سؤال عن مادة مبادئ اداره عامه

[MS.Fabulous]

مرحبا بنات
انا فكرت احذف الريدينج واضيف بدالها مبادئ ادارة مدري اذا لسه في مجال بس حروح للمرشده وان شاء الله ينفع صراحه مررررررة مااقدر اقعد مع مس عايشه مني فاهمه شي منها شرحها جدا سيء
واحس اني تورطت معاها
وابغى اسال كيف مبادئ الادارة؟؟؟؟؟؟؟؟ وكيف استاذه عاليه؟؟؟ وتنصحوني احطها
لاني مررررة احس اني ماراح امشي مع مس عايشه
ساعدوني بليييييييييييز الله يعطيكم العافيه

[joudy Abbout]

هاااي حبيبتي

حاولي ماتحذفيه صدقيني هو الــpower دايما كذا مايتفهم الا بالممارسه

وبعدين حبيبتي الريدينق ليه متطلبات فحطي ببالك هذا الشي

انا كنت بحذف ليسن وبعدين فكرت حسيته صعععبه احذفه

وليه متطلبات شوفي انتي كم متطلب للريدينق1 واذا مارح يزيد

عليك ترم استخيري واحذفي بس مس عائشه يقولوا اسئلتها كويسه

ونا معاك انها مرره نوووم بس اش نسوي نصيب

والله مافي احسن من سحر المديهيم الله يسعدها

الله يوفقك وبلغيني اش يصير معاك

[N O R E T A]

رحت اليوم لمرشدتي الأكاديميه قلتلها ابى احذف الريدنق قالت قفلو الحذف خلاص :(

ومن جد الماده لاااااااا تطاق مع مس عائشه

..

مبادئ اداره ما اظن في غير استاذه عاليه

الماده دش وطبعا تعرفين كيف تكون المحاضره كله قراءة من الكتاب وتقول معلومات من عندها تقول سجلوها

والاختبار ح يكون موضوعي

[MS.Fabulous]

امممممممم
مين مرشدتك انا مع نورة
وفكرت كثير بس لسه محتاره المشكله انها مادة لها متطلب
الله يكتب اللي فيه الخير بس
مشكورين حبيباتي الله يعطيكم العافيه
الله يوفقنا اجمعين

[N O R E T A]

مرشدتي سوسن الجحدلي

انا احس مقدر على هالماده دحين ما عندي حصيله كلمات جديده تنفعني

افكر احذفها واقوي لغتي ويسير احطها .. يزيدلي ترم ولا ينقص المعدل اكثر من اللي نقصو الترم اللي فات

شوفي يا عسل لو شفتي في امكانيه للحذف قوليلي لانو اليوم لما قالتلي مافي حذف شويا وكنت ح ابكي