الإستاذات قالوا مشكلة البنات برضوا مايهتموا في السيفتي فيه استاذات تنقص إذا ماإلتزمتي وبعضها لا أنا لما كنت في مستوى خامس إحترقت بحامض كبريتيكـ مركز مو بسببي بسبب بنت الله يصلحها أنا جالسة أشتغل في دولاب الغازات تجي وتاخذ القطارة وتمررهـا على إيدي ويطيح على إيدي وأجلس أصرخ وأفصخ اللابكوت على طول وحتى إعتذار ماإعتذرت لين الحين فيه أثر خفيف بس هو مو كل اللابات فيها روائح على حسب بس أكثر لابات أكرهها الأحياء صاحبتي هي قالت لي زوجوهم في مادة اسمها الوراثة ناسية ايش كانوا يبون يعملون بالضبط تحول التحويل أصعب خصوصًا معدلهم مو عالي وهي ماتذاكر إن شاء الله تدخل إقتصاد أو إقتصاد منزلي ولايضيع مستقبلها بس حتى لو دخلتهم لازم تذاكر ماتذاكر مابتفلح

بيو هههههههههههههههههههه
الله يقويكي ما قصرتي
جبتي كل السلبيات
فجأه كرهت الاحياء :p
لاحظت انو السلبيات اكتر من الايجابيات
مشكوره اختي
يسير يا رهف نقولها كل دا الكلام عشان تتوب

[pinkberry]

المشاركة الأصلية كتبت بواسطة دافئ الإحساس انا اسف ع اول لني حسيت اني عصبتك مني من موضوعي داكا لكن انا عارفتني الحمدلله هادي وكلو وزي العسل الحمدلله لكن داكا الوقت كنت تعبان مره وحالتي حاله ومع القولون العصبي موترني ومن الالم كنت حفطر وعشين ما اغلط ع احد وقتها من الالم الجامد خرجت بره المنتدى ..... انا اسف مره تانية ما اقصد اعصبك مني او اديكي فكرة لا سمح الله عني مو حلوة :((

المشاركة الأصلية كتبت بواسطة rhf دافئ الكلام دا ليا ؟؟؟؟ < حسوي نفسي ما شوفت شي على فكرة ، انا كنت بمزح مع ( بينك بيري ) احنا بيست فريندز لنا 4 سنوات الحمدلله :) بس انتا عشان ما كنت عارف ، حسبتنا نضارب :) عمومن حصل خير ، وبرضو انا تاني مرة حتى لو بردلك في موضوع خاص لك ، حكتب رد مختصر وبس ،، دا لو رديت :) ///

رهف يا اختي ؟؟؟؟ ايش دا !!!
يا بنتي مليون مره اقولك ( لا تفكري كل الناس تكلمك ) :@
لا حول ولا قوه الا بالله

المشاركة الأصلية كتبت بواسطة دافئ الإحساس الكلام مو ليكي انتي ما ماسار شي منك وي وترا ما اقبل الكلام المختصر في مواضيعي خليكي طبيعية زي اول واحسن كمان انا باقول دا الكلام لني عصبت الاخت بيو كيميائية بس اما انتي لا ومو عليكي زي ما قلتلك دا الكلام وزي ما قلت خليكي زي اول واحسن كمان يعني الفلة في الردود زي اول يعني وغير كده ما اقبل ولا ترا محا ارد انا كمان في مواضيعك هههههه هيا اهجدي بالطيب وخليكي زي اول وعادي وترا حركة اول من بينك اعتبرت نفسي ما شفت شي وعادي مره

دافئ
كم مره كتبت كلمه ( زي) في دا الرد ؟
ههههههههههههههههههههههههههههههه
سوري على الانبراشه الغريبه

المشاركة الأصلية كتبت بواسطة rhf ول دافئ حسبتك تكلمني يا لهوتي ، بس يلا كلام في بالي و قولتو ^^

دوبك اخدتي بالك ؟ لاحظتي ؟ استوعبتي ؟
بدري يختي
عموما عشان يكون درس ليكي وما تعيديها :@

المشاركة الأصلية كتبت بواسطة دافئ الإحساس لا طبعا وزي ما قولتلك خليكي عادي وايزي زي اول لني اكره التخاصم والزعل واكره الكلام اللي زي كده انو مابا ارد في مواضيعك لنو سويتلك موضوعك شات وكده >>خليي يسير شات وازا يبو قفلوو موضوعي يقفلوو اهم شي ماحب احد من الاعضاء يكون عندو شي في قلبو وما يخرجو واهم نضحك وخلاص وجايه بداية الدراسة وحنكرف ومحا نقدر نهرج كتير في المنتدى زي دحين يعني الكلام اللي من دا القبيل اكرهو وينفرزني :( تتحياتي

خلاص يا دافئ
لقد فات الفوت زي ما بيقولو <<< امزح
تقبلو مروري

[pinkberry]

المشاركة الأصلية كتبت بواسطة بيشووو،، هههههههه طيب ،، اعرفك عشان اناديكي كمان! ................. مدري ليش احس انو ح يجينا تهزيء قلبنا الموضوع شات! خخخخخخخ

كلنا اخوات في الله يا اختي :)

[بيشووو،،]

المشاركة الأصلية كتبت بواسطة pinkberry كلنا اخوات في الله يا اختي :)

طيب انا ماقلت شي..!!

اقصد اني اصلا ما اعرف رهف "شكلها"

فكيف اذا شفت بيو اللي ما اعرفها كمان .. انادي رهف..

وكلنا اخوات... =)