لبنات التغذية اي سؤال انا حاضرة

[l.f]

السلام عليكم ورحمة الله وبركاته
مبرووووك لكل المقبولين في الكلية ان شاء الله ربي يكتب لكم الخيو وتتخصصو في اللي تبغو
وطبعااا موضوعي مخصوص لبنات تخصصي (تغذية )
اي سؤال عندكم انا حاضرة
.....

[جامعية14]

وعليكم السلام
الله يبارك فيكي
شكراا على تقديم مساعدتك لنا
مم .. أنا بس محتارة على لون تخصصنا بالزبط كيف حيكون انا روحت محل زي وشوفت اكتر من لون
تقدري تفيديني أي لون موف هو ! يعني درجتو وكدا ؟
وشكراً مرا تانية

[l.f]

هو في ثلاثة درجات تقريبا وعادي تلبسي اللي حابتو منهم
بس نصيحة لا تشتري الا بعد فرز التخصصات

[الطموحه470]

حابه اعرف هل دازستو قريبه من الكيميا الحيويه ؟
وتعرفين احد خول من العلوم لكم وشكرا💜

[l.f]

في مواد مشتركة بيننا والبايوكميستري تتعادل اذا درستيها من العلوم وكم مادة ثانية
ايوا اعرف شخصيا بنات حولو بس بشرط المعدل العالي
العفو ولو:)

[سعدوشه]

بس بغيت اسال انا لو درست كيمياء حيوية
اقدر احول للتغذية بعد ترم ! ولا لازم سنة
وسؤال اخر اش المواد اللي لازم ادرسها
بهالترم في الكيمياء عشان تكون سهلة واقدر احول بها

[l.f]

بعد سنة بحكم انه النظام عندنا سنوي
والله مااعرف طبيعة موادكم وايش السهل والصعب بس ممكن تاخدي عربي وثقافة وبايوكميستري عشان تتعادل اذا حولتي

[منالH]

المشاركة الأصلية كتبت بواسطة l.f في مواد مشتركة بيننا والبايوكميستري تتعادل اذا درستيها من العلوم وكم مادة ثانية ايوا اعرف شخصيا بنات حولو بس بشرط المعدل العالي العفو ولو:)

الله يسعدك انا الترم الثاني ان شاء الله اتخصص بس مدري اش ادخل كيميا حيويه وﻻ احياء
يعني اش احسن تخصص احول منه للتغذيه ؟

[l.f]

الافضل بالنسبة ليا الكيمياء عشان تتعادل(بايوكميستري) ف التغذية بس انتي اسالي وربي يكتب لك اللي فيه الخير

[SaraAhmadd]

حبيبتي ممكن اعرف الرينج تبع معدل القبول ؟ ولو تعرفي العام كم كان اقل معدل قبلوه ؟
وكمان لو تعرفي احد قدر يدخل التخصص بالواسطه يعني لو معدلي مزفّت وعندي واسطه فيه امل ادخل ؟
وشكرا مره :(