موضووع خطير ادخلوااا بسرعه

[طالبة خريجة]

السلام عليكم


اعزائي الطلاب والطالبات قريت موضوع عجبني وحبيت اعرضه في منتدانا الغاللللللللي



سؤال بسيط لكن خطير
ابعااده 1024 * 768

السؤال هو


لو كنت العميد/العميده للجامعه ليوم واحد فقط
ايش القرارات الي ممكن تسويها في هاليوم ؟؟


مع العلم ان قدامك فقط 4 قرارات ثابته والباقيه تلغى في نهايه اليوم



يالله يا حلويييييييييييين اعطوني قراراتكم ؟؟؟

[فنـــــــــــــــــار]

دعينا من الأحلام

ولنعش الواقع

وفكر في المفيد

فما هي إلا لحظات وينتهي العمر


بالتوفيق

[digital-girl]

فكره رااائعه..وفيها تغييرللروتين...

أول قرار سأتخذه...اتيح المجال لجميع الطلاب...,,

بالحديث والنقاش معي,,,,.!!!

واستمع لاسألتهم واستفساراتهم...,,,,,

ومشاكلهم واحتياجاتهم..,,, وادعمهم..بصفتي عميدة

أي رائـــــــــــدة عـــــــــلـــــــــم..!!

حتى لو استدعى الأمر ان أُخصص لهم رقم خاص للاستماع لمشاكلهم,,,,...

اصبحت دكتورة نفسية,,,,...!!!!

لا تعليق....

طبعا ليس فقط الاستماع...بل إيجاد الحلول...

وبدوري سأجعل الحلول تأتي منهم ومن أفكارهم..

لأن كثير من أساتذتنا - هداهم الله - ,,, تستحقر أفكارنا واقتراحتنا وحلولنا ...,,

وهذا سبب الفشل والتخلف..الملحوظ وعدم التطور...والركود....و و و

(((((((لا يــوجــد احد يستمع لــنــا...!!! ))))))))))))


وثاني شي.. سأخصص لكل منسوبي التعليم من اساتذه ودكاترة....وأيضاً طلاب....

(( لاحظوا طلاب ))

بأن يقوموا هم .. بدورات تثقيفية سواء في المجال التعليمي او الديني او الأدبي او اياً كان

كفن الخطابه ...أو فن الحديث مع الآخرين أوفن الكتابه...أو فن طلب العلم...او او او..

وأترك اختيار المواضيع لكلاً منهما...سواء من دكتور او طالب فهم ((مــبدعــون))....

وأجعل نهاية كل شهر جائزه معنويه او ماديه او اياً تكن..المهم التشجيع على الاستمرار..

وأُركز وأُركز واُركز على فن طلب العلم...لأن كثير من الطلاب يطمح ويرغب لل a+

ولكن لايطمح لأخذ المعلومه بالشكل الطلوب والمتمنى به...,,

وأُكرر كلامي هذا أيضاً هو سبب تخلفنا ورجوعنا للخلف..!!

كل همنا محصور ومركز على الشهاده والسمعة وليس أخذ العلم بذاته..!!!

إلا من رحم ربــــي...

وثالث شي وهو الأهم والمهم...طرد وتغير بعض أساتذة القسم...,,!!

لن اكمل في هذا المجال...لأنني سأتحول بعدها الى كائن حي شرس...!!!

وأخيراً ..ان راودتني فكرة سـأدونها هنا..

وبالمناسبة... ففكرة الموضوع رائعة,,

يجب ان ننظر له بمنظار ايجابي..

...فنطرح نحن هنا الافكار...والحلول...والاحلام..والتخيلات..و و و

لعل وعسى ان ينظر الينا بعين الرحمه والشفقه من مسؤؤل او دكتور ذات سلطه ورأي وكلمه..

فيرحم بحالنا...وننتقل من عالم التخلف والاحلام...الى العالم الحقيقي الذي يطمح ويرغب به الكل..!!

[IT dancing doll]

موضوووووووووووووع رائــــــــــــــــــــع
زي ماقالت الاخت digital
1-اول حاجه واهم حاجه بالنسبه لي اسمع لمشاكل الطالبات ووجهة نظرهم في كثير من الامور...
2-اخصص دورات بشكل شهري لطالبات الحاسبـــــــ وافتح لهم المجال للخروج الى سوق العمل والتطبيق بشكل عملي لاحدث التقنيات في المعامل ماتكون مجرد سرد للي في المحاضره .
3-تطوير المعامل وتوفير احدث الـ الاجهزه مو بس الكمبيوترات اغلب انواع التقنيات <<واخصصها لطالبات الاي تي <<ايش العنصريه دي
4-واخيرا اهم شي بالنسبه لي انظر لكل من هم غير أهل لان يكونوا اعضاء هيئة تدريس وعشان لااقطع رزقهم امسكهم وضائف إداريه <<حنونة
بس اهم شي مايعطوا مواااااااد لانه اهم شي نبغاه ثقافة الطالبه وفهم الكورس بشكل واضح وليس تعقيد الطالبة وحصر تفكيرها طول السمستر راح تعدي وتنجح عند ذي الاستاذة او يكون مصيرها زي باقي الطالبااااااااااات تعيش في كابوس حمل المادة طول الترم ..
اعرف كل احلامي وطموحاتي فيها نوع من العنصريه ماصرت عميدة جامعه صرت عميدة كلية الحاسبات بس لا والاي تي كمان
بس تعرفوا كيف كل واحد يتكلم من منظوره ومن تجاربه ....
وبالتوفيق للجميع والكل يارب يكون في منصب مناسب له ومميز ....

[IT dancing doll]

عجبني الموضوع صراحه ماودي ينزل تحت.........
وين التفاعل.......بليز وين الكومنتات والمداخلات الحلوه <<يلعن اوم اللقافه^_^

[dode999]

افتح مكتبي للطلاب كل يوم ساعه كامله

اوفر مواقف سيارات خاصه بطلاب الكلية



صدقوني الحاجتين هذي لو توفرت كان يا سلام

[طالبة خريجة]

افكاااار رووووعه بناااااااااااااات تنم عن حاجتنا المااااسه للتغير


يالله اعطوونا افكاار جديده ومقترحات حلوه

يعطيكم الف عافيه

[mind glance]

تم نقل الموضوع للقسم الأنسب
لأنه مو خاص بطلاب وطالبات الحاسبات


واسمحوا لي بالمداخلة

أول شي انا لو اتعرض علية المنصب ده انا رح ارفضه
لأنه هذه مسؤولية كبيرة انا لسة مو قدها
وبحكم انه عميدة شطر الطالبات درستني الترم الماضي وهي بنصبها هذا
فكنت ألاحظ قد ايش شغلها كثير ومسؤوليتها مو هينة والمشاكل اللي تواجهها كل يوم تشيب الراس
يعني كانت تحكينا عن اشياء...اتوقع انه ما تجي ربع المشاكل اللي تواجهها
كان الله في عونها


ديجتال قيرل و اي تي دانسنق دول
اسمحوا لي اتناقش معاكم...انا احب اكون واقعية
لما تفتحوا الباب للطلاب والطالبات عشان تسمعوا مشاكلهم وآرائهم
كيف حتكون الطريقة؟ اي احد يجي يدق الباب وبدخل؟
او تحددوا اوقات معينة؟ او مثلا بالايميلات فقط؟
وهذا الوقت اللي تعطوه للطلاب ومشاكلهم حيكون على حساب ايش من المسؤوليات والمهام اللي حتكون عليكم؟
لأنه بصراحة اتوقع انه لما هذا الباب يتفتح كدة بدون حدود.. نص الشكاوي اللي حتجيكم حتكون تفاهة ومطيعة وقت
والوقت اللي تضيعوا فيها حتخليكم تقصروا في اشياء تانية المفروض انها اهم
معليش..بس الحقيقة انه مو كل الناس عندهم كلام مفيد
فكيف حتحلوا هذه المشكلة وتتفادوا الشكاوي اللي مالها حل او ما تعتبر مشكلة اصلا عشان تضيعوا وقتكم فيها على حساب اشياء تانية؟
ولما احد يقترح عليكم حلول غير واقعية..كيف حتتعاملوا معاها؟ لأنه اذا ما نفذتوا آرائهم حيعتبروكم مقصرين وانكم بـ تتظاهروا فقط بالاهتمام!


ثاني شي
لما تطردوا اعضاء هيئة التدريس الغير كفوئين (واعترف بوجودهم وكثرتهم كمان)
من فين تجيبوا احد بدالهم بالضبط وكيف؟؟
وفي ايش تعتمدوا على توظيفهم؟
وكيف تتأكدوا من كفاءة اعضاء هيئة التدريس الجدد؟
واذا ما لقيتوا الناس الكفوئين بشكل مناسب ابدا او كان عددهم قليل...ايش حتعملوا في النقص؟

سامحوني اذا كثرت كلامي...بس ابغى اوضح لكم انه موضوع مو هين زي ما بتعرضوه كدة


ديجتال قيرل

وثاني شي.. سأخصص لكل منسوبي التعليم من اساتذه ودكاترة....وأيضاً طلاب.... (( لاحظوا طلاب )) بأن يقوموا هم .. بدورات تثقيفية سواء في المجال التعليمي او الديني او الأدبي او اياً كان كفن الخطابه ...أو فن الحديث مع الآخرين أوفن الكتابه...أو فن طلب العلم...او او او.. وأترك اختيار المواضيع لكلاً منهما...سواء من دكتور او طالب فهم ((مــبدعــون)).... وأجعل نهاية كل شهر جائزه معنويه او ماديه او اياً تكن..المهم التشجيع على الاستمرار..

ترى الموضوع ده وجود حالياً
وفي طالبات بيقدموا دورات من ضمن لجان النشاط الي في الكليات
وعادي مو ممنوع انه اي احد يقدم دورة سواء استاذة او طالبة
ولجان النشاط في الجامعة عموماً موجودة عشان دي الاشياء
بس هو الموضوع مو واضح من فين الواحد يبدأ ويأخذ الأذن من مين<< بالنسبة للطالبات
وباقي التقصير هو كسل فقط من الاشخاص اللي مفروض يقدموا الدورات... او معابطة احياناً من بعض المسؤولين داخل الكلية
وبالذات في كليتنا لجان النشاط ميتة تقريبا
وبرأيي انه اللي يبغى يقدم شي من جد المفروض يسأل ويدور ويعمل اللي في راسه.. بس نقول ان شاء الله يلاقي في وجهه اللي يسهله الموضوع ما يعقده

اما عن المكافأة المالية...فبرضو هي موجودة
اقلها اعرف انه أمينات لجان النشاط يأخذوا مكافآت...واللي يشتغلوا بيأخذوا هدايا في حفلات نهاية الترم او نهاية السنة
(ولو انها هدايا سخيفة اغلب الوقت اعتقد...بس يسموها معنوية وقتها اعتقد)


آي تي دانسنق دول

2-اخصص دورات بشكل شهري لطالبات الحاسبـــــــ وافتح لهم المجال للخروج الى سوق العمل والتطبيق بشكل عملي لاحدث التقنيات في المعامل ماتكون مجرد سرد للي في المحاضره . 3-تطوير المعامل وتوفير احدث الـ الاجهزه مو بس الكمبيوترات اغلب انواع التقنيات <<واخصصها لطالبات الاي تي <<ايش العنصريه دي

انت عاد حنعينك عميدة كلية الحاسبات مو عميدة شطر الطالبات
ولا عاد باقي الكليات اعتقد تقفليها وتخلي جامعة المللك عبد العزيز كلية وحدة بس
انا انصحك من بداية الترم تشتركي في نادي الحاسبات وتقنية المعلومات مع دكتورة مي
يصير تتعلمي وتعرفي كيف بيدبروا الامور وينظموا الدورات لبنات الحاسب
وكمان بما انه عندك افكار كثيرة كدة...حاولي تحققي جزء منها معاهم

[حنين كلي حنان]

اول حاجه بطرد العجايز نهائيا واعطي مجال للغير
ثانيا بطرد المصاريا محتلين الكليه بشكل فظيع
والباقي
كملو بس هاذي الي عندي

[K.O.R.T.I]

امممم انا راح اتكلم عن كلية الحاسب بس لانو ما عندي خلفيه ايش هيه احتياجات الكليات التانيه


-1-
بصراحه فكرة انو يكون في الكليه مكتبه الالكترونيه حتكون جيده يعني لو يعملو كلاس يكون زي المكتبه ولكن كل شيء إلكتروني
بكدا يستغل الطلاب الوقت اللي يكونو فاضين فيه و نحصل على المعلومات الصحيحه من المراجع الموثوقه.
-2-
فكره المرشد الاكاديمي مررررره حلوه بس ما احس انو مستفيد منها لانو كل ما اروح لمرشدي الاقيه مشغوووول على الاخر يعني لو كل مرشد يخصص وقت معين في يوم معين من كل شهر يجتمع فيه مع طلابه ويشوف شكاويهم و أرآهم ومقترحاتهم يكون شيء رائع.





-3-

فكرت الشاشات في الكليه لو تستغل بشكل افضل يعني يخصصو شاشه تعرض أهم المعلومات عن الحاسب و الاشياء الجديده اللي بتكتشف في عالم التقنيه.

-4-
و ممكن زي ما قال الاخ مشكلة المواقف.


و كمان حاب اقول شيء في الاخير مع انو شهادتي مجروحه بس انا محظوظ جداً لاني واحد من طلاب كلية الحاسب وتقنيه المعلومات
لانو بجد كل الدكاتره والاساتزه و المعيدين اللي فيها على مستوى راقي من العلم أنا اخلف في الرأى مع الاخت حنين في فكرتها .


ويدي صاحب فكره الموضوع واللي شاركو فيه الف عافيه