معلومآت عامه عن الأسنان .. !!

[Dr~NanoOok]

لو كان الطفل اسنانه جنب بعض ومتراصه هل يأثر بعدين على نمو الاسنان الدائمه يعني ممكن تطلع بعدين مو مرتبه ومتحاشره على بعض ؟

ممكن بشكل كبير .. وعشان نعرف اذا حيكون في مشاكل بعدين أو لأ
في حاجة نعملها اسمها arch analysis

ناخدها على أسنان الأطفال والفك حقهم.. زي دي الصورة






نقيس المسافات مابين أسنان معينة .. بعدين نعملها عملية حسابية
ونقارنها بجدول قياسات تقريبية .. تحددلنا اذا حيكون هناك مشاكل مستقبلا أو لأ


--------



كايرا

الحلو في دهشام انه يحب يشرح أشياء كثير من برا ويفتح عيوننا عليها من بدري
مررره حلو وفعلا فادنا كثير

وهو من أفضل الدكاترة عندنا بالقسم ^^

[ابر ماس]

Dr.Nanook مره شكرا ياعسل كله من ذوقك وإن شاء الله تجين ونتعرف عليك وأنا متأكدة أنه حنحبك أكثر الله يخليك يارب..

كايرا مرررره شكرا ع المعلومات المفيده دائما في انتظار جديدك ^_^

[Kaira]

المشاركة الأصلية كتبت بواسطة ابر ماس dr.nanook مره شكرا ياعسل كله من ذوقك وإن شاء الله تجين ونتعرف عليك وأنا متأكدة أنه حنحبك أكثر الله يخليك يارب.. كايرا مرررره شكرا ع المعلومات المفيده دائما في انتظار جديدك ^_^

العفو يا قلبي ولو ما سويت شي ودا كلو فدا لكم والله ..

[Dr~NanoOok]

Chronology of the Teeth
وهو علم متعلق بالتسلسل الزمني

ومعناه هو
chronos = time
logy = scince

<< عشان أعودكم أكثر على طريقة فك وفهم المصطلحات الطبية


وهنا حتدرسوا عن التسلسل الزمني لبزوغ الأسنان في الفم ..
وللوقت اللي بدأت فيه في النمو داخل الفك قبل ظهورها .. ومتى يكتمل نموها

وهذه جداول أخدناها بمحاضرة الدينتال اناتومي
ولازم تحفظوها ..

طبعا لما تخترعوا طريقة للربط والتسلسل للأرقام والتواريخ
مررره حيسهل الموضوع .. أتزكر اني حفظتها بشكل رسمة وأسهم ومررره سهلي الموضوع
بس دحين نسيته تماما "^^


حكتبكم ترجمة كل جملة ومعناها

evidence of calcification
معناها بداية حدوث "التكلس" واجتماع المواد المكونه للسنّة مع بعضها

crown completion
نهاية تكوّن التاج للأسنان

eruption
ظهور الأسنان في الفم

root completion
نهاية تكوّن جذر الأسنان


~

جدول الأسنان الأمامية



~




أسنان الـ premolars




~




وهنا موقع مره حلو .. يمثل التواريخ وطلوع الأسنان عن طريق فيديو و 3D

http://www.3dmouth.org/6/6_1.cfm

[Dr~NanoOok]

عرفنا أنه لكل سنّة ليها اسم .. وعندنا بالفم 32 سنّة للانسان البالغ

طيب كيف ممكن نحدد أي سنّة بالضبط فيها المشكلة ونبغى نحددها ..
ولما نكتب تقرير أو نقول للدكتور أي واحدة بالضبط نبغى نشتغل عليها ؟

مو معقولة نعددله كل الأسنان داخل فم المريض مثلا ! :p

عشان كده عملوا طرق لتسمية الأسنان .. واختصار لها لتسهيل وصفها ومعرفتها

هناك عدة طرق للتسمية.. منها اللي يُستخدم فيها احرف ابجدية .. من A, B ,C وهكذا
أو ارقام .. وكل سنة تحفظ برقم

كل حتاخدوه بالتفصيل في الدينتال اناتومي


لكن حشرحلكم أسهل وأكثر نظام بيتخدموه غالبا دكاترة الأسنان


شوفوا بهذا الصورة


نقسّم الفم إلى 4 أجزاء .. وكل جزء اعطيناه رقم

بالربع الواحد يحوي على 8 أسنان .. وحتتكرر نفسها في كل ربع

وأسمائها وارقامها كالتالي



_


طيب نجي لكيفية التسمية ..

مثلا نبغى نسمي السنة رقم 3 اللي موجودة في الجزء العلوي من الفم .. جهة اليمين

نشوف الجهة من الرسمة الأرباع اللي حطيتها لكم أول واحدة
حيطلعلنا انه موجود في الربع الأول

يصير نكتب رقم السنة :
13

الرقم الأول من اليسار معناه رقم الربع اللي موجود فيه السن
والرقم الثاني هو رقم السن نفسه

~

زي هذه الصورة



كل سنة فيها رقمين .. وكل رقم يدل على الربع و رقم السنة نفسها


مع التعود والممارسة حتحفظوها بسهولة وتقولولها بشكل لتا ارادي

مثلا:

upper left laterl incisor

رقمها هو

22

وهكذا ...


وأي سؤال أو توضيح اكثر مني اتفضلوا

[~RAN~]

^

مررره معلومه حلووه
صحيح في البدايه راح نحوس فيها

بس ان شاءالله مع التعود زي ماقلتي نصير نقولها اراديا ^^

الله يسعدك د.نانوك =)

بس حبيت اسئلك
ممكن يجي في الاختبار صوره وياشروا على احد الاسنان ويقولوا ايش اسمو او رقمو ؟

[Dr~NanoOok]

العفو عزيزتي ^_^

المشاركة الأصلية كتبت بواسطة ~ran~ ممكن يجي في الاختبار صوره وياشروا على احد الاسنان ويقولوا ايش اسمو او رقمو ؟

ما اتذكر انهم حطولنا صورة

لكن يكتبوا اسم السنّة وانتِ تكتبي تسميتها

زي المثال الأخير اللي كتبته

وممكن العكس.. يحطوا الرقم وانتي تكتبي الاسم

مثلا: Upper left laterl incisor رقمها هو 22

[~RAN~]

^
اهاا فهمت
شكرا ياعسل ^^

[Dr~NanoOok]

وأنا أدوّر لى الـ youtube

لقيت هذا الفيديو فيه المعلومات الأساسية للأسنان

واللي موجودة بهذا الملف
http://www.mediafire.com/?kw6wrtmuhd85887


الفيديو حق جامعة متشيغان
ممكن تشوفوه قديم.. لكن الفديو حقت الجامعة دي روعة وفهمتنا أشياء مررررره كتير
وخاصة في شغل اللاب حق مادة removable prosthodontics
الل حتاخدوها بسنة ثالث

[مَـزٍآج ..}..]

بس حبيت اسئلك ممكن يجي في الاختبار صوره وياشروا على احد الاسنان ويقولوا ايش اسمو او رقمو ؟

ي سلآم لو تجي الاسئله كدآآ

مآ كان غلبنـآ

ويجي دكتور هشآم كالعاده ويقول دآ السؤال انا حطيتو هديه لكم

والمشكلـه دإأيما الهدإأيآ حقو على قولو من اصعب الاسئله هع