استفسارات كثيره

[Rawan.a.z]

انا مره مضيعه عشان الترم هذا موادي سنترا أبغى اعرف اسماء الكتب للمواد حقتي مع اسم الكاتب عشان اشتري واداكر او لو في ملخصات اشتريها من المكتبه يكونوا قالوا عليها قولولي الله يسهلكم

1- مباديء التسويق bus 211 نعيمة عمر شعبه (la) < هي نفسها نعيمه بوقري؟

2- أدارة الموارد بشرية bus 231 د/ بثينه أنيس جمجوم شعبه (pa)

3- مباديء المحاسبه acct 102 عيشه عطية شعبة (na)

4- السلوك الانساني في المنظمات bus 102 نبيل موسى شعبه (qa)


الله يسعدها اللي حترد تتأكد وتنتبه لرقم المادة ورمزها


شكرا مقدماً

[ashwa8]

انا عندي محاسبه ٢ مع الدكتوره عيشه السيد ورحتلها الجامعه دلتني على ملزمة سارة بكر نذاكر منها وبس

وكمان ادارة موارد بشريه انا زيك الكتاب مره كبير ورحت كمان للدكتوره بثينه قالتلي لا تعتمدي على احد من الكتاب بس في فصول محذوفه والمادتين الباقيه من زمان اخدتها اكيد في تغيير

[Rawan.a.z]

كيف الاقي ملزمة ساره بكر؟
وايش الفصول المحذوفة في كتاب الموارد ؟

[ashwa8]

بالنسبة لملزمة سارة بكر افتحي موقع الجامعه الرئيسي تلاقي يمينك مكتوب الاكاديميه ادخلي عليه وفي الصفحه في النص مكتوب الكليات ادخلي ادارة واقتصاد بعدين تجيكي صفحه عاليمين مكتوب اقسامنا العلميه واختاريه واختاري محاسبه حتنفتحلك كمان صفحه جديده عاليمين مكتوب اعضاء هيئة التدريس حتلاقي اسم سارة بكر لمن تضغطي على اسمها تجيكي علامة بيت اضغطيه تلاقي عاليمين مكتوب السيره الذاتيه اذا فتحتيها تحت حتلاقي موادها اضغطي شي مكتوب عليه انتساب جديد سنترا حتنفتحلك تحتو ٤ مواضيع التالت والرابع زي بعض واحد فيهم حمليه وسلامتك ''


بالنسبة للموارد حقولك اللي معانا والباقي محذوف
الباب الاول / الفصل ١و ٢
الباب الثاني / الفصل ٣و٤و٥و٦
الباب الثالث/ الفصل ٧و٨و٩و١٠
الباب الرابع / الفصل ١١
الباب السادس / الفصل ١٦

[Rawan.a.z]

تسلمي يا اشواق القمر, يسعدك الله يوفقك في اختباراتك يارب

اخر سؤال ايش اسم كتاب ادارة الموارد البشريه ؟ x_x

[ashwa8]

^^ امين يارب واياكي حبيبتي
اسم الكتاب ادارة الموارد البشرية تأليف الدكتور مدني عبدالقادر علاقي

[Rawan-Ad]

بنات انا نزلت المادتين مبادىء التسويق انا ذاكرت من ملزمه هاني عرب وكانت شامله واخذت فيها +b مع نجاح سلامه ،وكتاب الموارد كمان اخذت درجه حلوه واسئله الدكتوره بثينه كمان حلوه الكتاب عموما لا تحفظيه امشي واقرئيه بفهم وان شاءالله ما يكون صعب عليكي

تحياتي لك

[Rawan.a.z]

يسعدكم