هجولة اليوم وفي النهايه كليتكم يعني انا ايش سويت t_t

[Beeshoob]

السلام عليكم

بخش دغري في الموضوع

<< قلك ماني فاضيه

لا من جد اليوم من جد مره زعلت من اللي صار لي يعني والله حزنت على نفسي << عجزت عن التعبير

طبعا سحبت على كل المحاضرات ورحت فين ؟

زي البنات الحلوين كدا عند الاداره الطبيه

قالو لي انقلعي عند الاولاد وبسكوت مشيت عند ادارة شطر الاولاد

طبعا الاولاد الكل في الكل واحنا ما ادري بس << طلعت الاحقاد << مع نفسك ها

والمزاج ما يسمح انو يكشف عليا دحين قالي تعالي وحده قلنا طيب

نكمل كشف عليا دكتور الاسنان انا وصحبتي واشعه وهرج وحولني على المستشفى

وزي الطيبين رحنا واتقلنا ياجماعة الخير روحو لعيادات الخارجيه

ورحنا ياجماعة قالت لي الادميه حقت الاستقبال بعد ما اديتها ورقة التحويل

بليز استريحي في غرفة الانتظار ومايحتاج اقولكم كيف اللطعه المزبوطه

وبعدين الغندوره جايتك تقول مو عندنا ياماما في كلية الاسنان

انا اتفتح فمي شبرين << قفليه طيب لاتحلمي ماراح تسوي شي في فمك هع

المهم بعد كدا توهي يابيش توهي بقوه وفي النهايه وصلنا

وبكل بكل برود يقولي حق الاستقبال تعالي بعد اربع اسابيع عشان تفتحي ملف

ونشوف لك وضعك

اناااا وربي ما قلت شي غير انو الدموع قربت تنزل << ترى مو دموع بس مره عصبت

نفسي اعرف هجولة الاحوال مدري الجوازت دي ليه ؟

انا ماكنت متوقعه انجز شي كتير اليوم بس مره مره مو كدا

الصدمه اني داومت اليوم من الساعه 8 الين الساعه 2 ونص وانا ما ادري فين يعني

بس افضفض وابى رايكم في اللي صار ؟

لاحد يقولي بالغتي لانو وضع مزري !!