إلى محبي رياضة الغوص...

[Diver]

أعزائي أعضاء المنتدى..

السلام عليكم ورحمة الله وبركاته..

أكيد إنه كل رياضة ولها فريق و جامعتنا الموقرة وفرة كل الدعائم لكل الرياضات إلا رياضة الغوص

لأنه مافي فريق غوص في الجامعة , و أتمنى من كل الغواصين التواصل عشان نكون هذا الفريق , و لاتنسوا إنه
ا
لجامعة ح تدعمنى بكل الوسائل المادية و المعنوية و أكيد و أهم شيء الدرجات , و صدقوني كل رياضة و لها

طعم , بس اللي ما جرب هذه الراضة أكيد ما ح يحبها ...

مع أطيب تحياتي ..

[نجم الوفاء]

هلا أخوي Diver

أنا من محبي رياضة الغوص , واخذت دورة ( أوبن ووتر ) ( وأدفانس )
لكن ما استمريت فيها لأني ما لقيت قروب أنزل معاه ( يعتمد عليهم )
اللي كانوا معايا طفشوني بالتأجيل و عدم الإعتماد عليهم داخل البحر .( يسوو حركات عبيطة )

وبصراحه اتمنى إن الجامعة تتبنى هذة الرياضة
وان شاء الله نتواصل مع جميع محبي هذة الرياضة من خلال هذا المنتدى

أرق وأجمل التحايا
نجم الوفاء

[sam01]

وانا برضو معاي رخصة اوبن واتر واخدت الادفانس بس الرخصه ماجات وهذه الشي كنت افكر فيه نصير كاي فريق مثل فريقة كرة القدم احس رياضات الغوص مهمله في السعوديه وماعرف ايش السبب وشكرا لكم

[Diver]

نجم الوفاء و sam01
السلام عليكم و رحمة الله و بركاته
أكيد و مايخفى عليكم إنه في كلية إسمها علوم البحار , هذه الكلية تدرس مادتين في الغوص هيا غواص مياه مفتوحة و الأدفانس و أكيد في مدرسين لهذه المادتين عشان كذا أنا قاعد أسوي المستحيل عشان أوصلهم بس المشكلة هيا إني لاعب في النادي وكل خميس ح تكون عندي مباراة يعني أحتاج مساعدتكم ...
وأنا أعرف شباب من جده و من مكه في منهم يغوص في الشعيبه و في منهم يغوص في أبحر في مختلف الأماكن واللي حاب يطلع في أي يوم ممكن أنسق معاه و مع الشباب - أكثرهم من خارج الجامعة - , و لعلمكم أنا ما أخذت إلا دورة غواص مياه مفتوحة
بس زي ما قلتلكم وقتي في هذه الفترة ما يسمح ..
مع شكري و تقديري..

[x_bioc]

سلاااااااااااااااااااااااااااااام قايز

بما انكم فتحتو موضوع الغوص ... يا ريييت تفيدوني

انا نفسي اتعلم غوووص ... و سمعت انو في قسم علووم البحار في كورس غوووص

ما ادري ... طلاب الكيمياء الحيوية يقدرو ياخدو الكورس دا .... و بالنسبة لي وضعي

انا استنفدت الساعات الاختيارية الي مسمووح اعادل بيهاا .... ما ادري يسمحولي اخد كورس الغوص دا و يا ريت تدونا فكرة عننو .... كم ساعة ... و هل بالفعل الكورس يستاهل والا لاء ... و نقدر ناخدو في الترم الصيفي .... و بالنسبة لي الطلبة الناجحين في الكورس ... بامكانهم يطلعو رخص غوص ... و ايش نوع الرخص دي ... ممحلية او دولية ... و يا ريت تدونا فكرة عن اسعار الدورات خارج الجامعة و طريقتها ...

و سلامتكم