التحويل من اللغات لعلم اجتماع ..

[Ned]

السلام عليكم ورحمة الله وبركاته ..

كل عام وانتم بخير .. ورمضان كريم ومبارك على الجميع ..

أنا منتسب وتخصصي انجليزي .. وخلصت 4 مستويات ( 53 ساعة ) ..

وودي أحول من قسم اللغات لقسم علم الاجتماع .. فهل ممكن أحول عن طريق النت أو لازم أروح للكلية ؟؟

وهل في شروط للتحويل ؟؟ أتمنى اللي عنده أي إفادة أو تعليق لا يستحي <<<

يتفضل ويقولها .. وأشكركم مقدما ..

[DEADHEAD]

بالتوفيق إن شاء الله
وسيفيدك الأخوة الكرام بإذن الله

[عاشق الفهد]

الاخ Ned سلامات عسى ماشر طيب اطرح مشكلتك في منتدى قسم اللغات الاوربية والا نسيتنا خلاص

اتمنى ان تفكر بشكل جاد فانت خلصت قرابة نصف المدة

[Ned]

هههههه عاشق الفهد .. انتوا الخير والبركة .. بس خفت أحط الموضوع في قسم اللغات تعتبروني مرتد

الحقيقة حطيت الموضوع هنا لأستفيد من جميع الآراء من طلاب علم الاجتماع واللغات والجميع ..

وبالنسبة للفكرة أنا دخلت التخصص بنية التحويل لانتظام .. لكن ما صارت .. واللغة يبغالها دراسة وشغل ..

وفي رأيي ما تصلح انتساب أبدا .. ولكن النية موجودة بدراسة دبلوم لغة انجليزية في أحد المعاهد الجيدة ..

وتخصصي كعلم اجتماع ممكن يفيدني علميا أكثر من اللغات كانتساب .. وفي نفس الوقت أحسه خفيف

وعندي ميول لهذا التخصص .. وعلى هذا الأساس قررت التحويل ..

[عاشق الفهد]

مادام شايف نفسك في هذا التخصص وانك مرتاح افيه استخير الله قبل كل شي واتوكل
وتمنياتي الخالصة لك بالتوفيق بس ها لاتحول وتنسانا

[Ned]

عاشق الفهد مشكور والله يعطيك العافية ..

وبالنسبة لقسم اللغات فمستحيل أتركه لحاجتي للقسم .. لأني ما زلت مستمر في تعلم اللغة .. ولوجود الأعضاء المميزين فيه ..

تحيــاتــي لك ..

[.. رايــق ..]

أنتقال خطير .. ومجازفه

[بندر344]

ياخي ned انت تبي تحول وانا مسوي نون ومايعلمون لكي اتخصص انجليزي لان ميول انجليزي ولما رحت الكليه حطيت رغبتي انجليزي لقيت بعد اسبوع حطولي لغه عربيه مع العلم اني اكرهه هاذهي اللغه
الانجليزي له مستقبل باهر اتمني لاتستعجل في اتخاذ القرار هاذا واتمنى لك التوفيق
واذا لقيت لي طريقه اتخصص انجليزي اتمنى تخبرني بليز قبل الفصل يبداء

[Ned]

للأسف قفل وقت التحويل الداخلي .. وماراح يفتح إلا في نص السنة .. وإن شاء الله إنها خيرة ..

أخوي بندر .. خذ الفصل هذا مواد حرة أكثر من مواد التخصص .. علشان إن شاء الله إذا بتحول انجليزي التيرم الجاي

ما تضيع عليك ساعات كثير .. كثر مواد حرة وشد حيلك وإن شاء الله إنك بتحول ..