سؤال ضروري لو سمحتو d:

[Unpredictable Girl]

السلام عليكم يا دكاترة ,,


اول شي حابة اقلكم كل عام وانتو بخير بمناسبة عيد الاضحى ينعاد عليكم نشالله

تاني شي عندي كم سؤال ادري هتقولولي بدري ولا تفكري في دي الاشياء من دحين
بس اتمنى لو تجاوبوني في كل الاحوال

دحين انا نشالله اذا درست طب واتخرجت بعد 7 سنوات دراسه فين اروح هل اقدم شغل في مستفى ولا اكمل برا دراسة وكيف ادرس برا هل هتكون دراسة دراسة ولا زي سنة الامتياز ؟؟

تاني سؤال وياريت ما اكون طولت عليكم انو متى يسمح لطالب الطب بدخول غرفة العمليات او انو يفحص مريض؟؟ هل بس في سنة الامتياز ولا يقدر قبلها حتى يتفرج ؟؟

وفي كمان شي صغير احس بتقتلوني !!! ايش معنى ال residency programs ؟؟ وهل في هنا في المملكة ؟


شكرااا مقدما ,, والله يوفقكم في دراستكم

[Dr.Passed]

وعليكم السلام ورحمه الله وبركاته ورضوانه
وانتي بصحه وسلامه =)Residency program
زي ايش اقلك...البورد بروجرام
مني عارفه اجبلك هيا بالزبط مني قادره افكر في كلمه تركب

وبعدين يالطيفففف انتي مره زيي...استعجل و افكر قداااااااااااااام ودايما شايله هم بكره و انسى اليوم الي انا عايشه في ...بس بالعكس شي حلو

اكيد حبيبتي في دراسه بعدين حلوه دي شغل بس...يعني انتي حننخصصي في حاجه لازم تتعمقي فيها وحيكون في اختبارات وكلو

بس في نقطه الطب دي بالزات....انصحك تهدي شويه...انا كل يوم دحين ابغى تخصص جديد ...ولسا لمن نجرب شغل المستشفى حيتغير تفكيرك في اشياء كتيييييييير...

يمديكي تشتغلي ويمديكي تكملي دراسه برا...بس عارفه كلو حيبان مع السنين..

أنا نفسي اكمل في كندا =(

بس لا تتمني كتير كمان خلي الأمور تجي من نفسها بهداوه عارفه.....ريلااااااااااااكس

المفروض من سنه رابعه الترم التاني نبأ نخش المستشفى =) وتدريجيا حتبدأي تخشي عمليات و كده
انتي لاتشيلي هم...باين في افكاااااااار كتيره فراصك ومنتي عارفه تفكري فإيش ولا تشيلي هم ايش انا حاسه بيكي مره
انا نفس الشي

Your part is over, relax & let life ride now....
?No worries, ok

[JuStice]

.

وعليكم السلام ورحمة الله وبركاته ,

دحين انا نشالله اذا درست طب واتخرجت بعد 7 سنوات دراسه فين اروح هل اقدم شغل في مستفى ولا اكمل برا دراسة وكيف ادرس برا هل هتكون دراسة دراسة ولا زي سنة الامتياز ؟؟

بعد التخرج من كلية الطب - 7 سنوات - بإمكانك أن تتخصصي في تخصص أكاديمي في الكليات والمعاهد الصحية ,

أو تخصص إكلينيكي في المستشفيات والمراكز الطبية .. إما هنا أو بالخارج , وخلال سنة الامتياز وما بعدها ستمارسين عملك كطبيبة مع دوام كامل ومناوبات .

تاني سؤال وياريت ما اكون طولت عليكم انو متى يسمح لطالب الطب بدخول غرفة العمليات او انو يفحص مريض؟؟ هل بس في سنة الامتياز ولا يقدر قبلها حتى يتفرج ؟؟

بدءًا من سنة رابعة طب يدخل الطلاب المستشفى ويبدأ الاحتكاك المباشر مع المرضى وتبدأ الحياة الطبية الحقيقية (:

وفي كمان شي صغير احس بتقتلوني !!! ايش معنى ال residency programs ؟؟ وهل في هنا في المملكة ؟

الـ residency programs هي برامج التخصص , بعد الانتهاء من سنة الامتياز والتخرج من كلية الطب يُسمى المتخرِج "طبيب مقيم Resident"

وبإمكانه حينها أن يتخصص في مجال معين (باطنة , جراحة , نساء وولادة , أطفال ...) عن طريق دخول برنامج تخصص residency program في المجال الذي يريد ..

وتتفاوت مدة برنامج التخصص من سنتين أو ثلاثة إلى ست سنوات على حسب المجال . فتخصص جراحة المخ والأعصاب مثلاً مدة برنامجها طويل وقد يصل إلى 6 سنوات , خلالها يمارس الطبيب عمله

في هذا التخصص ويدرسه أكثر ويتعمق فيه تحت إشراف وتقييم أخصائيين واستشاريين وبعد اجتياز البرنامج بنجاح يحصل على مسمى "طبيب أخصائي" .

برامج التخصص موجودة في المملكة .. وأحيانًا تُسمى "البورد" . يوجد البورد العربي والبورد السعودي والبورد الكندي ...

.