شوووري علي

[طيش على جديه]

السلااااااااااام عليكم كيفكم .. الموهيم انا اليوم اخذت ت
ثاني محاضره محاسبه وانفجعت وعتذررررررررت عن كول محاضراتي اللي بعدها ورحت البيت وبكى .. ونفسيتي زي الزفت الموهيم
رحت بحوووول من تخصص علمي لاداره عامه قالولي قفلو مع انو امس بنت حولت .. والله حالتي النفسيه صعبه واحتمال اسحب واحول الترم الثاني .. لانوووووووو الاستاذه تشرح بلانقلش وماقدرت افهم عليها وخايفه من الاختبارات وكذا
اييييييييييييييييييييييييييييش رايكم اسحب او لاء .. او اكمل ومو مشكله المعدل

[tiiito0o]

الله يعينك بس انا برأييي تكملي مافي حاجه تجي بالساهل وفكري ببعدين حيكون معاك محاسبه ولغه

[سُومه هآنم ~]

عزيزتي انا نفس حالتك بالضبط ..
بس حاولت أأقلم نفسي ع الوضع
اتوكلي على الله وان شاء الله تتسهل ..
لا تنفجعي من الكتب ترا المقرر علينا قليل مو كل الكتاب ..
حرام تضيعي ترم من عمرك ..
غير كذا ح تكسبي زي ما قالو البنات محاسبة وفنفس الوقت لغه ..
وترا اختباراتنا اغلبها صح و خطا و اختياري ..
مررررا لا تشيلي هم ..
انا كنت على هالوضع الاسبوع اللي راح ودا بعد ..
بس الحمد لله اليوم اتعدل الحال ,, بس انتي شدي حيلك .. واتوكلي على الله
وحطي قدامك هدف وان شاء الله بتوصليله ..
وباللأول والأخير لازم تستخيري
واللي كاتبه الله فيه الخير ..

اتمنى اني افدتك ..

[BoBy]

لاتخافي المحاسبة حلوة ولما تفهمي تصير سهله
وبالعكس على فكره حكاية الانجلش لصالحك
يعني احنا مثلا ما لحقنا على دا الشي وحتلاقي اللي ما عندها لغه تضطر بعدين تاخذ دورات
فانتو حتتخرجوا وانتوا مو محتاجين
انا رأيي تكملي عادي وانتي بنفسك شوفي ولو حسيتي مره ما مشيتي حولي السمستر الجاي
جود لك :-)

[•♥fŗŌồtą]

طيب انتي ما كونتي تعرفي انو انجلش

يوم كتبنا التعهد حق التحويل نبهونا لذا الشي وحذرونا اكثر من مرره

بس انا انصحك تكملي حتى انا عندي شوي صعوبه في المواد بس ان شاءالله ححعديها ^^

بالتوفيق ..//

[بسنت عبد المجيد]

امر طبيعى جدا انك فى الاول حتحسى بصعوبة عشان اللغة الانجليزية لغة تانية بالنسبالنا
بصى ده نس اللى حصلى
بس انا الحمد لله اتخرجت من جامعة الاسكندرية فى مصر
كنت قسم محاسبة بالانجليزى
وكانت موادى كلها بالانجلش
من اول المحاسبة والاقتصاد الكلى والجزئى ومالية الشركات والنقود والبنوك كل المواد ماكان فيه كلمة عربى
فى الاول استصعبت الوضع لكن بعد كدة خلاص بقت تعتبر لغتى الاساسية اهم حاجة المصطلحات
ولو احتجتى اى حاجة او استفسار انا تحت امرك سواء بالعربى او الانجليزى

[و لـد جـدة]

لاتسحبين ترم حرام
احنا درسنا كل شي بالعربي وفي النهايه ماستفدنا شي لانه كل الشركات تبغا للغة وبعدين لاتفكري في المعدل والله أهم شي اللغه اما اذا كنتي تبغي تكوني معيده فهذا شي ثاني حافظي على المعدل