اللي مقدمة على المعيدية في كلية السلامة او فرع شمال جدة تدخل

[د/طموح]

السلام عليكم ورحمة الله وبركاته



حابه اسأل هل كل من قدم للمعيدية عنده توفل اوبديله؟؟

وهل صحيح انه اللي ماعندها ردو ملفها؟؟
سواء كان التقديم لفرع السلامة او شمال جده عسفان وهذا الاهم



لاني راح ارسل اوراقي للجامعة غدا السبت ان شاء الله

وانا ماعندي بديل توفل وناويه اقدم الستيب في شهر 4 باذن واحد احد


أسأل الله القبول والتيسر

[طموحهـ ولكنـ]

انا عندي اختبار الستيب . بس مترددة اقدم ولا لا ؟؟ لان درجتي منخفضة .

انا سمعت انهم يرفضون الملف في كلية السلامة . اما باقي الكليات بصراحة مااعرف .

ارسلي اوراقك وجربي حظك ..

بالتوفيق ان شالله .

[شوكولاين جدة]

أخواتي الكلام الأكيد خذوه مني .. أنا وصحبتي اللي هي الأولى على مستوى الجامعة تخصص دراسات رحنا..

لما دخلنا قالت الموظفة على طول عندكم توفل أو ستيب أو ايلتس ؟؟؟

أنا قلت لها ايوا عندي توفل قالت هاتي ملفك وصحبتي قالت لها لا ماعندي شي قالت الموظفة : ماآخذ ملف مافيه واحد من دول التلاتة..

وكل اللي أعرفهم حصل لهم نفس الشي...

بس ادا تبغي جربي ويمكن ربي يكتب لك الخير...

[طموحهـ ولكنـ]

الله المستعان .

المفروووض الواحد قبل مايتخرج يختبر التوفل او الستيب عشان مايضيع وقتة ..

[دودة القز]

ياروحي انا رحت الجامعه وسألت عن التقديم و سألتها عن التوفل قالتلي ماادري بس انتي هاتي اوراقك بس للاسف اوراقي ماكانت معاي

[شوكولاين جدة]

أختي اللي درجاتهم في التوفل ماتعادل 400 وكان موجود من ضمن الملفات وحدة واخذة 400 في التوفل يتم استبعاد الباقي فمابالك بملف مافيه توفل؟؟؟

بعدين الوظائف في الجامعة لفرع عسفان لايتم التقديم لها عند النساء بل عند الرجال...

بس عموما الواحد مايدري فين نصيبه قدمي وربي معاك..

[ملعقة ناصر]

حبيت اسال ايش التخصصات المطلوبة في الوظائف اللي تقدموا عليها

[أنا وبس]

اول ماتدخلي الموظفة تسألك عندك توفل !
اذا لا ماتآخذ الملف وإذا ايوا تآخذ الملف
هذا اللي صار معايا زي الاخت شوكولاين
الله يرزقنا يارب بالنسبة لك قدمي اذا ربي أراد بشي يقول له كون فيكون ماتعرفي فين الخيره ..
بالتوفيق

[شوكولاين جدة]

الوظائف يامعلقة هي مهارات اتصال والتدريس في فرع السلامة ويقبل فيها أي تخصص..

ودين + عربي+ مهارات فرع عسفان التقديم لها في الجامعة..

[هدهد مكه]

المشاركة الأصلية كتبت بواسطة شوكولاين جدة الوظائف يامعلقة هي مهارات اتصال والتدريس في فرع السلامة ويقبل فيها أي تخصص.. ودين + عربي+ مهارات فرع عسفان التقديم لها في الجامعة..

اش قصدك يقبل فيها اي تخصص انا تخصصي رياضيات

وفي عسفان اعتقد ان يوجد فرع للاولاد بس هل فيه للبنات الله يسعدكم ردوا علي بسرعة