ابغى احول من ام القرى والتحق بقسم القانون كيف الطريقه ؟؟

[أتعبني غلاك]

سلام

كيفكم ؟ ان شاء الله بخير

بدخل في الموضوع على طول انا طالبه جامعيه في جامعة ام القرى وحابه احول لجامعة الملك عبد العزيز والتحق بقسم القانون بصراحه عندي رغبه من زمان بس ماتيسرت من البدايه اني ادخل المهم
انا حابه استفسر كيف طريقة التحويل ؟ وكم المعدل المطلوب ؟ وهل لابد اني ادرس من البدايه يعني سنه تحضيريه والاكيف ؟ بيحسبولي شي من المواد الي درستها في ام القرى يعني زي المواد العامه الي عندنا قرآن وثقافه ولغه عربيه والا مالها دخل في القسم ؟ الله يسعد الي يردلي انا مااعرف احد هناك اكلفه انه يسألي الله يسعدكم ساعدوني ابي رد في اسرع وقت

وان شاء الله الاقي منكم تجاوب مع موضوعي

[مولدي]

وعليكم السلام ورحمة الله وبركاته

الحمد الله بخير خيتو انتي كيفك

وياهلا فيك بجامعة الملك عبدالعزيز وان شاء الله نرحب فيك بقسم القانون

اختي انا حولت من جامعه ام القرى قبل سنتين

وكان لابد ان يكون معدلك 2 من 4

وتكوني ع الاقل درستي سنه دراسيه هناك

بالنسبة للدخولك للقسم بيكون اول شئ تجين جامعه جده ع نفس تخصصك الى بمكة

يعني لو كلية الاداب ع طول بتجين ع كلية الاداب وبنفس التخصص

وبعده ماتنقبلين يجي لك باخرى الترم التحويل للكليات

تطلبي تحويل لكلية الاداره والاقتصاد

وتختاري التخصص

وعلى فكره معادلة المواد تتعادل بس لابد فوق 70 درجة

وان شاء الله اكون فدتك لو بشي

[أتعبني غلاك]

يعني كمان ادرس نفس تخصصي مافي فكه بصراحه مافهمت ؟؟

ياليت توضح زياده او الي يدخل وفهم يفهمني انا ماابغى ادرس كمان نفس تخصصي مافي حل الاكذا ؟؟

ومشكور اخوي ماقصرت استفدت بس هذي النقطه بالذات مافهمتها ابغى توضيح اكثر وحاليا المعدل المطلوب عند البنات كم ؟؟

[مولدي]

اختي يعني لو كنتي بجامعة ام القرى كلية الاداب تنقبلي هنا بجده بنفس الكلية يعني آداب ^ اداب ولابد تدرسي ع الاقل ترم بعد التحويل عششان يجي لك نظام التحويل بين كليات الجامعه
وعن المعدل ماادري وان شاء الله يفيدونك الاخوات

[][..sMaA..][]

مولدي قصدو لو إنتي تخصصك في جآمعة أم القرى إعلآم مثلآ .. تيجي هنآ تكملي فنفس القسم ترم وبعدين تقدري تحولي للقآنون بس شرط يكون معدلك فوق 4 من 5 بعد الترم دآ
بس إنتي حآولي تسألي الجآمعة نفسهآ ..لأنو مع نظآم السنة التحضيرية الجديد هل حيخلوكي تدخلي بدون مآتدرسيهآ ويعتبروكي كأنك من الدفعآت القديمة أو يخلوكي تدرسي من جديد
لأنو الموآد المشتركة محآ تكون آكتر من ثقآفة وعربي
الله يسهلك