هام لكل من درس الطب

[بنووته تووته]

السلام عليكم

انا حابه اسئلكم ايش الفرق بين (الطب البشري والطب العام)

هل هما وجهان لعمله واحده ام انهما يختلفان

لاني ادخل على جامعات واقرأ مكتوب عندهم طب عام

وبعض الجامعات يكتبون طب بشري

هل يختلفان عن بعض ام لأ

السؤال الثاني : هل يجب على كل من أراد دراسته الطب ان يأخذ دوره في اللغه الانجليزيه .. واذا مايحتاج دوره الانقلش كيف يقدر يذاكر دروسه بدون ترجمه


السؤال الاخير : هل طالب / ـه الطب وقتهم كله يروح في ترجمه الكتب والمذكرات ولا يذاكرون بدون ترجمه

لاني انا ما اعرف اذاكر الا اذا ترجمت وعرفت ايش معنى الكلمه هذي بالعربي .. وللاسف وقتي يضيع اكثره في الترجمه


الله يوفق كل من قرأ الموضوع ورد عليه
جاوبوني ولكم دعوه بأخر الليل
لانو ماعندي احد اسئله

[masha3er]

أهلين أختـي ..

طيب ,

هل الطب البشري والطب العام وجهان لعمله واحده ..؟

ايوا , نفس الشي عزيزتي اللي يتخرج من كليه الطب .. يكون طبيب عام

بالنسبه لموضوع الانجلش ..
ترى الحكايه مو بالصعوبه اللي انتي متصورتها , كلنا خفنا بالبدايه لان الدراسه مو بالعربي بس مجرد انك تعدي اول شهرين تلقي نفسك اتعودتي .. طبعا لازم تكون عندك خلفيه كويسه في الانجليش بس اللغه ابدا ماراح تسبب لك عائق بأذن الله ..

وبالنسبه للترجمه , زي ما قلتلك بالبدايه بس تحسي انك محتاجه ترجمه اغلب الكلمات بعد كذا خلاص تقدري تعرفيها من نفسك لان حصيلتك من الكلمات بتكون كبيره ..

ان شاء الله اكون افدتك .. :)

أذا احتجتي شي لا تترددي !

أختك

[بنووته تووته]

مشكوره masha3er

تسلمين ياعسوله على ردكـ

وماقصرتي لانك أعطيتيني المختصر و المفيد

الله يوفقك بدراستك ويحقق لك اللي ببالك واشوفك استشاريه آآآد الدنيا

[dr.CILIA]

وعليكم السلام ورحمة الله

مداخلة بسيطة وتعقيب على كلام الأخت مشاعر المسألة بالنسبة لمشكلة الإنجلش مو مرره صعبة بس ممكن اول كم شهر تعب شوي إلين تتعودي وترى بعض الكلمات تنفهم من سياق الكلام يعني ماتحتاجي تمشي بالمترجم طوول الوقت إنت لاتشيلي هم ابدا ربنا ييسر لك ويوفقك بس إنتِ شدي حيلك واتخرجي وربي يختار لكِ الأفضل

موفقــــــة..
نحن في الخدمة:-)