بالله آرائكم ... حاسس بالفشل

[فراغ العاطفة]

السلام عليكم ورحمة الله وبركاته

كيف حالكم جميعا ؟؟ إن شاء الله بخير
المهم ..
أنا رسبت في مادة ماث 100 ومادة العلوم الطبيعية 100 بسبب الفيزياء
في السمستر الاول ..
في السمستر التاني نزلوا لي نفس المادتين ...
الماث 100 صميتها ورحت الاختبار الدوري الاول وجبت 12 من 20
والثاني جبت 14 من 20
باقي ما ادري ايش سار مع الفاينل بس حاسس بخوف مو طبيعي ..
ابغى اعرف لو رسبت مرة تانية ايش ممكن اسوي ؟؟ في حل ولا ارضى بالواقع
هل اعيدها تاني ولا لأ ؟؟

العلوم باقول إن شاء الله ربي يسترها لاني حاسس اني حليت كويس بس برضه خايف
لسة في ماث 101 وفيزيكس 101 ابغا انزلها في الصيف إن شاء الله
بالله ساعدوني .. لاول مرة في حياتي احس بالفشل ..
المواد اللي كنت احبها ودرجاتي عالية فيها سرت فاشل فيها .. ابغا اعديها واحول من الكلية بعد الترم الجاي إن شاء الله من غير رجعة لاني اتحطمت من جد ..

[=--> (أخـــر همـــي) <--=]

الله يصبرك

ان شاء الله بتعدي هالمادتين والله يووووفقك

واذا لا قدر الله ماعديتها حاول تنزلها صيف او اطلبها تنزل في الصيف لان الصيف احسن كثير يحملون مواد ياخذونها في الصيف ويعدوو بسهوله فيها

بس ان شاء الله راح تعدي خلي املك بالله قوووي

ولكل جواد كبوه

يعني خذها من باب الخيــــره ان شاء الله ولا تقول احس بالفشل لانك بكذا قاعد تلقن عقلك كلمه انك فاشل وبكره تنقلب عليك وتصير بجد فاشل << مسويه فيها افهم بعلم النفس خخخخخ

{ الحمدلله على كل حال } هذي الكلمه اللي لازم تقولها

وقول ياارب وان شاء الله رااح تعدي

والاستخــاره وصلاة الليــل مافي احسن منها تهدي نفس الانسان وتريح باله وفوق هذا لها نتايج عجيبه

الله يوفقك اخوي وان شاء الله اخر الاحزان

[M!Ss AmoOoLa]

عادي خيوو كثييير ناس زيك ونفس حالتك

العيب والله مو فينافي الكليه نفسها

على العموم اذا نجحت في المادتين

خذ فيزياء101والماث 101صيفي

نصيحه لان حتعديها بسهووووله

[ابي اتخرج]

تحية طيبة
الفشل هو ان تكف عن المحاولة يعني حتى لو لا قدر الله حملت المواد فهذا مو فشل وكمان الواحد مايحس بطعم النجاح الا بعد ماتطلع عينه
الله يوفقك وتنجح

[فراغ العاطفة]

1000 شكر لك أختي " أخر همي " على كلامك الأكتر من رائع صراحة
أفدتيني وريحتيني ونقول انشاء الله خير ..
1000 شكر لك أختي " غرور " على النصيحة .. هي نفس اللي كنت ناوي عليه وانشاء الله يسير .
وكمان 1000 شكر لك أخي " أبي اتخرج " انشاء الله تتخرج بمعدل عالي يسعدك زي ما خليتني احس بالسعادة ..
وشكرا على كلامك اللي مليان حكم ..

احس أني زودتها صح .. بس والله تستاهلوا اكتر من ملايين الشكر ..
وفقكم الله جميعا في حياتكم ودراستكم .. واتمنى تحققوا طموحاتكم وامالكم
لكم جزيل شكري وامتناني ..

[=--> (أخـــر همـــي) <--=]

يالله لاتنسى تطمنا عن النتاايج اول ماتطلع اكتب لنا عنها

وبالتووفيق للجميــع

[العُمري]

فرآغ < أزمه وتعدي وماعليك ... عندي وآحد من زملائي بالكليه حمل 15 ساعه ومع هذا مواصل وماشي تمام .. لا وراح يتخرج الترم هذا جلس بالجامعه 4 سنوات والخطه4 ونص ومع انه حمل مواد عامه كثيره .. وانا ماشي تمام بالمواد العام راح اضيف على مده الخطه ترمين مع اني ماحملت زيه .. لكن هو عنده اصرار ولو كنت مكانه ماكملت .. الله يوفقنا جميع ..

[CrAzY]

ولا تهتم ولا تحس بالفشل ابدا مو مستاهلة .. ايش يعني رياضيات ولا فيزياء ..
ح تعدي ان شاء الله
شد حيلك واكيد اذا جاتك فرصة تنزل 101 صيفي للمادتين نزلهم ..
بس افهمهم واتوكل على الله ..

[عاشق البرمجة]

في شي يسموه خصص مكاتب ترى يمدحوه وله منافع كثيررررة

نصيحتي:

روح للدكتور في مكتبه واطمئن على النتيجة واذا شفتها ما عدت كلمه وقوله هذه ثاني مرة اخذها ومن الكلام ذا.....والله يوفقك ؛؛ح

لا يفهم من كلامي أني أدعو إلى أن يغسل الواحد وجهه بمرق يرمي كرامته جانبا ويتشحد الدكاترة لا أبدا...لكن بعض الدكاترة يقدر ويفهم الوضع ويرى أنه من الممكن أنه قد قصر في المنهج فيمحو هذا التقصير بالزيادة؛؛

[Jeddah Glamor]

الله يعينك يا خيوو

بصراحه حزنتني كثير

الله يوفقك يا رب
ويسهل عليك

ومثل ما قالت خيتووو آخوووره


صلاة الليل والدعاء