مبادئ المحاسبة واستاذاتها =) .. نريد المشورة .. تفضلن

[لورا]

امااااااااال افضضضضضضضل من نهال

[نوره الغامدي]

ايش فيها نهال ؟؟


وربي شرحها تمام واصلا الماده حلوه ما يبغالها اختراعات ..!!


انا كنت مع نهال و كمان اربعه من زميلاتي معاها و كللللهم جابو درجات عاليه ماشاء الله :)
بس هيا عيبها ما تراعي فـ التصحيح و تدقق فـ كل حاجه ,. يعني مافي شي تعديه .. لازم تكوني منتبهه معاها ..

و تكوني متأكده من حلك فـ الامتحانات ^_^


موفقه اختي .,.

[الـبيــــــان]

والله حرام نهال مو بهذا السوء ..

انا اخذت معها والحمدلله اخذت +a ..

صراحة تبسط المعلومة قد ما تقدر ..

أنا اشوف انها رائعة ..

[عـآزفـ الكيـبورد ـة]

هههههههههه

غسق حبيبتي لا تحاولي تسألي ههههههههههه

انا تشتت اكثر مما انا مشتته ههههههههه

ناس تقول آمال وناس نهال ,,

بس محد يعرف مين امر المرين فاهمتني هههههههههه

موفقة خيتو ,,

خليكي معانا انا والشلة نهال يقولو يقولو احسن ,,

موفقة ^^

[غسق؛ْ]

عزوفة ياقمر
مااقول لك اليوم خبصولي جدولي =/
ولا مادة من ترتيبي
رتبتها ليّا أ.آمال من جديد
وصرت مع أ.آمال في مبادئ المحاسبة :d
الله يعين ويوفق =)

[•♥fŗŌồtą]

^


^

خلاص انا حختم لكم الموضوع

جوني حتضربني كمان ذي المره خخخخخ

انا اخذت مع نهال >> ورسبت >> حطت رجلها وشردت من جوني

بس من جد انا نهال ذي كرهتها جدا جدا جدا

وبس ^^

[نوره الغامدي]

المشاركة الأصلية كتبت بواسطة •♥fŗŌồtą ^ ^ خلاص انا حختم لكم الموضوع جوني حتضربني كمان ذي المره خخخخخ انا اخذت مع نهال >> ورسبت >> حطت رجلها وشردت من جوني بس من جد انا نهال ذي كرهتها جدا جدا جدا وبس ^^

معليش اختي فروتا مو شرط انك رسبتي عشان استاذتك سيئه ..!!


لانه فيه بنات مع نفس استاذتك و جابو معاها درجات عاليه توصل لـ a+ & a ..


يعني لو اغلب الشعبه درجاتها سيئه مره ,, كان قلنا العيب من الاستاذه اكييد ...


الله يعوضك خير عزيزتي .. موفقه

[عـآزفـ الكيـبورد ـة]

^^^

بشرك الله بالخير هههههههه

لا بالله فلحنا هههههه

الله يستر علينا ويعوضك خير ,,,,

قلبي غسوقة ’’

حطي جدولك هنا اشوف بايش متفقة معانا والشلة ,,

ونحاول نزبط لك الوضع !!<<اووخص يالمزبطة هههههه بس والله نحاول مو خسرانين شي ,,

[غسق؛ْ]

او ياعزوفة
بتجن في مادة ابغى اضيفها
بس متعاااااااااااارضة مع الكل
بجد جاني جنان =/
دقايق بس وادخلك في قلب الحدث :d

[•♥fŗŌồtą]

المشاركة الأصلية كتبت بواسطة نوره الغامدي معليش اختي فروتا مو شرط انك رسبتي عشان استاذتك سيئه ..!! لانه فيه بنات مع نفس استاذتك و جابو معاها درجات عاليه توصل لـ a+ & a .. يعني لو اغلب الشعبه درجاتها سيئه مره ,, كان قلنا العيب من الاستاذه اكييد ... الله يعوضك خير عزيزتي .. موفقه

صح معاكي حق

بس انتي شكلك ما كونتي معانا بنفس الشعبه ^^

يعني اتوقع انو احنا الشعبه الوحيده الي انظلمت بسببها

اول شي محاضرتنا تبداء 8 ما تشرف الا 8 ونص وبعض الاحيان 9 الاربع

تجلس تخربط بالكلاس ربع ساعه وبعدها تحط السبب على الداتا شو وتجلس تسوي اتصالات

وحركات وكذا خخخخخخ

وبعدها تقول انا مابعرفش اشرح كذا الجو حار

يعني طول المحاضره تحووس ما تعطينا حقنا يعني ذا الكلام مو محاضره وحده كل محاضره

والكلاس الي بعدنا من 9ونص لمن 11 تبداء معاهم من اول

//

يعني صراحه انا ما احط السبب في رسوبي عليها بس عاد اش نسوي

مع اني درجاتي بالدوري حلوه وسلمت لها الواجب بس ذا امر ربي :>

//

واخر شي الماده ذي محا ادرسها ثاني الحمدالله ^^