حبيت استشيركم يا دكاتره عن افضل طريقة لانقاص الوزن [ عنوان مخالف تم تعديله ]

[Dr.Passed]

السلام عليكم ورحمه الله وبركاته ورضوانه

كيف حالكم جميعا طيبين ان شاء الله..؟

أريد ان استشير البعض في اشياء تخص الصحه .. ان شاء الله تكون عندكم خبره في هذا الموضوع

دحين انا باتبع رياضات و باسوي ايروبكس مع نفسي ويوميا بامشي بره ازا ما كنت مضغوطه في المزاكره وحركيه دايما

اول شي انا مع الهم و المزاكره دحين سايره اكتر سكر كتيروانا كمان اشرب مره كتير..من جد ماشاء الله اشرب كتير في اليوم اشياء و انا بازاكر...عشان تعرفو السكر ينشط...بالزاد في الليل وللأسف مع العاده السيئه دي من بدايه السنه الى الان زدت عن وزني 3 كيلو و اتأكدت من الميزان مو خربان ..

المهم انا مخوفني اني زدت الزياده الجميله دي في وقت مره صغير..مع العلم اني انا اكلي كلو مفيد وصحي دائما..بس الحلى و السكر الأيام دي زاد مع الهم و الضغط اظنكم فاهمين قصدي..المهم وزني زاد ولازم ال3 كيلو دي ترجع تنزل في اسرع وقت...بس انا كمان ابا انحف زياده من عندي شويه

كلمت المس تبع الرياضه الي كانت تدينا في المدرسه قالتلي "لشو حبيبتي ما بينفع هيك تعملي بحالك مو لازم.." ما فادتني

فأنا احتاج الإستشــــاره في التالي:

أنا ابغا تدريجيا اشد واخلي الشكل العام رياضي اكتر من خسر الوزن يعني ابغا اشد..( طبعا 3 كيلو دي لازم تنزل)

السؤال الأول:

اقدر احاول اشيل اكتر من كيلو كبنت ولا بعدين فجأه الاقي عضلات زي الأولاد؟ ايش الوزن المناسب؟

ألسؤال التاني:

قدي ايه ضربات القلب لازم تكون عشان ما ادخل في الكارديو؟ و السرعه لازم تكون على كم؟ الكارديو بطال عليا؟؟؟ لازم اكون مره رياضيه ومتمرسه كتير عشان اسوي كده؟

السؤال التالت:
ايش في تمارين للبطن اقدر اسويها غير الي احنا كلنا عارفينها؟ عشان انا مسويه عمليه و من يوم ما سويتها سرت ما اقدر احرك العضلات زي اول مؤلم جدا؟؟ ( حتى التعلق ) و السباحه تعرفو تاخد كتيييييررر وقت و المسبح ما يفتح غير الساعه 6 و على بال مانروح يكون نزل الليل و محد يبغى يسبح و اخاف اسبح في اليل لوحدي فصعبه ازا امداني يوم واحد في الاسبوع وتعرفو لازم الاستمرار ماينفع كده ...وبعدين مافي وقت اصلا

----

و بالنسبه للأكل ابغا اعيش على السلطات الين ما انزل الكيلوات الي زدتها

غير كده ....انا ما اعرف ايش الحكايه اكلي مرررررره صحي طول عمري خضار + بروتين بس عندي الهيموجلوبين نازل و الفيتمينات و الكالسيوم احتاجها ...و الدكتور بيقولي اني ما بأخد بروتينات زي الناس مع اني ما اتوقع

دحين باخد يوميا الحبوب دي اخاف تخرب على الي ابا اسوي دحين

caltrate with vitamin D
Feroglobin
Vitrite - multivitamin & minerals with iron
وباخد حديد يعني حبوب تانيه و فوار
وال stress tablets


هادي ماتزيد الوزن؟


ياريت تجاوبو على كل الأسئله وازا عندكم نصائح كمان ياريت تفيدوني

شكرا

[د. أسامة]

نصيحة، روحي لطبيبــ/ــة تغذية أحسن لك،
ما في أحد يقدر يفيدك زي الطبيب المتخصص مهما كان :)،

بالتوفيق..

[Dr.Passed]

المشاركة الأصلية كتبت بواسطة د. أسامة نصيحة، روحي لطبيبــ/ــة تغذية أحسن لك، ما في أحد يقدر يفيدك زي الطبيب المتخصص مهما كان :)، بالتوفيق..

محد مؤيد الي ابا اسوي عشان كده يقولو ما يحتاج فمحد حيوديني فإمكن في احد عندو خبره مجرب شي يقدر يقولي =) ابا استفسر عن دي الأمور مهمه بالنسبالي

[الامل المنشود 2010]

السلام عليكم،،،

أهلا دكتورة باسد

طبعًا في طرق كثير لإنقاص الوزن منها الأكل الصحي والخضار والإكثار من شرب الماء،،

طبعًا الإكثار من تناول السكريات تسبب زيادة في الوزن،،

شرب الماء بكثرة شي مفيد بالذات كمان اننا في دولة صحراوية،،

بالنسبة للتمارين أنا أفضل إنك تستشيري طبيبة مختصة بالتغذية ،،

كمان انتي مسوية عملية وإمكن التمارين الخاطئة تأثر على صحتك،،،

منورة المنتدى،،،

[Dr.Passed]

الله يسلمك دكتور أنا اكلي صحي ما شاء الله من غير شي بس مشكلتي الفتره الأخيره ما اعرف اشبي على السكر مع اني في العاده كنت اشرب كل حاجه من غير سكر...كنت افضل كل شي من غيرو والاكل العام مفيد جدا وانا ما اخبص جنك فوود أبدا ما احبو اصلا....حتى اللبانات ما اكل اصلا عندي فوبيا من اللبان...يعني يومي كلو انتبه مزبوط ايش باكل بس الي مخرب عليا السكر الفتره الأخيره وانا حعالج الموضوع بأني بس حعيش على سلطه حتى بروتين ماحاااخد بس ما اعرف ازا دي الحبوب الي باخدها تزيد ولا لأ ما اعرف عن النقطه دي وكمان بالنسبه للتمارين دا شي لازم بس أنا ابغى حاجات مجربه

الجري كم دقه لازم ؟؟؟ عادي ازا دخلت في الكارديو ولا خطر ؟؟

اهلي مو شايفين انو دا كلو ضروري عشان أشوف دكتور في الموضوع بس يعني حلو الإهتمام كمان
وانا كمان ما ابغا انحف داكا النحف بس ابغا اكون صحيه ورياضيه واشد مره و اسوي عضلات شويه زي كده

كمان ما اعرف ازا اي احد يعرف الملح يحبس السوائل في الجسم هل زياده في شرب المويه يكسر القاعده دي ؟؟

مع العلم ( بالله قولو ما شاء الله) اشرب 5 لتر في اليوم ازا مو اكتر كده أوكي ؟؟؟ اقدر أخد ملح على كيفي؟؟ ول 5 لتر تنحبس في الجسم و اتخن ويوم بعد يوم يسير بحر جوتي ؟؟

لمن اكتر المويه يروح الملح ولا برضو مافي حل الملح لازم يتقلل حتى ازا زدت المويه مافي فايده؟؟

[miss you]

في دايت صحي بس حقيقة ماجربته

الي هو ماتاكلي الا تمر وتشربي لبن

[Dr.Passed]

دكتور دا شكلو يجوع مره و بعدين أنا ما اكل تمر ولا اشرب لبن =(

[Dr.Passed]

يا بنات تعرفو كم كيلو اخر شي مسموحلنا نشيل ؟؟

[miss you]

كنت اراجع المركز السعودي الصيني
وله 3 فروع بالرياض والدمام وجدة

وكنت انحف بالاسبوع 3 كيلو

وبرسل لك عنوانه بالخاص

[أبوهمام]

أنا شفت الموضوع وقلت أدخل عشان أشوف جديدكم في الحميه

عمومآ طالما إنك ماشاء الله عليك أكلك صحي وتمارسي الرياضه ومشكلتك الوحيده في السكر

ليش ماتستخدمي سكر الفواكه أو بالمره تىخذي شي إسمه زيرو شقر ينباع في الصيدليه بحدود 22 ريال

والعلبه تكفيك من أسوعين لثلاثه.

وموفقه