الي تبي تعرف اي دكتوره لاي ماده في قسم الاحياء

[الثنائي المرح]

بنات مين تعرف الدكتورة حليمة النهاري تدرس امن وسلامة كيف اسىلتها وتعاملها وكداء
وكمان من عرف الدكتورة نجاة تدرس كيمياء عضوية

ومين تعرف ابتسام باوزير تدرس احياء 222

في شعب عندي للاحياء 222 بدون اسماء دكاتره ياليت تقولولي مين هما ba o ca

[بنت الشريف...]

المشاركة الأصلية كتبت بواسطة lulu-br شكرا بنت الشريف بس حابه اعرف تأشر و لا لا

العفوو يا قلبي
آممممم تأشر قليل يعني فيه اشياء تحذفها بس مو كثير
بس احسن شيء انو المنهج يكون عندها قليل
يعني احنا اعطتنا 10 فصول والشعب التانيه اخذو 17 فصل اظن

[كواكب 123]

تدرسني ان شاء الله منى عبد الرحمن علي الراعي تلوث بيئ ياليت تقولولي كيف شرحها اسلوبها معاملتها اختباراتها ولكم جزيل الشكر يااغلى ناس

[مشاعل07]

رايــــــــــــــكم..
وراثه عامه ::منى الشريف. .
نبات عــام::صــالحــه الشمــراني. .
اسس علم البيــئهgeog451::صــالــحه عقيــلي.

[الفراشة البضاء]

الي نزلت وراثة عامة مع د. منى الشريف وتسأل عنها بصررررررررراحة الدكتورة في قمة الذوق في تعاملها ... وشرحها مبسط ما تحب التعقيد يعني رائع وتوصل لك المعلومة بشكل واضح للامانة أنا اخذت معاها مادتين Bio 110 من زمان وبيولوجيا خلية السمستر الي راح واخذت عندها درجات حلوة بس المطلوب المذاكرة والتركيز معها في المحاضرات ... واعرف بنات كثير يمدحوا فيها الله يسعدها يارب .. ونجيب عندها +a

[الفراشة البضاء]

نسيت اقل للي تسأل عن تحذف أو ما تحذف
تحذف بعض الاشياء الي تكوني اخذتيها قبل كده
يعني ما تحذف اي شيء ..

[BedoO]

الزهرة البيضاء
د/ابتسام مرة تسهل كل شي شرحها جدا رائع وممتع وتعاملها مرة حلو وأخلاقها عااااالية وتعطي درجتين على النشاط اللي هو عبارة عن عرض بوربوينت عادي تدخلي بعدها في المحاضرة بس ماتتاخري كتير اسئلتها سهلة تتنوع بين المقالي والموضوعي وتاشر في بعض الفصول وبعضها لا
وللاسف الدكتورات الباقين مادرسوني بس البنات كاتبين رايهم فيهم في الصفحات الاولى لهذا الموضوع
على فكرة د/ابتسام باوزير تدرس احياء 202 ماتدرس احياء 222^ـ^
بالتوفيق ياعسل

[shahoooda]

المشاركة الأصلية كتبت بواسطة bedoo الزهرة البيضاء د/ابتسام مرة تسهل كل شي شرحها جدا رائع وممتع وتعاملها مرة حلو وأخلاقها عااااالية وتعطي درجتين على النشاط اللي هو عبارة عن عرض بوربوينت عادي تدخلي بعدها في المحاضرة بس ماتتاخري كتير اسئلتها سهلة تتنوع بين المقالي والموضوعي وتاشر في بعض الفصول وبعضها لا وللاسف الدكتورات الباقين مادرسوني بس البنات كاتبين رايهم فيهم في الصفحات الاولى لهذا الموضوع على فكرة د/ابتسام باوزير تدرس احياء 202 ماتدرس احياء 222^ـ^ بالتوفيق ياعسل

لو سمحتي في نماذج اسئلة؟؟؟؟؟؟؟؟؟

[لارين ~]

د. سلوى قيطه : إنسانة قمة الأخلاق والذوق أتعب اقولكم قد ايش ذوق ومره حبيت منهج الحيوان معاها شرحها روعة ماتخرجي من عندها إلا وإنتي فاهمة مية مية وأسئلتها على قد شرحها بس حلوة وطريقتها في الاختبارات 3 اختبارات بحيث اذا اخفقتي ف واحد الثالث يساعدك وتأخد احسن درجتين وركزو على التصنيف مررره تحبو ولازم بالانقلش هذا الشي الوحيد الي ما تتنازل عنو ...

د. ألفت خليل : يسسعدها يناس مافي احد مايمدحها احسن دكتورة تدي كيمياء حيوي جبت معاها a اساساً محد يجيب عندها أقل من a ...

د. منى راعي : برضو مره ممتازة واسئلتها جداً جداً سهلة ومباشرة تجاوبي لو منتي مذاكرة ومرررره أخلاق أخدت معاها أمن وسلامة ...

د. أحلام هرساني : أخلاق وتحاول تخفف من المنهج وتأشر ومره تراعي في الدرجات أخذت عندها معمل أحياء 281 ...

د. عيشة بن يهب : تدي كيمياءعضوية كويسة الدكتورة وشوية مفلتة وتحذف من المنهج واسئلتها تعتمد على مذاكرتك وفهمك لازم تفهمي مزبوط لآنو اصلا نفس المادة تحتاج فهم ...

د. عيشة العلواني : جداً اخلاق وتحاول تخفف من المنهج وافتكر في الاختبار النهائي جابت 5 اسئلة وانتي تختاري 4 وتجاوبي يعني تساعد كتير ...

د. غالية الجدعاني : تدي اساسيات علم البيئة ، هيا كويسة الدكتورة وشرحها ممتاز واسئلتها سهلة بس لازم تذاكري مزبووووط تجيب احيانا من بين السطور ، انا ماكنت حابة المادة ابدا واتوقع عشان هذا السبب ما اخدت عندها الدرجة الي كنت اتمناها ...

د. هند الزهراني : ل الامانة ما اخدت عندها لسا دا الترم سجلت معاها ، ولكن صحبتي اخدت معاها وتقول مررررره تساعد في الدرجات لدرجة انها في الاختبار النهائي سابت صفحة كاملة فاضية وجابت عندها a ...

د. منى الشريف : نفس الحكاية ما اخدت معاها بس صحباتي مره يمدحوها ...

د. ندى إدريسي : مين مايعرفها اخلاق وذوووق وتساعد وتسهل وكل شي في الحياة يعني إن شاءالله تضمني a+ عندها ...

د. صالحة الشمراني : تدي نبات ، صحباتي أخدو عندها في البداية كنت اشوفهم مره تعبانين معاها بس في النهائي مدري ايش صار وساعدتهم كتير وكلهم جابو A ، غير كدا المادة شوية غليظة تحسي انك بتدرسيها بدون فايدة بس جداً سهلة والمعمل حقها ممتع احسن من المادة ...

تقريباً دول كل الدكاترة الي اعرفهم وحبيت افيدكم ، وبرضو ترى حبك للمادة وتفاءلك بيها له دور لاتتشائمو وتسمعو من البنات هاذي الدكتورة مو كويسة وترسب ومدري ايه ، يمكن هيا تشوفها كدا وانتي لا تمشي معاها وتجيبي درجات ، يعني برضو انتي لكي تأثير مو كل شي على الدكتورة ترى مقسم بيننا بالعدل الدكتورة 50% والطالبة 50%

آسفة على الإطالة وأتمنى للجميع التوفييييييق ...

[baroo,A]

ممكن رايكم ب، د. ناريمان علي
تعطي بيولوجيا خلية
وشكراً