والله شي يقهر هذي السنه ما اقدر اسجل بسبب .......

[ابجد هوز]

هذه قصتي مع اختبار الكفايات يوم الاثنين 9/4/1432
انا ساكن في ابها المهم سجلت في هذا الاختبار المهم وحجزت على رحلت الساعه 6 مساءا وطلعت الطائرة والحمد لله وصلت جده تقريبا الساعه 7 و35
واخذت لي سياره من المطار المهم وصلت الجامعه ةالحمد لله تقريبا الساعه 8 بسبب الزحمه في الطريق المهم لما وصل الى المبنى 29 مقر الاختبار وتفاجاءة ان الابواب مقفله
وفيه حراس امن خارج المبنى المهم قلت لهم بالله تكفون روحو كلمو المسؤول المهم راحو كلموه والله رفض المهم والله انقهرت لاكن الحمد لله على كل حال الحين هل يمكن اقدم على الماجستير هذي السنه
واقرب موعد لاختبار الكفايات 4/8/1432
ارجو منكم المساعده

[الى الله المشتكى]

هذا القهر اللي مابعده قهر
المفروض بكل منطقه يصير فيه مركز مثل الثانويات

وش ذنب سكان المناطق الثانيه

على الاقل يصير فيه عدل توزع المراكز بشكل معقول مو يصير بجده ومكه والطايف وكلهن بجنب بعض
والرياض والقصيم بجنب بعض

والبقيه لاحس ولا خبر
حسبي الله ونعم الوكيل

على العموم ماتقدر تسجل بالماجستير الا باختبار القدرات الكفايات

والشكوى لله انتظر الى شهر 8 والله يكون بعونك

[خالدرر]

دور لك توفل او ايلتس والله يوفقك يمديك بالراحه بس سارع

[عماد الحسن]

الله يعوضك خير أخوي ،، والله بودي أستقبل في بيتي كل الشباب اللي يزوروا جدة للتسجيل في الماجستير لكن إن شاء الله نقابلكم في المستقبل، حالياً مالك غير الانتظار لشهر 8 ولازم تعمل حسابك المرة الجاية لأن نظام القياس مثل العساكر وكل شئ عندهم محسوب بدقة كبيرة.

[موفقه باذن الله تعالى]

لاتجزع قد يكون خيره

[سعديه محمد]

الحين ودي اعرف ليش اختبار القدرات والكفايات بس بالمدن مثل جده ومكه والطائف والرياض والقصيم وحنا يعني جهله مالنا جامعات ولادراسه ولايكفينا نظام محو الأميه وين وزير التعليم العالي بأي مبنى حكومي تقام هالاختبارات ماله داعي تسحبون الناس وتحرموهم من الدراسه بسبب ظروفهم التي تمنعهم من الحضور للاختبار خذوا بعين الإعتبار مقر السكن الله لايسامح كل من يكون سبب في حرماني من التعليم من قلب صادق ادعي واتوجه لله

[بكالوريوس حاسب]

الله يعوضك خير ,

بس يفترض الواحد يكون من الصباح قريب مقر الاختبار

[سفينة الحياه]

الله يعوضك خير

[ابجد هوز]

الله يعطيكم الف عافيه على مروركم الكريم وابي اسال هل من الممكن اني اسجل وادخل درجه من عندي واذا بعدين اختبر الكفايات واجيب لهم الاختبار مع العلم اني راح اكتب درجه متدنيه مره ارجو منكم الاجابه لاني والله ما ابي التسجيل يروح عليه ذي السنه وعندي دورات في الغلة الانجليزيه ممكن ارفقها في التسجيل وعندي دبلوم عالي بعد البكالوريوس في التوجيه والارشاد النفسي

[بكالوريوس حاسب]

المشاركة الأصلية كتبت بواسطة ابجد هوز الله يعطيكم الف عافيه على مروركم الكريم وابي اسال هل من الممكن اني اسجل وادخل درجه من عندي واذا بعدين اختبر الكفايات واجيب لهم الاختبار مع العلم اني راح اكتب درجه متدنيه مره ارجو منكم الاجابه لاني والله ما ابي التسجيل يروح عليه ذي السنه وعندي دورات في الغلة الانجليزيه ممكن ارفقها في التسجيل وعندي دبلوم عالي بعد البكالوريوس في التوجيه والارشاد النفسي

لا تضع درجه وانت ما اختبرت سواء متدنيه اوغيرها لانها تضرك

وحاول تختبر توفل او ايلتس , شوف معاهد اللغة يمكن تقدم اختبار توفل, باقي ما يقارب 20يوم عن انتهاء فترة التقديم يعني معاك وقت

والله يوفقك