اريد انا اعرف كل مايتعلق بالقبول بالجامعة

[البتول 2010]

السلام عليكم ورحمة الله وبركاته
اخواتي واخواني
اتمنى مساعدتكم
فانا طالبة بالمرحلة الثانوية في سنتها الاخير
انا حابه اعرف دفعة 2009 الجامعة قبلت لاي نسبة انتظام
وابغى اعرف الشروط وكيف طريقة دراسة السنة التحضيرية
واش قصة خطة أ وب
بالنسبة لخواتي طالبات السنة التحضيرية اش افضل المعاهد اللي
دخلتها وساعدتك في اختبار القدرات وكيف كان الاختبار صعب سهل
بذات لبنات الادبي
وحابه اسالك الادارة متى بوابة القبول تفتح بتاريخ كم
ومتى تقفل
وبــــــــــــــــــــــــــــــــــــــــــــــــ ــــــــــــــــــــــــــــــــــــــليز ساعدوني
لان كل اهلي على نظام اسئلة الوزارة وانا الوحيدة اللي راح اكون نظام اختبار القدرات والتحصيلي فاليت تساعدوني وتعطوني افضل المعاهد
وراح ادعي لكم من كل قلبي

[البتول 2010]

وابغاكم تعلموني على كل شيء من A to Z
بذات نفسي ادخل كلية ادارة واقتصاد

[البتول 2010]

بلييييييييييييييييييييييييييييييييييييييييييييز ساعدوني
ووين طلبة وطالبات التحضيري

[Alaa Al ghamdi]

مكان سؤالك غلط عشان كذا ماحد رد
ماعلينا..
بالنسبة للادبي الانتظام اللي بمكافاه وقف الين نسبة 80<<بعد القدرات والتحصيلي ونسبة الثانوي(الموزونة يعني)
ماعرفت قصدك بالشروط
بس لازم تكوني اختبرتي القدرات والتحصيلي وزي ماقلت وقفت النسبة على سنتنا عند 80
اللي اقل من 80 بعضهم دخلو انتظام زينا عادي في الصباح بس بدون مكافاه وبعضهم انتظام بس مسائي وبرضو بدون مكافاة وبعضهم انقبلو في الكلية..

القدرات والتحصيلي انا اشوف مالها داعي المعاهد
اشتري كتب وحاولي انك تساعدي نفسك بنفسك..
القدرات راح يكون مقسم على جزأين..الجزء الاول:كمي<<يعني رياضيات والمسائل اللي يبغالها تفكير مو زي الرياضيات حق الثانوي بنات العلمي..لأ..يعني اشياء عقليه..مساحات..اطوال..مقاسات..اشياء يبغالها تفكير هذا الجزء هو اهم شي لازم تركزي عليه خصوصا لو كنتي ادبي الباقي راح يكون سهل عليكي...
الجزء الثاني اللي في القدرات راح يكون اللغوي<<بسيط مرة يعني كلمات ومعانيها او كلمة وعكسها او كلمتين صح تشوفيهم مختلفتين بس يتوافقو بطريقة ما..يبغالك تقري كتب زي ماقلتلك عشان تفهمي قصدي...

كذا خلصنا من القدرات نجي للتحصيلي<<المواد اللي درستيها في اولى وثاني وثالث ثانوي الادبية بس إلا الانجليزي..
يعني بلاغه,ادب,نحو,توحيد,حديث,فقه,جغرافيا,تاريخ<<مدري اذا ناقص شي..وراح ياخذو من كل مادة مجموعة اساله
لمن تشتري كتب وتقريها راح تلاقي اشياء اولى وثانية اللي اخذتيها ونسيتها يعني ماينفع تدخلي الاختبار كذا...لازم تكون عندك نظرة عامة ..

انا للقدرات اشتريت كتاب اسمو (الامين),وبرضو كتاب رام1 للقدرات<<ممكن تستفيدي منهم حلوين..

والتحصيلي اشتريت رام 2<<بس انا كنت علمي يعني ماينفع تجيبيه شوفي لو في كتاب اسمو رام بس للادبي لاني مدري(غير رام1 لانو رام 1 قدرات يعني للادبي والعلمي)...
بالنسبة للاختبار صعب ولا سهل صراحه راح تلاقي انو التحصيلي سهل لانها اشياء مرت عليكي في سنوات الثانوي
يعني الا ماتشوفي معلومة وتحسي انك فاكرتها من مكان...
القدرات ممكن هوا الاصعب(الجزء الكمي مو اللغوي)بس اللغوي برضو يبغالك تركزي قبل ماتجاوبي..
وعامل الوقت مرة يأثر..يعني حاولي خلصي بسرعه بس في نفس الوقت لاتقلقي نفسك..
بالنسبة للادارة والاقتصاد والقبول فيها انا اقلك ارتاحي مرة بدري عليكي
لانو لو انقبلتي ان شاء الله في الجامعه قدامك سنة كاملة تدرسي فيها مواد عامة تنقسم عندك لترمين مواد لخطة ب ومواد لخطة أ
اللي جواب برضو على سؤالك
الخطط هذي مجرد تقسيم يعني لو دخلتي الجامعه وصدف انك خطة ب راح تدرسي 4مواد عامة
والترم اللي بعدو راح تكوني خطة أ وتكملي المواد الخمسة الباقية..والعكس صحيح لو بديتي بخطة أ الخمسة مواد الترم اللي بعدو حتكوني ب الاربعه مواد...

حاولت اجاوب على اسالتك بشكل شامل..واذا عندك اي استفسار اسالي ياعسل..

موفقه..عقبال مانشوفك بيننا ..

[البتول 2010]

المشاركة الأصلية كتبت بواسطة alaa al ghamdi مكان سؤالك غلط عشان كذا ماحد رد ماعلينا.. بالنسبة للادبي الانتظام اللي بمكافاه وقف الين نسبة 80<<بعد القدرات والتحصيلي ونسبة الثانوي(الموزونة يعني) ماعرفت قصدك بالشروط بس لازم تكوني اختبرتي القدرات والتحصيلي وزي ماقلت وقفت النسبة على سنتنا عند 80 اللي اقل من 80 بعضهم دخلو انتظام زينا عادي في الصباح بس بدون مكافاه وبعضهم انتظام بس مسائي وبرضو بدون مكافاة وبعضهم انقبلو في الكلية.. القدرات والتحصيلي انا اشوف مالها داعي المعاهد اشتري كتب وحاولي انك تساعدي نفسك بنفسك.. القدرات راح يكون مقسم على جزأين..الجزء الاول:كمي<<يعني رياضيات والمسائل اللي يبغالها تفكير مو زي الرياضيات حق الثانوي بنات العلمي..لأ..يعني اشياء عقليه..مساحات..اطوال..مقاسات..اشياء يبغالها تفكير هذا الجزء هو اهم شي لازم تركزي عليه خصوصا لو كنتي ادبي الباقي راح يكون سهل عليكي... الجزء الثاني اللي في القدرات راح يكون اللغوي<<بسيط مرة يعني كلمات ومعانيها او كلمة وعكسها او كلمتين صح تشوفيهم مختلفتين بس يتوافقو بطريقة ما..يبغالك تقري كتب زي ماقلتلك عشان تفهمي قصدي... كذا خلصنا من القدرات نجي للتحصيلي<<المواد اللي درستيها في اولى وثاني وثالث ثانوي الادبية بس إلا الانجليزي.. يعني بلاغه,ادب,نحو,توحيد,حديث,فقه,جغرافيا,تاريخ<<مدري اذا ناقص شي..وراح ياخذو من كل مادة مجموعة اساله لمن تشتري كتب وتقريها راح تلاقي اشياء اولى وثانية اللي اخذتيها ونسيتها يعني ماينفع تدخلي الاختبار كذا...لازم تكون عندك نظرة عامة .. انا للقدرات اشتريت كتاب اسمو (الامين),وبرضو كتاب رام1 للقدرات<<ممكن تستفيدي منهم حلوين.. والتحصيلي اشتريت رام 2<<بس انا كنت علمي يعني ماينفع تجيبيه شوفي لو في كتاب اسمو رام بس للادبي لاني مدري(غير رام1 لانو رام 1 قدرات يعني للادبي والعلمي)... بالنسبة للاختبار صعب ولا سهل صراحه راح تلاقي انو التحصيلي سهل لانها اشياء مرت عليكي في سنوات الثانوي يعني الا ماتشوفي معلومة وتحسي انك فاكرتها من مكان... القدرات ممكن هوا الاصعب(الجزء الكمي مو اللغوي)بس اللغوي برضو يبغالك تركزي قبل ماتجاوبي.. وعامل الوقت مرة يأثر..يعني حاولي خلصي بسرعه بس في نفس الوقت لاتقلقي نفسك.. بالنسبة للادارة والاقتصاد والقبول فيها انا اقلك ارتاحي مرة بدري عليكي لانو لو انقبلتي ان شاء الله في الجامعه قدامك سنة كاملة تدرسي فيها مواد عامة تنقسم عندك لترمين مواد لخطة ب ومواد لخطة أ اللي جواب برضو على سؤالك الخطط هذي مجرد تقسيم يعني لو دخلتي الجامعه وصدف انك خطة ب راح تدرسي 4مواد عامة والترم اللي بعدو راح تكوني خطة أ وتكملي المواد الخمسة الباقية..والعكس صحيح لو بديتي بخطة أ الخمسة مواد الترم اللي بعدو حتكوني ب الاربعه مواد... حاولت اجاوب على اسالتك بشكل شامل..واذا عندك اي استفسار اسالي ياعسل.. موفقه..عقبال مانشوفك بيننا ..

تسلمي ياعسل
عن جد انا مرررررررررره مرعوبه
والله يوفقك وين ما رحتي
والله يريح قلبك مثل ما ريحتني
وشكرا
بس فين احط موضوع باي قسم
وتسلمي
ان شاءالله
وان شاءالله تدخلي التخصص اللي تتمناه

[البتول 2010]

برايك يا الاء
متى ابدت اذكر قبل الاختبار باسبوعين ولا مع بداية السمستر الثاني

[Alaa Al ghamdi]

اشوف القسم المناسب ممكن يكون التحضيري اختاري مسار اداري انساني اغلبهم دفعه 10 ومتخرجين السنة اللي فاتت وحيساعدوكي ان شاء الله
بالنسبة لمتى تبدأي تذاكري ..انا عن نفسي بديت بعد الاختبارات النهائية لمدة اسبوع لانو كانت فترة اختبارات القدرات تبدا بعد الاختبارات النهائية باسبوع بس مو شرط اول يوم يعني على حسب الموعد اللي حتختاريه
يعني مررررررة مامداني ضغطت على نفسي كثير وكنت علمي انا فكانت المواد دسمة شوية خصوصا اللي درستها في اولى وثاني فمحاولة استرجاعها كانت صعبه نوعا ما لانو كنت في ضغط اختبارات وكذا..وبدل ماارتاح ارجع اذاكر من جديد..انا سمعت انو انتو لكم فرصتين في اختبار القدرات؟؟واذا كان الكلام هذا صح معناتو ماراح تختبرو قدرات وتحصيلي في نفس اليوم
يعني حيكون عندك وقت انك تركزي على شي محدد مو زينا نذاكر الاثنين مع بعض...
انتي تأكدي من المواعيد وكيف حتكون..
بس عامة غلطي اني المفروض وقت الترم الثاني هذا كلو ماتدربت..
يعني انتي بين فترة وفترة امسكيلك جزئية من القدرات وحالي تحلي وتفهمي...حيكون اسهل لانك لو ماعرفتي لشي حيكون قدامك وقت انك تسالي بدل ماتضغطي نفسك مرة وحدة..
يعني اشوف انك تبدئي من دحين افضلك ...عالاقل لو مرة في الاسبوع تمسكي جزئية...وافضل انك تبدئي بالقدرات الجزء الكمي..لانوالباقي حيكون استرجاع معلومات بس وان شاء الله حيكون سهل عليكي...