تقييم للمواد ...

[بيونه الغامدي]

السلام عليكم ورحمة الله وبركاته ..
بما ان الاختبارات انتهت
نبي كل وحدة تكتب تقييم للمواد اللى درستها هالترم أو الاترام اللى فاتت مو مشكلة ..
من حيث :
*سهولتها وصعوبتها ..
*و الدكتورة أو الاستاذة هل متعاونة وغير متعاونة واسلوبها بالشرح ..
*طريقتها في طرح الاسئله وهل تختصر المقرر ..
*وطريقة الاسئله هل هي متعدد الخيارت ام صح وخطا او مقالي ..
وبهالموضوع راح تعم الفائده عـ الجميع ..
مثال ...
المادة:مقدمة في التربية الخاصة ..
الاستاذة : هبة الهريمي ..
طريقة الاسئلة : اختيارات و صح و خطأ و بالدوريات بس جابت عرفي ..
السهولة و الصعوبة : المادة عموماً جداً رائعة و د/ هبة حببتني بالمادة أكثر تتكلم عن كل اعاقة بتوسع راح تساعد كثيرررر في اختيار المسار الاستاذة جداً متعاونة ربي يسعدها ما قصرت معانا ..
..................
المادة : اصول التربية الاسلامية ..
د/ نوال بارعيده ..
طريقة الاسئله : موضوعي (صح و خطأ و اختياري )
السهولة و الصعوبة : المادة مرا حلوة و تحسين إنها مفهومه بس برضو تترتب على بعض د/ نوال قمة في الاخلاق و التعامل و شرحها حلو و تراعي جداً جداً و متعاونة اسئلتها بالدوري كانت جداَ دقيقة بس بالفاينل مووويه و تعطى بونس لـ اللى تستاهل بس ..
المقرر: مافي كتاب بس عروض بوربوينت ..
.......................
المادة : اضطرابات تواصل ..
أ/ رشا المغذوي ..
السهولة و الصعوبة : المادة صراحة مرا عجبتني تتكلم عن النطق و اللغه و مشكلاتها عند الاطفال شرحها رائع .. اللى تاخذ معاها لا تغيب و راح تشوف اللى يرضيها .. أ/رشا متعاونة و طيوبة و محترمة و أخلاق الله يوفقها ان شاء الله .. اسئلتها موضوعي و سهلة .. تعطي بونس درجتين إذا ما غبتي ابد ..
المقرر : مافي كتاب بس عرض بور ..
.....................
المادة : تعديل سلوك ..
أ/ وفاء المؤمني ..
السهولة و الصعوبة / المادة ما عجبتني احسها غليسه بس الاستاذة مشتها معانا .. طيوبة و اخلاق .. ما تعطي بونس .. الاسئله دقيقة و موضوعي .. نصيحة بالاختبارات ذاكرو كل شي حتى اللى ما تشرحه لانها للاسف تجيب منه


صبايا بليز نبي تعاون ما نبي اي وحدة تطلع بدون ما تشارك ..

[ديمه البخاري]

نفس كلامكككككككككككككك انا معاككككك
انا كمان اخدت نطور الفكر التربوي مع ليلي عطاااااااااااار أسلوبهآ سيء مع هذا ماتساعدككككك واسىلتها مقالي وماده ضخخخخخخممممه و ثقيييييييييليه انا مااتمنى احد ياخد دا ماده
حنان ضاحي ووووااايد طيبه الله يسعدهاااااااااااااااا
بس
انا ابغا اسىلكم عن وفاء العوضي كيف كويسه ولا وكيف اسىلتها
وهند الحريري و مني الصانع و مها خوقير
اماااااااانه ردوووا علي قبل ماينتهي حذف واضافه ابغااا اخد ترم صيفي

[l0o0la]

بكل اختصار :
اللي تحب نفسها لاتآخذ مع د. كوثر ابببببببدأ

[طموح سآره]

بسم الله الرحمن الرحيم ..

الموضوع مفيد جدا أنا راح اتكلم عن اللي درسوني هذي السنه

الترم الأول ..

أول شي راح أبدأ بأحسن دكتورة بنظري ونور الكلية كلها ما شاء الله تبارك الله عليها د. سحر جرادات ..

المادة : أضطرابات تواصل

المادة طويله صح ودسمة بالمعلومات لكنها ممتعه وما تعتبر صعبه بالعكس سهله
الاستاذة .. ما شاء الله عليها قمة في الذوق وقمة في الاخلاق والرقي حبيبة وطيبه ومتعاونه ..
وتشرح من قلب وتزيدك معلومات طلبت منا واجب 1 ونشاط 1 كلها سهله

اسئلتها حلوه ماهي صعبة بس للي تذاكر مويه
تجيب صلي واختاري وصح وخطأ وتجيب اكملي الفراغ

اغلب البنات ماخذين a+ وكمان ما خذين ++

نذاكر من الكتاب وكمان من العرض والعرض هو نفسه اصلا الكتاب ..
هذي الاستاذة أحبببببببببببببببببها انا واللللللله واحببب ضحكتها تهبل ..


................

أستاذة حنان الأحمدي ..

المادة عربي 101
المادة نحو ااتوقع الكل اخذ المادة

ا حنان ما شاء الله عليها خفيفة دم مررة
اسألتها سهله موضوعي

شرحها ححلو .. وكمان درجات البنات تجنن عندها ++

المذاكرة من الكتاب والكتاب اهم شي ياويلك تروحين بدون كتاب ما تحضرين ترى
والعبايه ما تطيقها :)

.........

د. وفاء مؤموني ...

المادة : تعديل سلوك ..

صراحه افضل استاذة بالقسم تعطي هذي المادة .. لأني لاحظت لما درسنا مشكلات صحباتي اللي ما درسوا معاها مو عارفين شي من الاستراتيجيات ..

شرح الدكتورة مررة ممتاز ما شاء الله وممتع وتعطي امثله خارجيه .. وتشرح بذمة صراحه ظلم اللي تقول انها تجيب من برا الشرح اكيد انتي ما كنتي منتبهه

هي ما شاء اللله عليها حافظة الكتاب تقرا بدون ما تطالع فيه .. الله يسعدها أكثر وحدة افادتني بالتخصص لحد الأن في طريقة التعامل مع الاطفال مضظربين السلوك ..

أسئلتها .. موضوعي وتحط بونس بنفس الاختبار افتكر بس الدوري حطت لنا ..

اسئلتها ماهي مررة دقيقه .. في استاذات دقيقه يعني حتى المذاكرة ما تحلها ..
اما دكتورة وفاء لما تكوني مركزه معاها بالمحاضرة راح تحلي زين اكيد ..

كمان البنات ياخذو عندها a+ نشاطها واحد وكان خطة ومرة سهله وتراعي فيها ..

المذاكرة من الكتاب ..

.........................................

.. لسسى ما خلصت لي عودة مع باقي الأستاذات والدكاتورات الجميلات واللي مو جميلات

[3boOorh]

فتح الترم الصيفي ؟؟؟؟؟؟
باخذ صيفي ما ني عارفه الاستاذات الله يسعدكم قولوا لي كيف عنهم تنصحوني في مين ؟؟؟
د مني القرشي ودمنى الصانع يعطو اصول تربيه اسلاميه
ود وفاء العوضي نشاط مدرسي
الاداره المدرسيه د مها خوقير
علم نفس تربوي حصه السهلي وامنه بالخيل
تحرير كتابي نوره الرفاعي
الله يسعدكم ردوا بسررعه

[ذكريات22]

بنات بليز ردو عليا هو بدا التسجيل في الصيف ؟ والحذف والاضافه؟ واذا بدا كيف اعرف؟ لازم اروح الكليه

[طموح سآره]

.. د سحر سليم
المادة : مقدمة في الربية الخاصة
+ الترم الثاني .. تقويم وتشخيص ..
الاستاذه طيبه .. وتساعد وتحذف
البنات اغلبهم a+ عندها اسئلتها حلوه موضوعي وتجيب اذكري المصطلح ..
طبعا متى تنقصي اذا اتخرتي بالنشاط .. لازم لما تحدد يوم يكون جاهز ... واضمني درجاتك عندها
كمان تنقص لو هي ضيعت النشاط تكلمك وانتي كذا حتجيبيه مرة ثانيه بس راح تنقصي عليه على انه تأخر
المهم انك سلمي بيدها زين وبنفس الوقت ولا تشيلي هم
المذاكرة من كتاب ..
استاذه هند خليفة ..
المادة .. تقنيات التعليم
هذي الاستاذة محاضرتها ممتعه دايم تتكلم عن ثقافة المجتمع وكذا طبعا تبدي رأيها وانت حره تسمعيه او يكون لك رأي تاني لأن احس احيانا ان عندها اراء تخريبيه هع
بس تعتبر محاضرتها حلوه اعطتنا نشاطين مع كل دوري .. مرة طلبت منا عرض ومرة طلبت منا مثال على طالب اتحدى معلمه .. برضو اهتمي بالنشاط وتاخذي الردجة كامله ..
اسئلتها دقيقة مرررة .. لأن تحسيها من رأيها كمان .. بس اقدر اقولك تقدري تاخذي a معاها اسئلتها موضوعي
وكمان الأختبار لازم تخلصي في مدري كم دقيقه يعني بسرعه تحلي وتسلمي السؤال اقل من دقيقه
هع
الماكرة من كتاب ..

أ. ايمان الشريف
المادة : الحاسب في التعليم ..
الأستاذة طيبة ومنظمة احسسسسسسسسن شي فيها انها تختبر نصفي من 40 وتريحنا وفيه بونس كمان في النصفي
والنهائي مافيه بونس والنشاط حقها مرة برمجيه ومره بحث وكمان سهله وانتي حليه بصدق وتعطيك كامل عليه
كمان سهل تجيبي عندها a , a+
المذاكرة من عرض والاسئلة دقيقه حبتين ..

لي عودة كمممان

[طموح سآره]

..
د. هيا السيد
المادة .. مدخل عام في التربية ..

الاستاذة طيبه لكنها فجأه تقلب .. !

اسئلتها موضوعي طبعا هي قالت لنا نختار بكيفنا .. ف أغلب البنات قالوا موضوعي ..
اسئلتها مو صعبه المنهج اللي صعب
والكتاب اللي اختارته ممل مرة تحسيه قديم ومعلوماته كثيرره تطلب عرض نشاطها عباره عن مجموعه ..
وبحث لا يقل عن 25 صفحه بخط اليد .. هي تختار البحث عن ايش وكمان البحث تسوي منه عرض ..
كل يوم وتاني تدينا واجب وتقول بونس ولا شفنا حاجه ..

اسئلتها بالنهائي كمان كانت دقيقه

المادة احسها ثقيله بس استاذات ثانين كانوا احسن منها في المادة ..
أحسها تعبتنا معاها ع الفاضي نشاطها ما كان له اي فائدة غير لها هي تجمع بحوث ..
وكمان كمية الاختبار مرة كبيره كتاب وملزمه مررة كانت طويله ..

وتخلي البنات هما يشرحوا ويلخصوا العرض تحسي ما عندها شي معتمد ..

بس من ناحية الاسلوب هي طيوبه وتحب البنات

..

ابتسام البنيان ..

هذي الأستاذة لو ايش ما انزل عندها مرة ثانيه ..
كل محاضرة تعطينا نشاط توزع هلينا زي اورق العمل كمقدمة للدرس يعني وتشرح من مخيلتها شرحها كله اسئله والبنات يجابوا وكل اجابات البنات صح ..

بس في الاختبار كل الاجابات غلط ..

هذي انسانه من اللي يقولوا عنها ما تاخذي منها حق ولا باطل

تجيب عللي الواحد علي 3 درجات عشان سطر .. وتقولك ما ابغى كلام كثير ابغى سطر ولما بعدين تقولك الاجابه تحسيها تعبير ..

اصلا محد يعرف الاجابه تعاليل من راسها والاجابات مو من الكتاب ف تحط الدرجات ابو حقره بقره لازم تكوني محظوظه معاها
الدوري من 15 وادت 11 و 13 وكذا وحده بس افتكر اخذت 15 من شعبتنا ..
طبعا هي كذا اي شي تكتبيه راح تقولك لا مو كدا كدا لأنك منتي عارفه الاجابه اصلا ..

يعني حتى التعليل حقها ما ينفهم اش المطلوب بالضبط وتقول عبروا عبروا اكتبوا اللي فهمتوه

طبعا تذاكري ما تذاكري واحد عندها اسئلتها تعتمد على البربره من مخك ولا حرف من الكتاب هع

كمان تجيب من التعداد اللي جوة التعداد تقولك عدديه اش دراني عنه انا حاجه ما شرحتها ولا موجوده بالكتاب ولا العرض وتنقصيني فيها ..

ما اقول غير حسبي الله ونعم الوكيل فيها .. هي كذا ابو هذي البنت 80 ودي 85 كذا احسها مرة ما تقرا الورقه ..

بس بعدين كلمناها نبغى موضوعي طبعا الموضوعي احسن بكثيرر ع الاقل انتي متاكده من درجتك
مع انه دقيققققق مررررررررررررة دقيق بسخافه .. من بين السطور وكلمة كذا شاطحه ماهي مهمه ..

من دي الاسئله اللي ا. اغلبهم ... ب. اعظمهم ... ج . أكثرهم ههههههههههه حاجه كذا

انا هذي اول استاذة على راس البلاك لست ..

ونشاطها ريحي نفسك فيه مرة البنات تعبو نفسهم وسائل وعروض والعاب ..
طلبت منا عن ( علو الهمه ) من كل الشعب وتقول ما ابغى يتكرر .. هي مو واضحه حتى بنشاطها
مرة تقول كيف تعلموا الاطفال علو الهمه ..
ومرة تقول اكتبي قصة عن علو الهمه وامثله من الصحابه وكدا

المهم لا تاخذوا معاها نصيحححه


......

في الاخير هذا رأي ولسى في دكتورات السمستر الثاني لي عودة ان شاء الله ..

[بيونه الغامدي]

[quote=طموح سآره;5759258]وتشرح بذمة صراحه ظلم اللي تقول انها تجيب من برا الشرح اكيد انتي ما كنتي منتبهه


صح شرحها مرا حلو و تعطي امثله تقريبية عشان نفهم بس تجيب الاسئله من برا اللى شرحته صح من الكتاب بس ما انشرح .. و ترا أنا معاها بالكلاس و اكتب اللى تقوله حرفاً
بس انصدمت من اسئلتها امس

["meme"]

أنا مع looola د. كوثر أخذت عندها مادة الترم هذا و مادة ثانية اعتذرت عنها د.هبة الله يسامحها و مسكتها بدالها..

أسئلة الاختبار/ الدوري الأول مقالي تجيب لك سؤال شامل للدرس و يالله انتي شغلي يدك اكتبي حتى تتعبي
و الدوري الثاني موضوعي حسب طلب البنات و ياليتهم جلسوا ع المقالي أرحم من الموضوعي أسئلة ما أدري من فين تجيبها و معلومات غيير مهمة جابت فقرتين موجودة ف الكتابة نصاً و أغلب البنات حلوها صح تقول خطأ تخيلوا درجات البنات 10- 8 من 15 مع ان الجزئية أسهل من الدوري الأول و المشاركة ما تعطي الدرجة الكاملة تنقص درجة
النهائي الحمد لله كان سهل بس الله أعلم لا يطلع زي الدوري تحسب الاجابات الصح غلط <<لسا الدرجات ما طلعت

بالنسبة للنشاط تقول اش تبغى أنشطة من بداية الترم و تحدد موعد التسليم و هذا شي جييد من ضمن الانشطة عرض و شرح و كانت ما تشرح بس غالباً تعقب بعد البنت << فيه فرق بين لما تعقب و لما تشرح شرح كامل متصل عارفة اش تبغى تعطينا من معلومات جديدة و تسترجع معلومات قديمة ، صح و لاّ لا؟؟

أ/كوثر بصراحة عندها معلومات عن الميدان بشكل كبييير و خبرات سابقة ممتاازة أحس ما تقدر تتقيد بمنهج أو كتاب تصلح ف دورات و الاشياء هذي
أسلوبها ف التعامل ما يعجبني أببداً تسمع لك إذا تكلمتي بس إما تعلق عليك و تسكتك أو تطنش الموضوع و ما كأنك استفدتي شي من كلامك



أ. دارين الزهراني
الله يسعدها يا ناس مررا طيوبة و تشرح بأماانة و إخلاص تخرجي من المحاضرة فااااهمة تبسط المعلومات بشكل رهييب و توصلك هيا ببساطة المادة كانت شوي دسمة (تقويم و تشخيص) بس معاها ما تحسي بالملل تحسي كل مررا تحضري فيه معلومات جديدة راح تاخذيها و تعطي بونس للبنت اللي ما غابت و لا مره

اختباراتها متوسطة مو سههلة مررا و لا صععبة مرا تعتبر أسئلة ممتازة مناسبة للشرح و المذاكرة ..

و النشاط كان عبارة عن اختبارات تطبقيها ع نفسك أو على أي أحد و تجيبي النتيجة صرااحة مررا استفدنا من الاختبارات هذي <<هذي الانشطة مو عرض و بحث و شرح,, خلاااااص كل البنات صاروا يعرفوا يسووا بحث و عرض نبغى شي نستفيد منه

أ/ ليلى ضمرة
الله يسعدها و يوفقها و يكتب لها اللي فيه الخير يا رب انسانة صراحة لا تعوض ما اتوقع راح يمر عليّ أستاذة بهذا الذوق و الاحترام و العلم و الدين و الثقافة كل شي فيها حلوو ..
بس خساارة راح تسافر ما راح تكمل معانا ..

أسئلتها وااضحة و سههلة للمذااااكرة ما كان فيه نشاط


الباقي بعدين أكملهم تععبت