Nice Message=)

[M!Šs JỏJỏ]

السلام عليكم ورحمة الله وبركاته
كيفكم يا صبايا ؟؟؟
ايش عاملين مع الجامعة
ربي يوفقنا كلنا :)

دا ايميل وصلني ومرة عجبني وحبيت احطو هنا عشان تستفيدو وتفيدو غيركم
اعتبروها من أخت صاحبة وقريبة من قلبك
ما ابغا يكون الكلام رسمي ابغا يكون زي طريقت كلامنا احنا البنات

بنـآت..

مره رحت لمسجد صلاه القيام .. شفت بنات كثير بأعمارنا من 16 الى العشرينات واكبر ..

بنات لبسو عبايات كتف وبناطيل و و و لكن ايش..

تركو السوق والتلفزيون والاغاني وجو للمسجد ..

وش معنى هذا..!

مو معنى المسجد

يمكن صليتي في بيتك ورفعتي يدك ودعيتي من قلبك..

وبـ ذلك بكيتي والشيخ يدعي..

تسمعين الشيخ يقول ..{ يارب ندعوك دعاء المسكين من كثرت ذنوبه وقلت حسناته }

وتسمعين { سبحان من ستر القبيح واظهر الجميل },,

تسمعين يقول { سبحانك تطاع فـ تغفر وتعصى فـ تغفر }..

تبكين من قلبك او يعورك قلبك ..

تحسين انك صح كذا تحسين فجأه انك ولا شي

يعني وش سوينا نحس ان حنا مغترين بأنفسنا..

تدرون في احاديث للرسول واقوال للصحابه
ان في زمن ان الرجل يصلي ستين سنه وماتقبل له سجده وحده ..

معقوووووول.!

ايه ولا سجده يعني تركعين وتقومين
وتسلمين ماتدرين كم صليتي وترقعينها بالسهو ..

بنات الى متى انا وانتو كذا..

قسم بالله مهيب حاله يعني يجيني حاله اقول ودي اني بعهد الصحابه ..

الى متى وحنا بغفلتنا,,

نصلي ونبكي و و..

يجي العيد وبعد العيد ونرجع لخنبقتنا وننسى ..

طيب انا وانتي خلينا نفكر بـ شي من الحين دام الهمه فيني وفيك الحين..

مثلا نسوي صندوق بالبيت او بغرفتك كل يوم حطي ريال ..

بدل هالشيبس والحلويات

نتبرع بريال للصندوق ...

وريال على الريال تصير 10..

تدرين ليه ريال عشان ماتثقل عليك واللي لها قدره الله يجزاها خير..

وعطيها مثلا هاللي ينظفون بالاسواق ولا سواقكم ولا شغالتكم ..

تراهم ماجو هنا الا للحاجه..

واذا كانت تتعنفق ولا تنافخ ..

خلي قلبك اكبر واكسبيها باجر ربي وماجوووووووووره,,

ولسانك ..

اللعن ..

زي العاده ..

شفتو ابله فلانه الله ..... تستهبل هي وواجباتها..

ولا الدكتور/هـ ودي اذبحها الله .........

ولا اخوي الحمـ.... فصل النت .الله .......

عودي نفسك تتركين العاده ..

اذا لعنتي فجأه عاقبي نفسك واستغفري 40 مره مثلا =)..

واحسني خلقك مع أي احد..

تدرين الابتسامه لها اجر..

تمر وحده من جنبك .. لاتمدين الكشره متر ..

لا ابتسمي..

انا مره رحت مكان ماعرف احد فيه وفيه بنت ابتسمت لي تمنيت اني هي..

الابتسامه لها دوووووووووووووووووور..

عبايتك ..

انتي عارفه خطأك اكيد بس خليني اقولك عن شي..

مره كانت فاطمه بنت النبي تبكي من قلب وتصييييييييييييييييييح..

جتها عائشه رضي الله عنهم جميع..

تقولها مابالك .!

اعلمك وش قالت ..؟!

قالت بمجمل كلامها .. الحين إذا انا مت وشالوني الرجال بييبن جسمي وبيبان خصري

يعني شكل جسمي بيبان..

اذا فاااااااااااااااطمه بنت الرسول كذا تفكيرها

وهي الحين ميته..

وحنا العبايه واسعه لكن مع الشنطه وشد العبايه مع الخصر يبان كل شي

بنات تكفون خلونا نتغير ..

وربي ماراح ينفعنا شي..

تدرون بس ان النار سوداء وكل شي مانشوف

واللي ابتليت بجوال مع الشباب ولا الماسن..

تأكدي هالشخص اذا انحطيتي بقبرك وجاءك ربي يقولك وسألك ليه سويتي كذا.ّ

وش ردك عليه..!

بنات والله ماينفعك..

تدرين ليه اقول كذا .. لاني اعرف كثير وعارفه هالشي صعب..

لكن احببببببببببببببببك
لاني احس انو شي صعب بس من ترك شي لله عوضه الله خير منـه..

اتركيه هالشخص ووضحي له انك تعدلتي..

شي احسن من لاشي ..

صح علي..

حاولي و حاولي وحاولي..

وادعي لربك قولي يارب لاتعلق قلبي بأحد واهدني واني احذف اللي عندي وعطني قوه وعزيمـه..

بنات..

تكفون .. =)..

عدلي لو شي واحد وادعي ربك لنفسك دائم..

صح ولا انسى الاغاني والافلام الامريكي والكوري<~ يارب صبرنا وأعنا..

اذا انحطيتي بقبرك ماراح يٍسألو عنك ..

بتنحطين بقماش وذنوبك معك..

حاولي انك دايم تذكرين صحباتك بالجنه والاشياء ..

تخيلو اليوم سمعت عن قصه ..

في اثنين أصحاب ..

كانو قاعدين بمكان

المهم..

قامو يتكلمون عن الجنه والنار والخ.!

واحد دمعت عينه بذكر النار خاف منها..

بعدها بمده توفى صاحبنا ..

وجاء لخويه بالحلم ..

قاله صاحبه يافلان وش اخبارك..!

قال اخباري..

انا بالفردوس الاعلى اعلى شي بالجنه..

قاله صديقه ليه..؟

قال تذكر يوم نقعد نسولف انا وانت وذكرنا النار ودمعت عيني..

هذا اللي دخلني الجنه..

شفتي ربي قد ايش كريم..

وربي ربي شي كبيييييييييييييييييييييييير..

بنات..

طولت عليكم..

بس وربي ضايق صدري ع حالنا هالبايخ..

تكفون خلينا نتحمس سواء ونتعدل مع بعض..

الله يخليكم..

لي طلب اخيرا..

اذا عجبك الموضوع ...

بس ارسليه لاقرب شخص لك ..

اللي تحبينها وتخافين عليها..

من نار جهنم..

لا يقولك هالسخيف<~ تقصد ابليس

لاترسلين مشوار و ايميلي مايرسل الا لكم ايميل عشان ماوزعته لقروبات

كلامه المعروف..

لا خذي اجر لو سمحتي..

لاتنسووني من دعائكم ..

جزاكم الله خير
أحبكم كلكم (=

[روح الربيع]

الله يجزاك ألف خير والله يهدينا للحق ويثبتنا على الدين ، لا حرمتي الأجر ^.^

[Patricia]

بارك الله فيك اختي ع التذكير ..

الله يغفر لنا ويتوب علينااا ...

[M!Šs JỏJỏ]

المشاركة الأصلية كتبت بواسطة روح الربيع الله يجزاك ألف خير والله يهدينا للحق ويثبتنا على الدين ، لا حرمتي الأجر ^.^

آمين وكل من شاف الموضوع
ربي يسعد يا قمر

المشاركة الأصلية كتبت بواسطة patricia بارك الله فيك اختي ع التذكير .. الله يغفر لنا ويتوب علينااا ...

آآآآآآآآآآآآمين يا رب
ربي يغفرنا كلنا ويهدينا ويسامحنا على كل الي بنسويه ويهدينا ويصلحنا احنا والي نحبهم وكل الي قالوآمين

[khadoOoj]

الله يعطيكي العافيه

من جد كلام مؤثر

الله يهدينا ويغفر ذنوبنا ويرشدنا الى طريق الصلاح والخير

لاتنسيني من دعواتك ياعسل

[أثير العالم]

جزاااك الله ألف خير ع الطرح الرائع...~

ومنجد في هالأياام نحتاج نذكر بعض كثيـــــر..~

دمتي بود..~

[صوت الفجر]

كلامك روعه وموثر وطرحك مثالي تقبلي مروري...

[M!Šs JỏJỏ]

المشاركة الأصلية كتبت بواسطة khadoooj الله يعطيكي العافيه من جد كلام مؤثر الله يهدينا ويغفر ذنوبنا ويرشدنا الى طريق الصلاح والخير لاتنسيني من دعواتك ياعسل

آمين يا رب
ربي يتقبل دعواتنا ويهدينا ويعيننا على طاعته
يسلمو يا قمر على المرور الحلو

المشاركة الأصلية كتبت بواسطة أثير العالم جزاااك الله ألف خير ع الطرح الرائع...~ ومنجد في هالأياام نحتاج نذكر بعض كثيـــــر..~ دمتي بود..~

جزاك الله خير على المرور

المشاركة الأصلية كتبت بواسطة صوت الفجر كلامك روعه وموثر وطرحك مثالي تقبلي مروري...

يسلمو يا قمر

[joudy Abbout]

يسسلمو موعلومه مرره مهمه

[roro98]

وفقك الله لمايحبه ويرضاه وهدانا جميعا لما يحبه ويرضاه
جزاك الله خيرا وكترمن أمثالك
الله يهدي الجميع يارب
وكلامك مررره حلو ياعسل