اسئله ادور على اجابتها عندكم

[لحظات حبي]

سلام عليكم

كيفكم شباب وصبايا

اخباركم ان شاء الله تكونوا مستانسين

؟؟؟؟؟؟؟؟؟

عندي مجموعة اسئله ابى اسألها واتمنى الاقي جوابها هنا

انا في الصف الثاني الثانوي >>> ترى مره بدري عشان تدخل هنا

الموهم

سين واحد

هوا انا لغتي الإنقليزيه مو مره تمام يعني ها اعرف كم كلمه

اعرف اتكلم شويه يعني لما ادخل طب ان شاء الله راااح اتعب

في اللغه ولا من بدري اجلس في البيت ؟؟؟؟؟

سين اتنين

دحين احنا ابتلشنا بالسنه التحضيريه يعني زمان كانت الدراسه سته

سنين والسابعه امتياز دحين مع السنه التحضيريه كيف راح تصير

زي ما هيا ولا راح تزيد عدد السنين ؟؟؟؟

سين تلاته

في مجال اني ادرس في الصيف عشان اخلص من الدراسه بدري ؟؟؟؟

سين اربعه

وانا جالس الفلف على النت لقيت موضوع يقلي

اني قبل ما ادخل الطب اقرا كتاب اسموا

دراسة الطب بين التحديات والمسئوليات

رحت جرير وما لقيته يعني معليش على السؤال

فين راااح الاقي دا الكتاب ممكن الاقي في مكتبة الجامعه ؟؟؟

وآسف اذا طولت عليكم

وآسف اذا كانت اسإلتي تافهه

او مكرره

[لحظات حبي]

ولا اي احد يرد عليا

مشكوووورين

[المتفائلة]

المشاركة الأصلية كتبت بواسطة لحظات حبي سلام عليكم كيفكم شباب وصبايا اخباركم ان شاء الله تكونوا مستانسين ؟؟؟؟؟؟؟؟؟

وعليكم السلام ورحمة الله وبركاته

حياك الله اخوي
ونعتذر على التأخر في الرد

المشاركة الأصلية كتبت بواسطة لحظات حبي عندي مجموعة اسئله ابى اسألها واتمنى الاقي جوابها هنا انا في الصف الثاني الثانوي >>> ترى مره بدري عشان تدخل هنا

الله يوفقك وان شاء الله كلها كم سنة وتدخل الجامعه

المشاركة الأصلية كتبت بواسطة لحظات حبي سين واحد هوا انا لغتي الإنقليزيه مو مره تمام يعني ها اعرف كم كلمه اعرف اتكلم شويه يعني لما ادخل طب ان شاء الله راااح اتعب في اللغه ولا من بدري اجلس في البيت ؟؟؟؟؟

جيم واحد
لا ان شاء الله ماراح تتعب
يمكن اول اسبوعين او اول شهر تحس ان الكتاب والمذاكره حوسه
متعودين كنا على عربي ونجي انجلش

لكن مع الوقت تتعود
والكتب حلوه وتسير سهله ان شاء الله

المشاركة الأصلية كتبت بواسطة لحظات حبي سين اتنين دحين احنا ابتلشنا بالسنه التحضيريه يعني زمان كانت الدراسه سته سنين والسابعه امتياز دحين مع السنه التحضيريه كيف راح تصير زي ما هيا ولا راح تزيد عدد السنين ؟؟؟؟

نعم الطلاب بعد ماينتهوا من السنة التحضيري
راح ينتقلوا على طول لسنة ثانية

فماراح تزيد السنوات

المشاركة الأصلية كتبت بواسطة لحظات حبي سين تلاته في مجال اني ادرس في الصيف عشان اخلص من الدراسه بدري ؟؟؟؟

في الكليات الصحيه كلها مافي لا دراسة صيفي
ولا نظام حذف واضافه

جدول ينزل من الاداره موقع ومعتمد
زي المدرسة بالزبط

المشاركة الأصلية كتبت بواسطة لحظات حبي سين اربعه وانا جالس الفلف على النت لقيت موضوع يقلي اني قبل ما ادخل الطب اقرا كتاب اسموا دراسة الطب بين التحديات والمسئوليات رحت جرير وما لقيته يعني معليش على السؤال فين راااح الاقي دا الكتاب ممكن الاقي في مكتبة الجامعه ؟؟؟ وآسف اذا طولت عليكم وآسف اذا كانت اسإلتي تافهه او مكرره

للاسف انا ماسمعت عن الكتاب
الا بعد ماخلصت من السنة الاولى

مااعرف بالزبط وين

[dr.CILIA]

السلام عليكم
الله يوفقك ويكتب لك الخير

بالنسبه للكتاب شكلو للاسف مافي رابط للتحميل

بس في ملخص على هذا الرابط ..http://www.6abib.com/ask/showthread.php?t=22781

اتمنى اكون أفدتك

تحياتي*

[لحظات حبي]

مشكووووووووووووووووره متفائله

على ردك بصراحه اديتيني امل في الحياااة

هههههههههههههههههههههههههههههههههههههه

نردها لكي ان شاء الله

[لحظات حبي]

مشكوووور يا دكتووورة .... >>>> ما عرف يقرا ايش مكتوووب هههههه

على ردك ومن ناحية الملخص انا قريته انا بلى الكتاب

مشكوووووره وما قصرتي