تجربتي بإختبار step على الكمبيوتر

[أنفاس مشرقة]

السلام عليكم ورحمة الله

تكلفة الاختبار بـ 150 ريال
تسجل مثلا بدا الاسبوع الاسبوع اللي بعده تختبر .. مواعيد الاختبار سريعه
انا اختبرت بجامعة الملك عبدالعزيز فرع الفيصليه مقابل مستشفى عرفان.. مبنى الحسابات اول ماتدخلينه تحصلي اصنصير مكتوب عليه اعلان انه قياس بدور الثاني
تطلعي الدور الثاني ع اليسار تحصلي غرفة انتظار لاختبار قياس
فيه موظفه على مكتب.. وكراسي :)
اول ماتدخلي بتقولك دخلي شنطتك واغراضك بدولاب ممكن لو تدخلي اغراضك وتطلعي ورقه تراجعي عادي لما يجي موعدك
المهم تقفيل هدا الدولاب * رقمين من اختيارك بعدين # ولو نسيتي الرقم عادي الموظفه معاها مفاتيح لدواليب
وتنتظري لما يجي موعدك ,, وتعطيك الموظفه ورقه تعبيها فيها اسمك وهويتك وتكرري كتابة الاقرار وتوقعي ..
بعدين تروحي للموظفه اللي ع المكتب ياخذون بصمات يدك يمين يمين يمين يسار يسار ( يدوخونك بالبصمات) وطبعا ماتكوني لابسه ساعه ولا خاتم ولا شي
وبعدها تاخذي هويتك وتتوجهي للغرفه ماقبل الاختبار تعطيك ورقه مغلفه تغليف حراري وقلم وبعدها تدخلي غرفة الاختبار المشرفه ع الاختبار تحدد موقع جهازك

وبعدها يبدا اختبارك ع الحاسب الالي يبدا اول بتاكدا اذا اسمك هو صحيح او لا..
وبعدها يبدا بتعليمات
على يمين الشاشه بيكون فيه الوقت مثلا يكتب 10 من 20
الوقت الاشاسي مثلا 20 دقيقه تبقى منها 10 دقائق.. ويبدا العد تنازليا
وتحتها بيكون عدد الاسئله المتبقيه للحل ..

وبعد ماتخلصي تنظفي ورقة التلغيف الحراري لو كنتي كاتبه فيها
وتخرجي من القاعه

الاختبار على الحاسب الالى افضل من الورقي بكثير

والنتائج بعد اسبوعين من بداية اختبارك

[شمس العالم]

كيف كان الوقت مناسب للحل؟

و هل الصفحة تنقلب بنهاية الوقت ولا تقلبيها انتي ..؟

[بنت ناس وقلبي ألماس]

وعليكم السلام ورحمة الله وبركاته

موضوع جميل

و الله يعطيك العافية على ذكر تجربتك بالتفصيل ربي يسعدك ويحقق أمانيك

وفالك الدرجات العالية يا رب



تم إضافة تجربتك المميزة إلى هذا الموضوع للاجتياز اختبار كفايات اللغة الانجليزية (Step) بنجاح {حُدِث في 1- 2015}

[am.]

كيف كانت الاسئله من وين تقريبا نذاكر مثلها عشان لانضيع الوقت والاختبار قرب

[أنفاس مشرقة]

المشاركة الأصلية كتبت بواسطة شمس العالم كيف كان الوقت مناسب للحل؟ و هل الصفحة تنقلب بنهاية الوقت ولا تقلبيها انتي ..؟

انتي تسوي التالي عشان تقلبي الصفحه لازم تحلي بسرعه عشان فوق في تايم لكل جزئيه للاختبار

القطع حلوه لكن الاسئله حقتهم صعبه شوي بالنسبه لي

[أنفاس مشرقة]

المشاركة الأصلية كتبت بواسطة am. كيف كانت الاسئله من وين تقريبا نذاكر مثلها عشان لانضيع الوقت والاختبار قرب

لاتضيعي وقتك في مذاكره القرمر كثير
بس اعرفي الاشياء الاساسيه بالقرمر حطيها بورقه وراجعيها قبل ماتدخلي القاعه
مثل علامة الترقيم واستخدامات ادوات الجر والازمنه البسيطه
وتركيب الجمله

مايثكرون اسئله من القرمر
اغلب الاختبار قطع كثيررره واستماع وبس

[أنفاس مشرقة]

ادخلو على مواقع استماع وقطع وانتي تحليها عشان تدربي

[بلاسس]

جزاك الله خيرا على هذا الموضوع

[Somi alftaka]

ممكن تقوليلنا القطع كانت عن ايشش ؟؟

[امل يعقوب]

^

نفسسس السؤال الله يوفقك


":(