..سرقت جوالي..الله ينتقم منها

[ام إلياس]

السلام عليكم ورحمه الله وبركاته

امس الثلاثاء كان عندي محاظره من الساعه 3 الى 5 يعني حيأذن علينا العصر واحنا في المحاظره
وفي وحده بنت جلست جنبها يوم الاحد واتعرفت عليها يعني اسمها والترم الكم واعطتني رقم جوالها يعني معرفه سطحيه
عاد امس قابلتها في المحاضره قالتلي انا ابغى اروح اصلي خلي دفتري عندك قلتلها طيب
راحت وبعد مارجعت الاستاذه قالت بريك صلاه سارت تقولي هيا قومي صلي هيا
قلت في نفسي جزاها الله خير تبغاني اصلي قمت واخدت شنطتي ودفتري وكل اشيائي قالتلي ليش تاخديها انا جالسه هنا
قلتلها تعالي انتي معايا نتنفس شويه
المهم دخلت الحمام اعزكم الله اتوضأ عاد خليت شنطتي معاها ما اتاخرت غير يمكن دقيقتين عشان عبايتي صعبه شويه في الوضوء
بس طلعت من الحمام لقيتها ماشيه في السيب
قالتلي هيا صلي هنا انا ابغى اروح اشوف قريبتي وارجع قلتلها طيب
وصليت واستنيتها مارجعت خفت تروح عليا المحاظره كلها رجعت المحاظره وسبتها ولا جات وخلصت المحاظره وهيا ولا بانت
المهم بعد دي المحاظره عندي محاظره تانيه عاد لمن قربت تخلص قلت خليني اشوف السواق جا ولا لا
وجلست ادور على الجوال ما لقيته دخت وانا ادور ولا لقيته نكت الشنطه في الارض ولا لقيته
قلت لوحده معايا لو سمحتي اتصليلي على جوالي مدري فينه ؟
اتصلت لقيته مقفل عاد اتجننت
ماعرفت ايش اسوي ولا فين اروح انا ما اعرف شي في الجامعه غير البوابه والمبنى الي فيه محاضراتي
سألت حقت الامن الي عند الباب قالتلي روحي الشؤون رحت وحكيتهم الحكايه كلها واعطيتهم اسم البنت
والله حتى هما اتفجعوا في ناس توصل بيهم المواصيل لكدا
انا والله ماسبت شنطتي مرا طول وقتها في ظهري ولا تحت رجلي وتكون مقفله يعني ماسبتها غير هديك الدقيقتين
البنت هادي شافت جوالي يوم الاحد وعجبها وسألتني بكم ومن فين وكلام كتير الجوال كان الله يرحمه نوكيا e71
والله انا مصدومه ما لحقت اتهنى بالجوال
ما اقول غير حسبي الله عليها
الله ينتقم منها إن شاء الله
و(اللهم اجيرني في مصيبتي واخلفني خير منها )
سامحوني طولت عليكم
بس والله قلبي محروووووووووق

[أم خالد2010]

استغفرالله العظيم في ناس زي كذااختي فوضي امرك للهوبأذن الله يمسكوهاابغى اعرف لمن اي احديسوي كذامايفكر في ربنا كمان بكل وقاحة وعين قوية تتعرف عليكي وتسرقكانتي متأكدة من اسمها شفت بطاقتها الجامعية الله يفرجها عليكي ويعوضك بااحسن منه ثاني مره لاتسيب شنطتك في اي مكان ولاتستأمني اي احدالناس اتغيرت الله لايبلانااسفة اختي على الاطالة بس مستغربة ومفجوعة ومقهورةانو في ناس زي كذااعوذبالله

[دكتوره سيكولوجي]

يـــــــــــــــــالله من جد في ناس زي كذا يعني سوت الفلم ذا علشان تاخذ الجوال اعوذ بالله من نفوس البشر

اللله المستعان

لاتزعلي ياقلبي

الله يعوضك وتشتري الي احسن منه .........

ام ليونه

[ذكريات الأماكن]

حسبي الله ونعم الوكيل

بنت تؤدي الصلاة وتخاف الله تلجا إلى سرقة جوال !!!
الله يعافيها ولا يبتلينا .
والله يعوضك خير إن شاء الله ,,,

[dhomi]

الله معك بإذن الله يإخذ حقك منها

يعني وين بتروح مسكينه ......ظنت انها كسباااااااااانه وهي بصراحه خسرت اخرتهاااااا قبل الدنيا
بطول بالعرض راح تلاقي فعلتها هذي إذا ماكانت في نفسها للاسف بتلاقيها في غالي وعزيز عليهااااااا

ولابد كلنا نفكر بهالشيء ... اي عمل نعمله له اثره على مدى العمر ... فالجزاء من جنس العمل ....

اتمنى من سارقة الجوال تقرأء هذا الكلام وتتقي الله في الناس الي معاها..وترد الجهاز لصاحبته بإي طريقه..مو عيب الانسان يتراجع عن عمل سيء اقترفه....المصيبه يصر على الخطأ >>>>اتمنى مااكون اطلت ...ولكن لإبراء الذمه >>> في راسها كلام

واختي الغاليه أم إلياس
رددي حسبي الله ونعم الوكيل

وشوفي النتيجه بإذن الله
ودمتم في رعاية الله

اختك

[الهواوي1]

حسبي الله ونعم الوكيل
احتسبي الاجر عند الله

[ابوراكان 2009]

طالبة جامعية متعلمة توصل الى هاذي الدرجة من الدنائة وانثى لابد تكون حساسة ورقيقة الصراحة ما اعرف الي يسوون كذا الاولاد الذكور ومع ذلك دنائة النفس الي بيعمل هذا الشي على حد سواء للذكور والاناث 000ولاكن ماتصلح للبنات لانها اكثرمرارة 0000

[أم ليال]

ول ول ول
اش ذا وربي صدمة ، اشوى اني مااثق باحد واخلي شنطتي عندها ، وانا مااعرف بالجامعه غير وحده بنت ومعرفة سطية هذا الترم بس وشكلي باحكيها اليوم القصة عشان لا تفكر تسوي زي ذيك
خخخخخخخخخخخخخخخخخخ
طبعا بامزح ، اكيد الناس مو زي بعض بس الحرص واجب
الله يعوضك خير ياختي

[ام إلياس]

شكرا لكل الي رد وشاهد قصتي
من جد حسبي الله ونعم الوكيل
انا بستنى يوم الاحد الجاي يجي عشان اشوفها ولا كن ما اظن انها تجي واذا جات اكيد حتنكر
والله اني بس اردد حسبي الله ونعم الوكيل
الله يعوضني باحسن منه

[الســـــ2009ـــــاهر]

الله يكون في عونك


واحتسبي الاجر عند الله


راح يكون لك درس ماتثقي باحد ابد


كل التوفـــــيق