استشارة مصيرية

[سلطان المالكي]

سلام على الجميع

يا شباب ابغى استشيركم بموضوع

انا الحين تخصصي جيوفيزيا وفي قمة التوهان

والسبب هو رياضيات 202 حاس عقدة التحضيري للحين ملاحقتني

استعوعب وافهم واتعب بالمذاكرة واخبص بالاختبارات

أنا دخلت الكلية ومعدلي 2,46 وخلال سنة وحدة وصلته 3,44

أول ما دخلت الكلية كان هدفي تخصص بترول وترسبات بس بعدما شفت درجاتي عالية تغير هدفي

إلى الجيوفيزيا بس صراحة انصدمت بالواقع وانجبرت اني اهمل الرياضيات بسبب رحلة الخرائط

وماقدرت ألحق شيء وأتلخبط كثير صرت حاس بصخرة كبيرة قدامي وقبل أيام كان عندي كويز بسيط فيها 5 درجات جلست قبله يومين أذاكر ليل نهار وساحب ع المحاضرات بالكلية وفي الاخير ماني حال سؤال واحد

المهم من ذا كله أني فكرت وقررت أحذف الرياضيات لانها بتنكب المعدل وفي نفس الوقت الاخفاق فيها يعني التحويل اجباري لانها متطلب لجميع مواد الجيوفيزيا المتبقية ونهاية الترم أحول بترول عشان أضمن ارتفاع لأني ماشي ع الخطة تمام والمادة الوحيدة تخصصية هي الرياضيات يعني خسران 3 ساعات بس من 17

المعدل وجيت هنا استشيركم وأعرف إذا قراري صح وإلا غلط ؟

[جيولوجي محترف]

هلا اخوووي سلطان

انصحك انك ما تتهور لأن تخصصك جدا جميل ومرغوب في كافة المجالات ( البترول + المياه + الكهرباء )
بعكس البترول

وانت قلتها بنفسك انك اهملت الرياضيات يعني المشكلة مهي من المادة المشكلة منك

اذا انت خايف ع المعدل لا ينزل حاول تشد حيلك وتلحق تشفلك مدرس خصوصي وتشتغل ليل نهار وتوسع صدرك صدقني ماراح تقل عن b إن شاء الله

اذا انت شايف نفسك جدا متهوق حاول تأجل المادة للترم الجاي او انك تحذف هالترم

اهم شئ انك ما تتهور وعلى حسب كلام خوياي ان اصعب مستوى هو 202 بعدها سهالة

شد حيلك بالتوفيق

[DNA-]

للمعلوميه نصف طلاب الجيوفيزياء يجتازون Math 202 بـ 60 أو 65 يعني تحمل الضغط لأن الجيوفيزياء افضل من البترول والترسبات بكثير ...

[جيولوجي محترف]

صدقت ياخوي حتى في الفرص الوظيفية لأن اغلب طلبة الكلية تخصصهم يا بترول ولا هندسية بعكس الجيوفيزياء

[alhade]

كما قال الاخوة لك فاصبر ولا تستعجل ولا تدخل مغامرة محفوفة بالمخاطر أقصد التحويل بالتوفيق جميعا

[سلطان المالكي]

أشكر الجميع من أعماق قلبي

راح أنتظر نتيجة الإختبار الأول وبعدين أقرر ....

[A.r.s]

سلطان حبيبي لا تعلق مصير حياتك بدرجة الدوري الأول !!
اذا التخصص عجبك كمل فيه حتى لو خبصت في المادة
اما اذا حسيت انك مو في المكان الصحيح غير ولا تنتظر شئ

واولا واخيرا الإستخارة

تذكر اهم قرارين في حياتك هو تخصصك و زواجك ان شاء الله
لانه بتنبني عليه حيااتك ..
اتمنى لك التوفيق

[HaMaD]

موفق وين ما كنت ,, :)

واذا ماشي تمام في الجيوفيزياء خليك ,, << تخصص جيد :)