تم فتح الحذف والإضافة من خلال الأودس

[الهيملي]

السلام عليكم
تم فتح الحذف والإضافة من خلال الأودس .

بالتوفيق.

[ريناد الشمراني]

الحمد لله .. رحت الجامعه وقلت لها قالت 5/11 وشلت هم ..


بس يعني عندي سؤال لو سمحت الحين لما رحت الجامعه حتى عشان اختار المسار قالت 5/11

طيب كيف ازبط الجدول وانا ابي ادارة مستشفيات ارجع اروح الجامعه. والا كيف اضيف المواد على اي اساس.

واخاف اتاخر وتقفل الشعب :-(

اتمنى احد يرد

[الهيملي]

نزلي المواد لإدارة المستشفيات إذا قدرتي عادي وبعدين حددي المسار , وإذا ماقدرتي لا تخافي النظام حيمشي على الكل وماراح يسبقك أحد على الشعب حيفتح للجميع بعد تحديد المسار , برضو الشعب للمستجدين كثيرة وتقدري تسوي جدولك بالراحة .


بالتوفيق.

[اخت المهندس]

وعليكم السلام
على البركةة
| موفقين ~

[BesT GiRl]

عندي مشكله في اضافة مادتين
arab 101 >>>> يقول مافي شعب تتوافق معاي مع العلم ان جدولي كان فاضي قبل اضيفها
ELIB 201 >>> يقول انها تحتاج متطلب ELI 104 مع العلم اني ناجح في هاذا المتطلب

هل فيه احد تواجهه نفس المشكله ولا لازم اراجع الكليه

[الهيملي]

المشاركة الأصلية كتبت بواسطة best girl عندي مشكله في اضافة مادتين arab 101 >>>> يقول مافي شعب تتوافق معاي مع العلم ان جدولي كان فاضي قبل اضيفها elib 201 >>> يقول انها تحتاج متطلب eli 104 مع العلم اني ناجح في هاذا المتطلب هل فيه احد تواجهه نفس المشكله ولا لازم اراجع الكليه

هذي المشكلة تحصل لبعض الطلاب المستجدين ولازم يروحوا يضيفوها من الكلية , الإنجليزي لازم تروحي الكلية وتكلميهم وحينزلوها لك , والعربي شيلي علامة الصح لما تبحثي عن الشعب واختاري الفرع الرئيسي طالبات , إذا ما انضافت لك لازم تروحي الكلية تضيفيها .

بالتوفيق.

[ريناد الشمراني]

المشاركة الأصلية كتبت بواسطة الهيملي نزلي المواد لإدارة المستشفيات إذا قدرتي عادي وبعدين حددي المسار , مااقدرت انزلها .. قلت عادي بس انو الجدول اللي اختار منه المواد اللي أضيفها حاطيلي مواد مستجد اعمال يعني احصاء واقتصاد وكذا ماادري اطنش واضيف بس الاشياء المشتركة والا مااضيف شي خالص وإذا ماقدرتي لا تخافي النظام حيمشي على الكل وماراح يسبقك أحد على الشعب حيفتح للجميع بعد تحديد المسار , برضو الشعب للمستجدين كثيرة وتقدري تسوي جدولك بالراحة . يعني عادي اخلي الجدول ولااسوي شي فيه لااول يوم والا كيف .. والا اروح واقولهم ابغى ادارة مستشفيات وبكذا يغيرولي الجدول اللي اضيف منه لان الحذف و الاضافة مواد التخصص يقول فصل مغلق مدري وش .. المشكلة اخاف اتعنى وتقولي تعالي 5/11 واخاف مااروح وتقولي ليه ماجيتي بدري .. لان اول كنت ابي ادارة اعمال بس الحين غيرت بس مااعرف بالتوفيق.

اوكي عاارررفة ابثرتكم حتى امي طفشتها بس انا متوهقة

[الهيملي]

هههههه ريحي بالك الموضوع بسيط شوفي :

أولا : إذا قدرتي تضيفي المواد المشتركة ضيفيها والباقي مايفرق إلا مادة واحدة , والجدول اللي نزل لك حيتغير بمجرد ماتحددين المسار, والشعب ماراح تقفل لو حددتي المسار بداية الدوام تقدري تنزلي وقتها المواد على راحتك معاك أسبوع أو أكثر , وزي ماذكرت شعب المستجدين كثيرة تقدري تضبطين الجدول زي ماتبين .

ثانيا : إذا كنتي في جدة روحي لهم ألحين وأسئليهم ماراح تخسري شي , إذا كنتي برا جدة تقدري تراسليهم على الإيميل(خشي على الإيميلات اللي في موقع الكلية _ اتصل بنا) , أو انتظري لبداية الدوام 11/5 وروحي لهم وحددي المسار وهذا هو الوقت المفروض لتحديد المسار وحنا يوم تخصصنا رحنا بداية الدوام , وأنا اضمن لك أن 80% من الطلاب/طالبات المستجدين إلى الآن ما تخصصوا .


بالتوفيق.