معهد مشاعل بجده للغه الانجليزيه

[ZIZOO]

مساء الورد والفل والياسمين
صبايا ابي اسالكم في احد قد سجل في هدا المعهد لغه انجليزيه
لاني لغتي شوي ضعيفه وابي معهد سعره حلو انا لقيت معهد الفرسان وحسيته حلو من كلام البنات بس دقيت عليهم وقالو انهم ماراح يفتحوا الحين

فانا قررت اسجل في معهد مشاعل بس للاسف اسمع سب كثير عنو فياليت اللي قد سجلت فيه لغه انجليزيه تقولي كيف هوه حلو والا لا
وهل استفادت والا لا
وهل شهادته معتمده
بليز احد يرد علي

[باحثة لغة]

قرأت عن مشاعل انه سيء والله أعلم هذا من رايي بنات

[فجرالعيد*]

سجلي بالمعهد العربي السعودي الآن عامل عرض 6مستويات 3500 انت وحدة معاك يعني تطلع لك 1750 ولصديقتك او اختك نفس المبلغ والدورة غير المواصلات مجانا أنا سجلت فيه انا وصديقاتي مرة كويس في التأسيس استفدت منه أكثر من المجلس الثقافي البريطاني لان البريطاني عيبه بطئ جدا تأخذي في الكتاب الواحد 4 مستويات يعني تطلعي بالكورس الواحد ب3 دروس فقط طيب ليه موحرام ادفع في كتاب 9000 ريال طيب انا اشتريه من مكتبة تهامة واجيب مدرسة تدرسني تأخذ 1000 افضل لي .مع العلم اني أخذت عندهم كورسين وخرجت انا وصديقاتي لان بصراحة مرة يأخذ وقت طويل 8 شهور تقريبا على بال ما أخلص كتاب واحد .
اما بالنسبة للمعهد العربي يعطيك لك مستوى كتاب ومناهجه تدرس بالقنصلية البريطانية وعتمدة من اكسفورد مجموعة سلسلة Headway وهذا رقمهم 6998188- 6722322

[احساس الغروب!]

انا حاليا ادرس في المركز الثقافي السعودي الي في التحلية جنب الصيرفي ,مرتاحة فية والمنهج حقة مررة حلو بس على حسب الاستاذة انا استاذتي اسمها ايمان مررررة شاطرة وماتتكلم عربي ابدا ,,المستوى عبارة عن شهر ويمكن اسبوع ب650ريال ,,,,,,,,,وكل يوم ماعدا الخميس والجمعة ساعتين.

[طموحهـ ولكنـ]

انا كنت ادرس في المشاعل وخلصت منه قبل شهرين . وكنت مترددة اسجل من كثر مااسمع السب بس توكلت وسجلت بصراحة رائع جداً . واخذت الشهادة ومختومة 4 اختام . من ضمنها ختم لوزارة التربية والتعليم . وختم من المؤسسة .

بصراحة انا عجبني لان الاستاذة مرة متشددة وتشرح من قلبها وانصحك تروحي لها اسمها ماريا وممنوع تتكلمي عندها عربي وهذا احسن شي .

وكمان استاذة اسمها احلام مرة تمام وكلامها كلها انقلش .

اما بالنسبة للسعر يختلف من فترة لفترة لان بعض الاحيان يعلملوا عروض انا اخذت مستويان 1800 . ووحد من صحباتي سجلت بوقت العرض مستويان 1500 . وفية كمان بعضهم سجلوا مستويان 1200

ماني عارفة كم السعر الحقيقي . لان دايم يتغير السعر .

[حبي لذاتي قمة أولوياتي ~]

المشاركة الأصلية كتبت بواسطة طموحهـ ولكنـ انا كنت ادرس في المشاعل وخلصت منه قبل شهرين . وكنت مترددة اسجل من كثر مااسمع السب بس توكلت وسجلت بصراحة رائع جداً . واخذت الشهادة ومختومة 4 اختام . من ضمنها ختم لوزارة التربية والتعليم . وختم من المؤسسة . بصراحة انا عجبني لان الاستاذة مرة متشددة وتشرح من قلبها وانصحك تروحي لها اسمها ماريا وممنوع تتكلمي عندها عربي وهذا احسن شي . وكمان استاذة اسمها احلام مرة تمام وكلامها كلها انقلش . اما بالنسبة للسعر يختلف من فترة لفترة لان بعض الاحيان يعلملوا عروض انا اخذت مستويان 1800 . ووحد من صحباتي سجلت بوقت العرض مستويان 1500 . وفية كمان بعضهم سجلوا مستويان 1200 ماني عارفة كم السعر الحقيقي . لان دايم يتغير السعر .

ماشاء الله

متى خلصتي الكورسات ومتى أستلمتي الشهادة ؟؟؟

هذا عيبهم اللي شفته بعيني

[طموحهـ ولكنـ]

المشاركة الأصلية كتبت بواسطة حبي لذاتي قمة أولوياتي ~ ماشاء الله متى خلصتي الكورسات ومتى أستلمتي الشهادة ؟؟؟ هذا عيبهم اللي شفته بعيني

خلصتها تقريبا من شهرين او اقل وحصلت على الشهادة بعد 3 اسابيع من انتهاء الكورسات .
مشكلتهم متشددين بالخروج والدخول من المعهد . وكمان بالحضور والغياب . اذا دخلتي توقعي واذا خرجتي توقعي وكمان استاذة الكلاس تاخذ الحضور وتجي المراقبة بالكلاس تاخذ الحضورة مرة ثانية وعندهم نسبة في الغياب اذا غبتي راح يعطونك شهادة حضور مش اجتياز .

[جرح الغلا]

معهد اكسفورد ش الامير سلطان بعد دوار القبضة مقابل اكسترا
هاتف 6927225

بنت عمتي كانت تدرس بهذا المعهد وكانت تمدحه وانه مستواها تغير
هي درست عندهم مستويين قبل تروح بعثة واذكر انها كانت تقول بالنسبة للفلوس مو
ضروري تدفعيها مرة واحدة كنت بسجل معاها بس صراحة بعيد عن بيتي
وهذا اللي اعرفة وعموما اكتبي بقوقل عنه وتلقين اكيد مواضيع تخصه لاني طلعت لك الرقم من قوقل

بالتوووفيق

[معلوماتيه]

مرره حابه اخذ لغه بس محتاره كثير مع المعاهد واحترت زياده بعد ردودكم :(

[شعوووله]

انا سجلت فيه تقريبا قبل سنتين او اقل بشووي

مراا كوويس بالذات مع الاستاذه رشا مدري الى الان موجوده ولالا

استفدت منو كثيررر