سؤال عن اختبار القدرات

[خطى الجنان]

السلام عليكم ورحمة الله وبكاته


بغيت أسالكم عن اختبار القدرات اللي ان شاء الله راح نختبره في شهر 6
انا صف ثالث ثانوي (ادبي)

اكيد كلكم اختبروا حبيت تقولوا لي كل شي عن الاختبار

يعني في الوقت الكافي اننا نحل لاني سمعت ان الوقت قليل ومانقدر نحل بتركيز

وكمان اللبس اش البس في الاختبار

واللي عندها اي معلومات اضافيه ترد

الله يوفقكم
سلآآآآآآآآآآآآآآآم

[ҳҲҳŔỜŔỜҳҲҳ]

يا حلوووه الاختبار مجرد اختبار عادي حاله حال اي اختبار

بالنسبة للأسئلة تنقسم لقسمين القدرات(فيه جزء لفظي والجزء الاخر كمي*يحتوي ع مسائل رياضية)
والتحصيل يشمل ع جميع المناهج اللي درستيها ف جميع المراحل وبما انك ادبي(يعني زي تاريخ وجغرافيا ....الخ) مابفتي في هذي لاني علمي

غير كذا لا تشيلي هم الوقت ان شاءالله يكفي وزياده بعد

طيب نجي للبس ماف زي معين اهم شي يكون محتشم لانك راح تفسخي العباية ولكل مقام مقال

والاختبار مجرد اختبار لقدراتك وان شاءالله ربي يوفقك فيه ولا تشيلي همه كثيير

وبالتوفيق لك يا عسل~

[faithfulheart]

وعليكم السلام ورحمة الله



ياقلبــو انتي لا تشيلي هم اللبس البسي اي شي

شوفي انا كنت علمي ..طبعا جابوا لنا حسابات واشياء من المواد العلمية هادة في التحصيلي

المهم انتي ركزي ع الاختبار كتيير... انتو اكييد حيجيبو لكم حسابات بس اشياء بسيطة وكمانة التحصيلي حيجيبو الي اخدتوا في التانوي

هيا القدرات الي يبغالو تفكييير جااامد..على فكرة هما يجيبو حسابات واكتر شي القسمة زي مسلا 3 على 4 =؟؟
والوقت هوا صح قصيير بس انتي لا تشيلي همو مررة خليكي ع الاسئلة ولو مسلا ماعرفتي جواب سؤال لا تضيعي وقتك فيلو روحي ع التاني وحلي...

الله يوفقك ويسهلك يارب

:) اتمنى انو افدتك ولو بشي بسيط

[خطى الجنان]

مشكووووووووورين

اللي اختبروا من الادبي يردووا

[خطى الجنان]

وابغى اعرف اذا لازم احفظ قوانين الرياضيات ولا لأ؟

[إحْسَاس السكُوتْ]

قبل الأختبـار اطلعي على الكتب الي فيها نماذج لأختبـار القدرات راح تفيدك كثيــر ..
وعندك كتـاب القبول مره ممتـاز تحصيلـي وقدرات ..
وفي موقع مركز القياس حاطين نماذج ومع الوقت حلوه
جربي نفسك فيه كم تأخذين من الوقت ..

وأنــا كنت أخلص قبـل ينتهي الوقــت والحمدلله مشى الحـال يعني لا تخافي من ناحية الوقت أنت خليك نشيطه وكل ما اطلعتي على نماذج للأسئله راح تنفعـك :)

الله يوفقكم ياررب ^^

[قائدة المستقبل]

الاختبار سهل
مش التعقيد اللي كنا متوقعين
والوقت يكفي وبزيادة
تقريبا في كل قسم بقي عندي 10 الى 5 دقايق
خلصت وراجعت

و الملابس اي شي عادي
لا تاهتمي كثير وتاخدي همو

ما عن القوانين هي رح تكون مكتوبة
عندي كنت علمي واحب احفظ القوانين
افضلك احفظي الاساسيات عشان لاتنشغلي كثير في تقليب الورق

[لجلك اعيش]

اختبار الادبي مراااااااااااااا كان سهل

بذات الاسئله حق الدين والعربي كل شي اخذنا قبل كذا توقعي يجي
وبعدين حتي لو قريتي السؤال وناسيه الاجابه اول ما راح تقري الإختيارات راح تتذكري

اهم شي ريلاكس وبدون توتر
ولا تقعدي كل شوي تتطالعين بالسااعه تقلقين بعدين

وترا الوقت كاااااااااااااااااااااافي مررررا تقدري تحلين وتتأكدين
اهم شي لا تعطي سؤال وقت اكثر من الباقين حاولي توزعين الوقت بين الاسئله
واللي ما تعرفين تخلينه خليه اخر شي طبعا

وبس

الله يوفقكم