ارجوكم لاتطنشوني(نقلة في طريق تعليمي)

[كافور]

السلام عليكم
ماني عارفه كيف ابتدي لكن بتكلم كل مافي خاطري من غير ترتيب لاني بجد متوتره وقلقانة
بعد ماتعبتكم معي بجدولي ماقصرتوا طبعا دائما معي ماتقصرون الله يجزيكم خير
لكن انحذف هذا الجدول ابو 18 ساعه
لاني قدمت طلب اني احول انتظام
فاشترطت الاداره اني اعتذر عن هذا الترم حتى ماينزل معدلي وبعدها مايصير عندي امل اني احول انتظام
وقدمت اعتذار خلاص الترم الجديد ابدأ ترم خامس انتظام لا وبعد تغير تخصصي غصب عني لان معدلي مايسمح لي اكمل فيه لازم فوق اربعه علشان اكمل اداره اعمال
فقدامي التخصصات التاليه محاسبه /اداره عامه/اقتصاد مسار نقود وبنوك/اقتصاد مسار اعمال////محتاره ايش رايكم ايش اتخصص اللي يعرفون شيء عن تخصص الاقتصاد كيف هوووووو
تكفووووووووووووووووووووووووووووووووون يابنات تكفون

اللي بقوله انا ليش طلبت احول انتظام؟؟هل فيه فرق بين الشهادتين؟؟يمكن علشان قالوا ان شهاده الانتظام احسن؟؟من متاكد من هالمعلومه؟؟
انا ليش موفرحانه ليش خايفه ليش حاسه فيه غصه بقلبي مانعتني افرح؟
يابنات الانتظام ماابيكم تجاملوني وتطمنوني بالسهوله لالا
بعرف بكل صراحه كيف الدراسه كيف الامتحانات
هل ياترى لهم طلبات صعبه غير الحضور؟؟
ادري طولتها ارجوكم تحملوووووووووني ولاتهملووووووني
ارجوكم كل من لديه فكره ومعلومه يقولها مشكوراااااااااااااااااااااا
لاتخلوني اشيك على الموضوع دون جدوى الله يرفع حظكم انا احس اني تااااااائهه
شكرا لكم

[loletaaaaa]

السلام عليكم
اهدئي عشان تقدري تفكري
مممم
شوفي ياستي الاقتصاد مره حلو ولي مستقبل كبير لانو لسه دوبهم حاطين في مسارات اقتصاد اعمال وتامين
يعني شي جديد في السوق السعودي
بس صعب
لانو كلو حسابات زي ماشفتي الجزئي والكلي بس ده طبعا على اتقل
لانو مواد تخصص
شهاده الانتظام اكيد اقوا وانا متاكده من الخبر
ده لانو الانتساب تتخرجي ببكالوريوس منتسبه بس الانتظام انتي بتدوامي كل يوم
ومدام انها اتيسرت ليكي لاتفوتي الفرصه

بالنسبه لخوفك طبيعي لانو سارلك 4 اترام سنتين من حياتك تروحي الجامعه بس 3 اسابيع وفجاه حتروحي كل يوم ومجتمع كبير وووو الخ من الكلام الي تسمعي عن الجامعه ومشاكلها وتعقيداتها وبناتها

ممممم
كيف الدراسه
اختبارات نوعا ما كويسه بس حسب انتي الدكتوره الي راح تختاريها
لانو في كتير تصحيحهم دقيق اسئلتهم صعبه الى حد ما
ده الشي مايحتاج اكلمك عنو لانو شفتي وانتي منتسبه

الي حيزيد عليكي تكاليف وبحوث وبرزنتيشنز و واجبات
يعني مسلا كنتي تختبري 100 وبس
دحين لا 40 فاينال
20 اول 20 تاني
مسلا 5 واجبات و5 حضور و10 بحث

وعاد شوفي الخسف في درجات البحوث والاشياء دي

هو ميزتو انك تداومي كل يوم وتفهمي المحاضرات ويكون اختباراتو اكتر من الانتساب
بس من ناحيه الواجبات والتكاليف مره ارهاق
وطبعا مافي شي بالساهل

ازا حابه تسالي اي شي تاني وفي فبالك قولي وان شالله نكون معاكي

الله يوفقك ويختارلك الخير

[كافور]

وعليكم السلاااااااااااااااااااااااااااااااام
حبيبتي لوليتا
هلاومرحبا
والله تسلمي ماقصرتي الله يجزيك كل خير ويوفقك
مممممممممم
مشكلتي بالحسابات لازم مدرسين خصوصي او اني اتخصص اداره عامه وهذا التخصص ماابغاه ابدا
بس ان ربي سهلها وكتبها خيره ان شاءالله بتخصص اقتصاد نقود وبنوك
مادري الله يعيني
المشكله اني عندي بنوته عمرها سنتين ماني عارفه وين اوديها
موعارفه اي حضانه كويسه ورسومها حنينه>>>بكتب قصيده
ياليت الاقي افاده
والف شكر لك عزيزتي
وياليت الجميع يشاركني بما لديه
تحياتي للجميع

[loletaaaaa]

مشكلتي بالحسابات لازم مدرسين خصوصي
اتوقع لمن كنتي انتساب بس انتظام غير لانك تحضري ويشرحو كويس حقون الاقتصاد مره فما يحتاج مدرسين ابدااا
وبالنسبه لبنتك الله يحفظها ليكي يارب
في حضانه الجامعه
اتوقع انها من غير رسوم مو متاكده لاني مااهتميت بالموضوع

ياريت احد يفيد الاخت كارفور ازا عندو فكره عن حضانه الجامعه

الله يوفقك واميييين على دعواتك

[كافور]

تسلمين حبيبتي الله يعافيك ويوفقك ويفتحها بوجهك
ريحتيني والله وانا بروح الجامعه اسئل عن الحضانه وان شاءالله تساهيل
لكن وين الناس معقوله محد عنده اي شيء يقوله لي