حوسة التخصصات ×_×

[ALFN]

سلام ياححلوين

دحين انا انسانة حايسة نفسيا وجسديا وكل شيئيا

نزل اعلان حق عمادة القبول انو نروح الجامعة . صح ؟

طيب هما ماحددوا كليات اتكلمو بشكل عام

يعني الكلام للكل مو كليات مععينة ..

كلية العلوم راحو وعبوا استمارات < اي وحده علوم راحت ياليت تكلمنا اش صار معاها

والتربية راحو وعبوا استمارات < برضو اي وحده تربية تقول اش صار معاها

مين جلس فيها ؟

الاداب :) !!!!!!

امس راحو بنات قالو انتظرو يفتح اليا !!

وانا خايفة يكون فتحوهه من عندهم وتروح علينا مقاعد

جاني خوف غريب

بالله اي وحده اداب راحت تقول اش صار معاها بالتفصيل المفصل

_

و اي وحده عندها معلومة عن الهرجة كلها
حقت التخصصات والاعلان والرغبات اليا ياليت تفيدنا ,

يلا انططلقو

[HIGH]

وعليكم السلام ورحمة الله ، انا تربية ورحت امس اعطوني ورقه اكتب فيها الاسم و المعدل و الرقم الجامعي واختار الرغبة و اوقع ، بس ..

بالتوفيق

[suliman az]

انا قالو لي اراجع الكلية 11 شوال مدري اذا انتم ي البنات مثلنا ولا لا

كلية الاداب طبعا

[eaudemoiselle]

و عليكم السلام،

قرأت كلام كثير، لكن الخلاصة أن البعض يقول بأنهم ذهبوا و رتبوا التخصصات و البعض يقول بأنهم ذهبوا و قالوا لهم بأن التخصيص سيكون آليا في الأودس!
و الأستاذ/حسام الجهني في تويتر كتب بأن الإعلان لمن يواجه مشاكل في التخصيص، و بأنه من الممكن التوجه للكليات الآن لكن لا بأس لو انتظرنا للعيد!
قرأت أيضا أن تحديد التخصصات في الأودس سيكون بتاريخ 28 رمضان، أرى بأن ننتظر و نرى ما يحدث!
و لعلهم لم يفتحوا أيقونة التخصيص لنا لأن الدراسة ستبدأ 25 شوال، يمكن يبغوا يروقوا و يعيدوا و بعدين يفضولنا ؛)
و إن شاء الله ما علينا خلاف، نستنى و نشوف =)

[ALFN]

يسلمو ع المرور

انا كمان سمعت انو 28 حتفتح

واتوقع بما انو الاداب تخصصات كثيرة حتفتح اليا ..

_

الله يسهل لنا "(

[بدور.]

وعليكم السلام ورحمة الله
أنا رحت اليوم الجامعه وبحكيكم بالتفصيل المفصل زي ما تبغو

أول حاجه رحت كلية الآداب وسألت عن التخصصات قالولي إنو رح تفتح في 6 شوال .
وصحبتي كمان راحت كلية الاقتصاد والإدارة قالولها إنو كل شي حيكون عن طريق النــــــــت
يعني حتى كلية الآداب يمديكم تتخصصوا عن طريق النت ويمديكم كمان تراجعوهم في شهر شوال
حابين يوم 6 أو 11 شوال زي ما قالوا للبعض منكم
وكمان كلية الاقتصاد قالو انو لو فتحت التخصصات رح تطلعلكم أيقونة في الموقع بس ما أعرف فين بالضبط

وبس هذا هوه اللي حصل اليوم
إن شاء الله ربي يسهل للجميع

[ريتاج666]

الله يسعدكم ويطمنكم جميعا .. لاني كنت حروح

[نحو التميز]

المشاركة الأصلية كتبت بواسطة high وعليكم السلام ورحمة الله ، انا تربية ورحت امس اعطوني ورقه اكتب فيها الاسم و المعدل و الرقم الجامعي واختار الرغبة و اوقع ، بس .. بالتوفيق

وانا مثثلك
الحمدالله

[Razan Sharaawi]

وعليكم السلام

انا امس رحت الجامعة بعد ما شفت الاعلان
ايش اقول بس حسبي الله ونعم الوكيل
رحت العمادة قالولي روحي الكلية الي تسكنتي فيها
رحت كلية الاداب قالولي الاجراءات حتتم عن طريق الاوديس
خلال الايام الجاية باذن الله
ف ما تروحو الجامعة ولا تتعبوا نفسكم
بس شيكو كل يوم في النت وان شا الله خير

[RoOje_]

طيب الأوديس من خيارات التسكين و التحويل ؟!