خطة أ .. رياضيات فيزياء ,, ملخصات تست بانك اولد اكزام ؟! ؟!

[Abdulaziz-R]

.
.



السلام عليكم ورحمة الله وبركاته

صباحكم ورد وفل ولوز ..


حبايبي أنا خطة أ

حبيت أستفسر من الدفعات السابقة ومن لهم خبرة

- الفيزياء :

- وش مرجعنا بالضبط لا تقولون لي " فاندمينتر اوف فيزكس " ..
لأنه كتاب دسم .. أبغى مرجع ملخص معيّن يكون شامل وما ارجع لغيره للجزء العملي والنظري .. هل ملخص بركات يفي بالغرض ؟؟ ..

- ووش رأيكم بالمنهج هل المنهج دسم ويطلب مدرس .. ولا مع المراجعة والتركيز والفهم من الملخص خلاص ما يحتاج ؟؟ ( لأني عادة حتى من أيام الثانوي كنت افهم من الملخصات اكثر ما افهم مع الدكتور وكنت اعتمد عليها بعد الله بشكل كبير , يعني متعود على هالأسلوب ) .. لاني ماني فاهم فيه شئ تقريبا وحنا انتهينا من 3 شابتر ..

- وكم يحتاج المنهج تقريبا للفهم والمراجعة .. لأن ما بقى وقت للاختبارات وبحاول انظم جدول والحق نفسي .. كم يوم تقريبا ؟؟


- الرياضيات :

وش مرجعنا للمذاكرة .. وهل نعتمد على الكتابة اللي مع الدكتور .. ولا ملخصات , لأن الكتاب اسلوبه صعب ويحتاج وقت وترجمة .. وحنا ما تعودنا على هالاسلوب خصوصا خلال هالفترة وما نقدر نتعود لان الوقت ضيّق قبل الاختبارات ونبغى نلحق ؟؟؟

- ملخصات مثل ايش ؟! وملخصات السعدي الجديدة للرياضيات هل هي شاملة وتفي بالغرض ( اقصد النسخه المنقحة الجديدة اللي نزلت قبل كم يوم اللي بالكمبيوتر في قرطاسية 2000 ) ؟؟!!
- وكم الوقت تقريبا احتاج اني افهم واراجع وانجز المنهج ؟؟


............

بإختصار .. أنا ابغى مراجع سواء ملخصات او غيره .. دون الكتاب طبعاً
عشان أبدأ أذاكر فيها خلال الفترة الجاية قبل الاختبارات
واعتمد عليها بعد الله في الدرجات العالية في المادتين والمعدل العالي - ان شاء الله

اتمنى ما اكون اطلت
واتمنى من الدفعات السابقة الاجابة

واتمنى الفايدة والنجاح وتحقيق الطموحات للجميع - موفقين

[D7OOM-A]

اي والله اسآلة في وقتهآ

اضيف عليها بخصوص التست بانك

هل القى تست بانك لـ كل الشباتر ؟ ولا كل شبتر ينزل له تست بانك بالحال ؟

وهل انه فعلآ مثل ماسمعت اسئلة الاختبار تجي نسخ لصق ممن التست بانك ؟

^_^

والله يجزآآه خير اللي يجآوب علينا