التسجيل في التأهيلي واستفسار عن سهولة بعض المواد الرجاااء الدخول

[ريم الفيصل]

السلام عليكم ورحمة الله

أخواني واخواتي بغيت أسألكم لازم التسجيل في الدورات التأهيليه ولا راح نقدر نحضرها زي كل سنه من دون تسجيييييل ؟؟



أنا مستوى سادس ونزلت لي 6 مواد

أساسيات المحاسبه الإداريه

أساسيات الإداره الماليه

الثقافه الإسلاميه 4

التعويضات والمزايا

الإداره الإستراتيجه للموارد

إدارة الأداء



بغيت أسألكم عن ::

التعويضات والمزايا

الإداره الإستراتيجه للموارد

إدارة الأداء

كيف هذي المواد من ناحية السهوله وهل هي مواد علميه حساب ومعادلات ولا نظري

وهل اقدر اخذ ال6مواد بالسهوله بالرغم ان عندي طفله صغيره


شااااكره لكم

[King Oma]

حسب علمي ما يحتاج ..

[خالد بن فهد]

السنترا بالنسبه لنا كطلاب.. مايحتاج تسجيل..

والدخول برقمك الجامعي ورقم الهويه بدون اول رقم..

وبالنسبه للطالبات.. اظن نفس الشي.. مجرد تغير في وقت بداية السنترا لكم

[مجاريح]

نفس اللي قالوه السنترا بدون تسجيل الا اذا اعلنت الكلية شي بالايام الجاية ..
المواد اللي ذكرتيها نظرية بس رأيي 6 مواد كثير لان بالضبط شهر بين السنترا والاختبارات النهائية ..

[ريم الفيصل]

الله يسعدكم جميعآ ماقصرتو


طيب مجاريح وإللي أخذ هذي المواد وش تتوقعون أصعب ماده من الثلاثه هذي
عشان أحذفها

التعويضات والمزايا

الإداره الإستراتيجه للموارد

إدارة الأداء

شااكره لكم

[مجاريح]

كلها والله سهله وتتشابه وماافضل تحذفين مادة تخصص عشان لايصير الترم الجاي عندك مادتين بيوم
ممكن تحذفين ثقافة

[ريم الفيصل]

الله يسعدك طمنتيني عن سهولتها
المحاسبه والاداره الماليه اجلتهم كذا مره فماعاد ودي أأجلهم أبي أفتك


بس ثقافه ماودي احذفها لانها سهله ومن الترم الماضي احاول انزلها وماقدرت لانها كانت تعارض بعض المواد

الظاهر باخذهم كلهم واتوكل ع الله


الله يسهل أمرك ماقصرتي