سؤال بسيط..اتمنى الإجابة

[بنت العسكري]

السلام عليكم...صباح الخير
كيفكم بنات؟؟و الله وحشششني المنتدى من زمان عنه,مررة انشغلت الله لا يشغلنا إلا بطاعته!

لو سمحتوا يا بنات ابسألكم الحين أنا زواجي قريب هل أأخذ في شنطي مكوى عشان لما ابغى اكوي..و إلا الفنادق تتوفر في اجنحتها هالاشياء؟؟لانو بصراحة ما اعرف و كمان استحيت اسأل خطيبي


صح انو كويت ملابسي و حطيتها في الشنطة لكن رح يسير فيها شوية تكسير

[لوحة مفاتيح..]

اهلين حبيبتي
اول شي الفدالف مبرووك والله يتمملك ع الف خير
بصراحه بالنسبه لي مااخذت معاي وندمت كثير كانت متوفره الخدمه في الفنادق بس كانت زحمه وتطلع بعد يومين احيانا او بعد 24 ساعه وندمت مراا انو مااخذت معايا وبعض اللبس مالبسته لانو اصلن ماكنت فاضيه اكويه :p
للعلم.: انا اتكلم عن الفنادق في تركيا
هنهنا ماعرف والله ..
بس نصيحه خوذي معاك اذا خايفه تتورطي

[Patricia]

أهلا..

ايوه حبوبة الفنادق توفر خدمات الكوي والغسييل بس عادة خلال يوم، وأوقات يكون في الخدمة السريعة خلال ساعات، بس إنتي ي حلوة عروووسة لاتعتمدي عليهم وعلى خدماتهم لأنك مش مضطرة في سفر مثلا ولا هو حلو شكلك كمان وانتي جايبة البتاع وبتكوي في ملابسك احنا العرووسة كل ملابسها تكون معلقة بأكياس تعرفيها هاذي القماش اللي يحطوا فيها فساتين السهرات ولها سسته خصوصا حقت الأيام الأولى .. يعني كل شي مكوي وجاهز لها هي بس تلبس، عموما خلي أهلك لما يودوا أغراضك يعلقوها لك ويكووها زيادة بنفسهم إذا احتاجت ويخلولك الشنطة فاااضية ع أساس تحطي أغراضك بعدين فيها.. والله مو حلوة عرووس وتجلس تكوي

وألف مبروك زواجة الهنا ي رب ..

[مملكة عمري]

انا جمعت حق الايام الاولى وحطيتها في كيس اللي يجي بالسسته
حطيت مجموعة مع بعض وكان لونه غامق عشان الملابس ماتبين

مرة اسهل