مابعد التخرج

[battota]

مرحبااا عالكل ...انا الحمد لله الترم اللي راح اتخرجت بس الاودس لسا كاتب بالحاله مستمر بالدراسه ههههه نقرتين لعرض الصورة في صفحة مستقلة يمكن عشان من دفعه 10 واللي صار من تحويل وكدا وسالفه الاداري والعلمي ؟

وابغا اعرف الحين استلام الوثائق ان شا ءالله يوم 23 ربيع تاني ....بس حابه اعرف اش اسوي الان يعني متى اعمل اخلاء طرف اي يوم ؟وكمان ابغا اعرف متى اخد التوصيات ؟وبالعربي ولا انجلش وهل تكون جاهزه عندهم الورقه ولا ككيف ؟ياريت تفيدوني ...

هل فيه اختبار لازم اعملووو مهم زي مايقولوا الكفايات ؟ولا مو لازم

ومتى يسحبوا البطاقه تبعت الجامعه وكيف اقدر ادخل الجامعه بعد مايسحبوها ؟

واخر شي حابه اعف متى توقف المكافئه؟

سوري طولت عليكم بسس بدي رد :(

[white rose]

حياك الله اختي راح افيدك من خلال اللي اعرفه

تروحي على عمادة القبول والتسجيل يوم 23 وخاصة الى المركز الشامل داخلها وتاخذين ورقة اخلاء طرف لطالبات الانتظام من الاستاندات هناك وبعدها تكتبي بياناتك باول مربع بعدها تروحي على الشئون التعليمية بكليتك وكمان المكتبة المركزية واخر شي شئون الطالبات كلهم يوقعون لك ويختمون الاخلاءوبعدها ترجعين الى العمادة الى صالة المركز الشامل وتتوجهين الى وحدة الوثائق والمستندات شباك 7 .. تقريبا اول ما تدخلين الصالة على يدك اليمين مباشرة تلاقين الشباك وتوقعين اخر بوكس الاقرار بالاستلام وبعدها تسلمي الموظفة بالشباك: الورقة المختومة + بطاقتك الجامعية وراح تسلمك الموظفة الوثيقة وتسحب بطاقتك الجامعية ..

وبعدها صوري وثيقتك وارجعي اختمي الصور من الشباك اللي استلمتي منه الوثيقة تقريبا خذي خمس صور واختميها منهم وبعدها تروحي على قسمك وتشوفي المواد اللي تكوني اخذتي فيها اقل شيء بي بلس وتطلبي من كل دكتورة خطاب توصية وهو افضل لانه ينفع لك لو حتكملي ماستر برى المملكة وطبعاً يكون انجليزي لو حتكملي برى السعودية وعربي لو حتكملي داخل السعودية او تعبي لك نموذج التوصية وهو اسرع لكنه بس يفيدك بجامعات المملكة فقط واهم شي اي خطاب او نموذج توصية ينختم من سكرتارية القسم ضروري هالخطوة ،،

-الكفايات والقدرات حسب الجامعة اللي راح تكملي فيها الماستر ايش تطلبك بالضبط عشان التخصص فارجعي شيكي على كل جامعة تبغيها وهيا تفيدك

-والدخول بعدها يكون بالوثيقة الاصل + الهوية الاصل


ما عندي خبر عن المكافئة بس هيا تتوقف بمجرد ما تخلصي الاختبارات وقبل لا يبدا الترم الثاني فما عندي معلومة اذا حيعطوكم شهر 3 او لا استفسري من الشئون مكتب المكافات هما عندهم الخبر الاكيد

موفقة :-)

[battota]

مشكوررررررررررررررررره