الى كل من يريد مساعدة الاخريين

[الدواء الشافي]

السلام عليكم و رحمة الله و بركاته
طرحت هذا الموضوع لاني اثق بوجود المحبه المتبادلة بينكم ...
انا خريج من الثانويه .. و كانت عندي رغبه من الصغر في الطب كان حلمي ان اصبح طبيبا ..
لدرجة اني ادخل المستشفى و اقول ان هذا مكاني...
المهم .. اني ما اعرف شي بالانجليزي واكون صادق معكم يعني اعرف اشياء سطحيه ..
اللي ابيه منكم ..
انكم تعطونى طريقة الدراسه في الكلية بالتفصيل الممل
ولكم مني كل الشكر و العرفان
تقبولو مروري

[lovely one]

السلام عليكم و رحمه الله وبركاته
انا طالبه تحضيري و باذن الله حفيدك بلي اقدر عليه
اول شي وقبل كل شي لازم تجيب نسبه+ قدرات+تحصيلي تاهلك تخش الجامعه بعد كدا عندك السنه التحضيريه خطتين ا وب
خطه ا تدرس فيها فيزيا رياضيات حاسب مهارات اتصال انقليش
خطه ب تدرس فيها كيميا احياء احصاء انقليش
الترم التاني تتبدلو يعني ازا كنت ا حتسير ب و العكس
طبعن الانقليش 4 ساعات تقريبا كل يوم و فيلو 4 مستويات كل ترم تدرس مستويين طبعن في البدايه تروح اختبار يحدد مستواك في الانقليش
جينا للطب لازم تجيب درجات كويسه في دي المواد عشان تضمن دخول الطب (كيميا فيزيا احياء انقليش )و ترى من دحين بقولك زاكر اول باول
احنا فقنا الترم التاني بس بعد ايش بعد معدلنا سار مش ولا بد و بعد درجاتنا ما انخسفت و ممكن ما تاهلنا لدخول الكليه الي نبغاها
فمن دحين نصيحه زاكر اول باول ولا شيل فكرة الطب من راسك و ارتاح
لا تعيش نفسك في اوهام و تسأل عن الطب وتنسى التحضيري لانو التحضيري هيا" جسر العبور " الي حيوصلك لحلم حياتك
و نصيحه للمره المليون و واحد زاكر اول باول ازا ما فهمت شي الحق نفسك من البدايه اشتري ملخصات روح عند مدرس الصق عند مكتب الاستاز و خلي يشرحلك ازا لاسمح الله الدكتور الي يدرسك ما يعرف يشرح كويس احضر محاضرات غير محاضراتك لمن ترسخ المعلومه في بالك ولا تعتقد انو المزاكره اول باول تاخد وقت طوييييل <<< ترى دا الكلام كولو من تجربه
انا ناويه باذن الله اخش طب بس دحين باقيلي كم درجه ازا نقصتها انسا الطب وكمان لسا باقي دوري تاني ونهائي و درجات الدوري الاول ما اعطونا هيا الله يستر بس
ازا جبت العيد في اختبار لا تجلس تقول هيا خاربه خاربه خلينا نعميها :) حاول تجدد نفسيتك واهتم جدن بالمواد الي قلتلك عليها الي هيا انقليش احياء كيميا فيزيا اهممممم شي دي المواد يجمعو درجاتك ويقسموها على عدد المواد ويطلعولك حاجه اسمها النسبه الموزونه لو نسبتك الموزونه كانت مرتفعه حتنقبل باذن الله في الطب
للاسف انا مالقيت احد يقولي او يقنعني بنص الكلام دا فاتخذ العظه والعبره مننا عشان لا تتعاد ماساة طلاب التحضيري كل سنه
و انتا في التحضيري خلي حلمك ( الطب ) بين عيونك يعني اول ما تشوف نفسك بدات تلعب و ما بتزاكر اتخيل نفسك بالاب كوت ولا بتعالج مريض ولا مريض بيدعيلك و اهم شي ايقن انو ربنا حيعطيك الي تبغاه (حسن الظن بالله)
و على فكره هادي السنه نحنا نقولها مصيريه يعني اكون او لا اكون ازا ما جبت فيها درجات عاليه قول باي باي للطب
الله يوفقنا ويخترلنا الي في الخير جميعا

[الدواء الشافي]

اشكرك lovely one على كل ما طرحتيه و ادعي ربي ان يحقق لك كل ما تريدين ..امين
في سؤال بسيط..
كيفية دراسة الكيماءو.. ؟
هل بالانجلش ام بالعربي

[lovely one]

الاحياء ورق في اسئله اختيارات محلوله تحفظها صم و يجيك نففففففففس السؤال ونفس الاختيارات في الاختبار بس مخلبطين الخيارات ونحنا ما نحفظ غير الخيار الصح ونسيب البقيه وفي ناس تربط كلمه في السؤال بكلمه في الاجابه
الكيميا انا دا الترم بادرس كيميا بالانقلش طبعن و زاكرت اول باول و كان الاختبار جدا سهل بالنسبه ليا و استازتي الحمدلله مرا جيدا
و كل المواد بالانقلش ما عدا حاسب ومهارات اتصال
الفيزيا استازتي ما كانت تشرح كويس بس حاولت ازاكر من ملخصات وجبت مدرسه و مشي الحال في الدوري 1 و2 بس في الاختبار النهائي الله يسامحني كان عندنا احد رياضيات و تلوت فيزيا من صدمه الرياضيات ما مسكت الفيزيا بدري وللاسف الاختبار كان سهل جدا (شوربه ) :) بس ماعرفت احل كويس عشان مازاكرت كويس
جزاك الله خير على الدعوه

[JuStice]

.

وعليكم السلام ورحمة الله وبركاته ,

قدم الصيفية دي على الجامعة .. وأنصحك تستغل الفترة الحالية بإنك تاخد دورات إنجليزي مكثفة .

مهم جدًا الإنجليزي وإلا لو دخلت الطب وما عندك لغة راح تكون زي الأطرش في الزفة وراح تبذل جهد ووقت مضاعف في الترجمة لوحدها .

هدا أهم شي .. والباقي سهل إن شاء الله .. شد حيلك بالتحضيري ومع معدل حلو تدخل الطب (:

.