انقبلت اقتصاد وادارة وابغا أحول تمريض ..؟

[Dr.Wonderful]

السلام عليكم ..
كل عام وأنتم بخير ..
أنا انقبلت اقتصاد وادارة ..
مع العلم أنو موزونتي 89.88 وهيا تدخلني تمريض لأنو التمريض قفل على 88 وكسور ..
أقدر أروح بداية السنة وأقدم تحويل ؟ ويجيني التحويل على طول؟
طيب لمين أروح ومتى؟
وشكرا :)

[fto0o]

اهلن وسهلن ...

لا تستني لبداية السنة حيكون هجولة مرة ..

روحي السبت دا لمبنى 12 العمادة والتسجيل روحي للغرفة الي اول ماتدخلي ع يدك اليسار اتوقع رقمها 2 او شي زي كدا
الي مليانة مكاتب ..

الله يعينك ع البهدلة والاخلاق القافلة

انتي جيبي معاكي ورقة نتايج التسكين اطبعيها من الاودس كاملة وتعالي بيها والمسؤولة اظن اسمها فوزية شي زي كدا الموهم روحي لأي وحدة من المكاتب وقوليلها انا دوبي اتسكنت وابا اغير رغبتي
حتقلك مافي وبعد سنة وقفلنا ومافي مكان وانسي وضعك ومدري ايش وقرقر واجد

اصري وقوليلها بس انا نسبتي تدخلني وتحولني بالراحة ولمن تشوفك كيف مصرة حتوديكي عن المسؤولة الي حتديكي ورقة من طرف خشمها كانها مطلعاها من جيبها وتعبيها وتستني النتايج x'DDDDD


إن شاء الله بس ماتعند معاكي علا حركة قفلنا التحويل ...

لاتنسي الورقة ولازم تروحي السبت دا لانو المعاملات تدخل في الكمبيوتر والنتايج لسع حتنزلك في الاودس

مع انو ناس كتير حولو ازا نسبهم اعلى من اخر نسبة قفلت عليها الكلية بالراحة بس استحملي حبتين اخلاقهم وإن شاء الله ربي يحولك ونشوفك معانا بداية السنة ...

محدثتك تمريض تحاول التحويل x'P

[Dr.Wonderful]

انا سمعت انو الي يبغا يحول يروح نفس الكلية حقت العلوم الطبية التطبيقية مو شطر الطالبات!