المنتديــات حياه اصعـــــــــــب

[المحقق كونان]

فكرة المنتديات فكره بسيطه وجدت لأجل الحوار والبحث عن المعلومه والخبر والفائده بشكل عام
ولكننا لو شفنا واقع المنتديات العربيه ما نلقى هذا الشي ابدا ، ادخل منتديات اجنبيه والاحظ انهم غير معقدين وبسيطين في كل شي ، حتى استايل المنتدى غالباً مايكون هو الاستايل الافتراضي وإن عدلو عليه تلقى تصميمه بسيط جداً .
لكن عندنا اعوذ بالله جميع الألوان تحصلها موجوده ونقش وزخارف وتموجات وتدرجات كنهم مفصلين فستان زفاف . وكل سنه يغير استايل المنتدى .

تبحث بقوقل تبي برنامج يدلك على منتدى ما ، تطلع لك الرساله الغبيه : عفواً انت غير مسجل لدينا
وكأن هالبرنامج حصري عندهم ماهو سايب في كل مكان
ولا بعضهم بعد ماتسجل الا يبيك تحط 200 مشاركه حتى تقدر تحمل .

تخيلو إن موقع YouTube عربي
أتحداكم إذا شفتو مقطع فيديو واحد إلا بعد ماتسجل وتشارك 10000 مشاركه


نجي للأعضاء ومشاركاتهم في المنتديات الغربيه الاحظ انهم مايهتمون بالتوقيع ابد ولا بالمسميات ولا بتعدد الأسماء الاداريه ، وحنا هنا يحطون اربع صور وبيت شعر وعبارة حكمه ويصفهم ورى بعض ، وكل شهر لازم يغير ويعدل ويبدل . وتنافس في عددد المشاركات وفي التميز ومسميات إداريه مدري وش تبي مشرف مراقب عام كبير المراقبين وكبير المشرفين ونائب المراقب العام ونائب المشرف العام
وفريق تطوير وفريق استشاره ولجنه استشاريه ، ولجنة تقصي حقائق خخخخ << هذي من عندي
وكل إسم من هالأسماء له لون يميزه .


برأيكم ليش معقدينها مع ان الله مسهلها عليهم ؟

[Diamond princess]

تبحث بقوقل تبي برنامج يدلك على منتدى ما ، تطلع لك الرساله الغبيه : عفواً انت غير مسجل لدينا
وكأن هالبرنامج حصري عندهم ماهو سايب في كل مكان ..

هذا اكثر شي يزعجني كل ماابي شي واكون مستعجله يقولي غير مسجل >> شي يقهر ..
باذن الله يتحسن الوضع وتصبح>منتدياااات حياة أسهل.
يعطيك العااافية .

[TURKI ALharbi]

المنتديات باختصار زي الاتصالات السعوديه
stc حياه اصعب

[دارس1431]

هلا بخوي حياك الله ^^

انا اشوف الشكل في المنتديات مهم ولو انا راعي منتدى كل شهر بغير شكلة ^^
لكن المشكلة في الرسالة (انت غير مسجل .....) صراحة مزعجة ^^
واللي يقهر بعض المنتديات ماتقدر تخفي الايقونة بتقعد قدامك لين تطلع من المنتدى غصب لانك ماتشوف شي اصلاً ^^
ولا احيان يكون فية شي مهم في المنتدى واسجل علشانة ^^
وتطلع رسالة ثانية (عفواً لايمكن مشاهدة المضمون الا بعد الرد ) ^^

اما التواقيع والميزات الاشرافية اشوفها عادية ومهمة علشان استقطاب الاعضاء^^

شكرا اخوي ^^

تحيتي

[قلبي أماراتي]

المحقق كونان الشكــل ليس باهميه الا اذا وصل الى حد مبالغ فيه وادى الى ثقل المنتدى وثقل التصفح فيه ولا الالوان حلوة ولكن ايضا هنالك الكثير من المواقع العربيه بدون زخارف لكن الاكثر عندنا هي منتديات ترفيهيه لذا يغلب عليها الزخارف صراحه هاي مشكله كبيرة نواجهها كلنا .. خصوصا يوم يكون عندي امتحان وابا شي ضروري ولازم اسجل وحوسه والله نتمنى ياتي اليوم الي يتغير فيه الوضع اما الاسماء والتواقيع اعتبرها حريه شخصيه لكل شخص ولكل صاحب منتدى تقبل مروري وننتظر مواضيعك الجديده في القسم وتقبل شكري

[نوره الغامدي]

السلام عليكم و رحمة الله و بركاته ’


ما يرفع ضغطي الا لمن يقول لا تظهر الصوره أو ما تقدر تحمِّل المرفق الا لمن ترد


اما بالنسبة للتواقيع و الصور الرمزيه , أعتقد انها حرية شخصية , انا مثلاً على حسب المزاج , متى ما حبيت أغير الصوره أو التوقيع أغيره , عادي :)


أممممم شكل المنتدى مهم جداً , يُمثِّل الانطباع الأول عنه , لازم صاحب المنتدى يهتم فيه , على حسب نوع المنتدى اذا هو علمي أو لأ ! و كل شي لمن يكون بسيط و ناعم من غير تكلف يطلع أحلى ’



//




الله يعطيك العافيه أخوي ^ـــــــــ^

[صوت الفجر]

طيب سؤال إذا سجلنا وش يستفيدووون ؟؟

مو انا باخذ اللي ابغاه وبطس ولا هم شايفين وجهي بعد كذا

’’

[oooyoooyster]

أخي المحقق كونان ...

كما تعلم بأن هناك العديد من المنتديات العربية ... ومن هذه المنتديات ستجد منها الغث والسمين ... ومنها ماهو ذو الفائدة وذو القيمة العالية ...

وفي الغالب ... أتوقع بأن المنتديات التي تفتقر إلى الإدارة الناجحة تقوم بربط الحصول على مايتضمنه المنتدى بإلزامية التسجيل فيه مع شرط الحصول على مستوى معين من الردود ... والمشكلة التي قد تصادف البعض هو أنك تجد بعد كل هذا العناء بأن رابط التحميل قد حذف أو أنه معطوب أو أن الصفحة لاتعمل بشكل صحيح !

فعن نفسي نادراً ما أقوم بالحصول على مصادري من المنتديات أو المواقع العربية ( إلا فيما ندر ... كالحصول على إسم البرنامج أو شرح له ) ...

وبشأن المنتديات الأجنبية ... في الحقيقة هناك بعض المنتديات الأجنبية لديها نظام صارم ولديها قوانين تمنع وجود أي متطفل لديها ... وسأتحدث عن عينة في مجالي الجرافيكي ... فمثلاً هناك منتدى مختص بمجال الجرافيك وله مكانته العالمية ( كون رواده ومشرفيه هم أساتذه وسادات الفن الرقمي ) ستجد بأنك لاتستطيع طرح موضوعك في قسم عرض الأعمال إلا بعد أن تقوم الإدارة بالإطلاع على محتوى موضوعك ورؤية أعمالك وتقييمها ومن ثم يتم السماح لك بعرض موضوعك في المنتدى أو رفضها ... ولهذا نجد بأن أغلب المواضيع التي يضمها هذا المنتدى هي مواضيع ذات قيمة عالية وذات أعمال راقية جداً ... وفي الغالب لايجد المتطفل أو من يسيء إستخدام المنتدى مجال لبث مشاكله وسيجد بأنه محاصر من قبل النظام ...

وبالمناسبة هذه فأنا لا أقلل من مكانة المنتديات العربية فمنها ماهو بمنزلة بعض المنتديات الأجنبية ومنها مايفوق بعضها ... ولكن أغلب ما أصادفه في المنتديات العربية هو هواية نقل المواضيع ونسبتها للغير ! والجري وراء التكثير في عدد المشاركات ظناً منهم بأنهم سينالون بذلك نصيب الأسد " الإشراف أو المكانة العالية عند مديري المنتدى ) ...

والله يكتب التوفيق للجميع ...

[المحقق كونان]

المشاركة الأصلية كتبت بواسطة diamond princess تبحث بقوقل تبي برنامج يدلك على منتدى ما ، تطلع لك الرساله الغبيه : عفواً انت غير مسجل لدينا وكأن هالبرنامج حصري عندهم ماهو سايب في كل مكان .. هذا اكثر شي يزعجني كل ماابي شي واكون مستعجله يقولي غير مسجل >> شي يقهر .. باذن الله يتحسن الوضع وتصبح>منتدياااات حياة أسهل. يعطيك العااافية .

مزعجه وبقووووووووه بعد

[المحقق كونان]

المشاركة الأصلية كتبت بواسطة قوربتشوف المنتديات باختصار زي الاتصالات السعوديه stc حياه اصعب

من جد
شكرا على المرور