بخصوص منح عمادة الدراسات العليا

[زهر البيلسان]

السلام عليكم

اللي بنعرفه كلنا ان الكراسي المتاحة للقبول في كل قسم بإعداد معينة

واللي بنشوفه ان الجامعة عامله منح لغير السعوديين مجاااااااااانية

هل قبولهم في هالمنح يأثر على أحقيتنا كمواطنين من الاولى ان تكون المقاعد لهم ؟؟؟؟؟

شو هالظلم الغير سعوديين تقدم لهم المنح الدراسية والسعوديين يدفعون مقابل الماجستير الخاص مبالغ تتجاوز ال 88 ألف


خمس سنوات من المحاولات للحصول على فرصة لدراسة الماجستير بمعدل جيد جدا مرتفع وكل المحاولات تبوء بالفشل

ولازم نضطر للماجستير الخاص ؟؟؟؟؟بمبالغه الخياليه !!!!

ليه مايكون فيه منح تقدم للسعوديين لدراسة الماجستير الخاص بالجامعة وفقا لشروط معينة مقارنة بالاجانب؟؟؟

وين العدل والانصاف ؟؟؟؟؟؟

[بيو كيميائية ^_^]

أعتقد إنهم ما يدرسون مجانًا دولهم تدفع لهم بالطبع

و ترا فيه شغلات كثير ما يحصلون عليها مثلًا الدعم الأولوية للسعوديين فيه مجال أعطوهم مافيه لا

مافيه أي ظلم و مقاعدهم ما تأثر على مقاعدنا و هذا إحنا السعوديين نروح ندرس في بلاد ثانية ليش ما نرضى غيرنا يدرس عندنا

و ترا عدد الأجانب ما يجي شيء قدام السعوديين

الماجستير الخاص فيه برامج فيها منح داعمتها الوزارة و برامج لا

حاولي تشدي حيلك في القدرات و تجيبي في التسعين عشان تضمنين القبول

بالتوفيق

[زهر البيلسان]

اسمها منحة يعني مجانا وبدون أي مقابل واعتقد الدولة اللي مقدمه لها هالمنحه اخر همها مواطنيها
واحنا لما ندرس برا الدولة او الشخص نفسه يتكفل بدراسته ماديا يعني مقارنتك مالها اساس من الصحه
والمضحك جد ان الغير سعوديين بالاضافه للمنح غير مطلوب منهم اختبار القدرات يعني قبول سهل

[اسم الوردة]

بالنسبة للمنح اي جامعة معترف فيها يشترط يكون فيها طلاب اجانب

بالمقابل السعوديين يدرسوا في الجامعات العربية والاجنبية ما احد طالب بطردهم واعطاء فرص لابناء البلد

لان الكل عارف خصوصا في المجالات الاكاديمية البقاء للأفضل

والشيء الثاني نسبة غير السعوديين ما تتعدى 2% في الاقسام العلمية فقط ويتطلب فيها اختبار مفاضلة مو قدرات مثل ما ذكرتي

ياليت توسعي افقك وتحاولي ترفعي من نسبة قبولك بدل الللطم

[بيو كيميائية ^_^]

عارفين إن اسمها منحه بس ايش دراك إن دولهم ما تدفع لهم

مثل ما إحنا نبعث الطلاب و الدولة تدفع كل حاجة لهم

بعدين هم حتى لو جاهم القبول مو على طول يبدون دراسة سالفة طويلة لازم تجيهم موافقة من الوزارة و إذا ما جاتهم ما يدرسون الموضوع مو سهل مثل ما تفكرين

و كلهم يدخلون معانا في اختبار المفاضلة

بدل ما تجلسين تقولين ظلم و تحسدين هالكم شخص الأجنبي اللي ما يجون حتى 10

خليكِ صادقة مع نفسك و شوفي درجاتك في القدرات و حاولي تجيبي أعلى و بتشوفي نفسك أكيد مقبولة و ماحد يأخذ مقعد أحد أصلًا كله رزق

الماستر مو مثل البكالوريوس الماستر تنافسي جدًا و المقاعد محدودة

أنتِ معدلك كويس لكن أكيد النقص عندك في القدرات

فطوري نفسك و إن شاء الله تنقبلي السنة

[رورو احمد]

وليش دخل الأجانب بقبولك ؟!!ً

هو حسد وبس

اختي الفاضلة نسبة قبول الأجانب قليلة جدا وفي تخصصات محدودة و بشروط كتيرة.

انشغالي بتطوير نفسك بدلا من استكثار الخير على الآخرين

[زهر البيلسان]

ماني بحاجه نصائحكم اولا وثانيا اختبار القدرات و المعدل مو العقبات الوحيدة
الموضوع أولويات..نزاهة..آمانة.. وخلل اداري وتعليمي

[وسام الامان]

المشاركة الأصلية كتبت بواسطة زهر البيلسان ماني بحاجه نصائحكم اولا وثانيا اختبار القدرات و المعدل مو العقبات الوحيدة الموضوع أولويات..نزاهة..آمانة.. وخلل اداري وتعليمي

والله صحيح كلامك يازهرة المعدل مو العقبة الوحيدة ,اهو اانا اختي معدل عالي ودورات وخبرات ولغة انجليزية مستوى عالي ماشاءالله ولا انقبلت الا هالسنة رغم انها لها اكثر من عشر سنين متخرجة في حين قبلو اللي اقل منها بكثيييييير .
وانت بإذن الله شيدي حيلك وشوفي جامعات ثانية افضل ولا يضيع الوقت وربي يوفقك

اللهم صل وسلم على الحبيب محمد

[اسم الوردة]

المشاركة الأصلية كتبت بواسطة زهر البيلسان ماني بحاجه نصائحكم اولا وثانيا اختبار القدرات و المعدل مو العقبات الوحيدة الموضوع أولويات..نزاهة..آمانة.. وخلل اداري وتعليمي

معيب طالبة تطمح انها تكمل دراسات عليا يكون تفكيرها محدود زيك


طالعي ابعد من طرف أنفك و اصلحي نيتك يصلح الله حالك


ع الهامش: لو هالموضوع حيساعدك تنامي اريح في الليل قسمك وأي قسم ادبي ممكن تنقبلي فيه ما راح ينافسوكي فيه اجانب لان مو مسموح لهم يقدموا فيه

[زهر البيلسان]

وسام الامان اكتفي بردك وتجربتك الواقعية والتي تتكرر مأساتها كل عام
اما الجمل المثالية الموضوعه لاتجدي و لا تعني الموضوع الاساسي في شيء
نكتفي بالقول بوجود خلل اداري وتعليمي من الجهل ان نتغاضى عنه بمثالية لا واقعية