قصيده رائعه

[go2]

ياليل خذني على سطح القمر دوره=وترك نجومك تحتنا مع لياليها
واتركني اغوص بين الشعر وبحوره=عندي قصيده ولا ادري وش قوافيها
قصيدتن ترمي الشاعر على زوره=تسعين ليله ولا يقدر يسويها
قصيدتن وسمها يا هاجسي نوره=لبا المسمى ولبا اللي مسميها
لعيونها الشعر والشاعر وجمهوره=تعاندو في رضاها من يراضيها
لكنها ماتلد العين مغروره=من حقها جعلهم فدوة مواطيها
ترفه وغنجا ومياسه وغندوره=وليا انتهى الزين منها جاك يبديها
لاجت تخطا شوي شوي معذوره= الارض من تحتها تحسب خطاويها
وان طبت الروض الاخضر طارت اطيوره= نصن يجي فوقها ونصن حواليها
بعيونها كني اقرا اول السوره=وبرموشها سورة الرحمن منهيها
وبخدودها الزعفران يجدد اجذوره=فديت هالزعفران اللي بخديها
وفي ثغرها الشهد ودّع زاهي ازهوره=مستوطن بثغرها معذور باغيها
وفي شعرها روح ليلن طال ديجوره=وجبينها شمس وازرى الليل يخفيها
اليا اضحكت صارت القيعان ممطوره=وليا بكت ردة السحب لمناشيها
والسانها كلمته بالنطق مكسوره=تجبر كسور الحكي للي يحاكيها
من عمرها عام واحد مقبلن دوره=العمر كلّه عسى ربي يعافيها
طفله شقيه ومقروده ومطيوره=وهذا اللذي عن جميع الناس محليها
في يدينها ماسكه لوحه وطبشوره=تكتب وتجهل وش اللي تكتب ايديها
تقولي لكبرت بتصير دكتوره=وقول يارب حقق لي امانيها
لاجيت مقبل تجي تظحك ومسروره=تقول (بابا) هلا وقوووووول لبيهاااا
مبطي غلاها بقلبي زارع ابذوره=محيي غلاها عسى ربي يحييها
لبيه نووووره ولابه غيرها نوره= احلى الاغاني وانا اول من يغنيها


والله حلوه القصيده
وللاسف مدري من هي له

[surgeon]

ماااادري بس القصيدة مليانه كسور....وقوافيها ملحونه ((يعني ماهي على نفس الطرق))

بس معانيها روعه

تقبل انتقادي

سرجون

[go2]

المشاركة الأصلية كتبت بواسطة surgeon ماااادري بس القصيدة مليانه كسور....وقوافيها ملحونه ((يعني ماهي على نفس الطرق)) بس معانيها روعه تقبل انتقادي سرجون

هلا بك
شكرا لمرورك
من رايي انها موزونه
ورائعه

بس تشريفك للقصيده هو الاروع
شكرا

[ابو رابح]

المشاركة الأصلية كتبت بواسطة surgeon ماااادري بس القصيدة مليانه كسور....وقوافيها ملحونه ((يعني ماهي على نفس الطرق)) بس معانيها روعه تقبل انتقادي سرجون

اختلف معاك اخوي والقصيده موزونه من مجاميعه ... لاكن اذا طلعت معاك غير موزونه يمكن عشان طريقة نطق الكلمات ماتنطقها صح او ماتحرك الكلمه بالحركات والسكون صح ... اتمنى تتقبل تعقيبي
:)
_________________________________

في يدينها ماسكه لوحه وطبشوره=تكتب وتجهل وش اللي تكتب ايديها
تقولي لكبرت بتصير دكتوره=وقول يارب حقق لي امانيها
go2 والله قصيده روووععععععععه ليتني كنت نوره خخخخخخخخخخخ

والله قصيده رائعه وتسلم عليها والله يعطيك العافيه وننتظر ابداعك

تقبل مروري

تحيتي ابو رابح

[go2]

المشاركة الأصلية كتبت بواسطة ابو رابح اختلف معاك اخوي والقصيده موزونه من مجاميعه ... لاكن اذا طلعت معاك غير موزونه يمكن عشان طريقة نطق الكلمات ماتنطقها صح او ماتحرك الكلمه بالحركات والسكون صح ... اتمنى تتقبل تعقيبي :) _________________________________ في يدينها ماسكه لوحه وطبشوره=تكتب وتجهل وش اللي تكتب ايديها تقولي لكبرت بتصير دكتوره=وقول يارب حقق لي امانيها go2 والله قصيده روووععععععععه ليتني كنت نوره خخخخخخخخخخخ والله قصيده رائعه وتسلم عليها والله يعطيك العافيه وننتظر ابداعك تقبل مروري تحيتي ابو رابح

شكرا يا دكتور

[زهرة تشرين ^_^]

فعلا القصيدة حلوووة
تقبل مروري
تحياتي....

[go2]

المشاركة الأصلية كتبت بواسطة زهرة تشرين ^_^ فعلا القصيدة حلوووة تقبل مروري تحياتي....

شكرا لك
شرفني مرورك