متخرجة جامعية بدون مستقبل بسسب كلية العلوم !!!!

[angel--girl1991]

السلام عليكم ورحمة الله وبركاته اولا شي
ثاني شي انا خريجة احياء دقيقه من سنه تقريبا ولحد الان مالقيت وظيفه تناسب تتخصصي يعني كل الوظايف اللي الالقيها تكون وظايف متخرجين من الثانويه بحكم تخصصي مايتناسب معاها ؟؟ طبعا قدمت علي هيئه التدريب وجالسه اتدرب وباقي لي شهرين وبتخرج طبعا طول السنه تحطيم من الموظفين انو تخصصنا مالو مستقبل وحتى ولو فكرو يوظفوني راح اتوظف فنيه سحب دم زي زي خريج الدبلوم طيب ليش ؟؟؟ انا ليش ادرس خمس سنوات من عمري ومصاريف دراسه ورايحه وجايه اتعب نفسي علشان اتخرج بدون مستقبل وظيفي مو حرررام هده السنوات تروح ع فاضي منجد شي يحطم ويعقد الواحد ويخليه مكسور والله في مستشفى اقول تخصصي بالجامعه وانا مستحيه منو
وربي لو يررجع الزمن لورا ما ادخل كليه العلوم وافضل جلسه البيت على اني ادرس فيها لانو منجد تخصص ابدن مالو مجال
عموما اعطوننني حلول يمكن تكون نظرتي ضيقه وما اعرف اشياء عن تخصص وصراحه ماعندي استعداد بعد التدريب اجلس كأني ما اتدربت اعطوني نصايح
وانا راح اعطيكم نصيحة اي احد يفكر يدخل علوم يغير رأيه الا اذا ناوي يأخد شهادة ويعلقها في بيته لانو تخصص فاشل ولا مال اي مجال ولا احد يعطينا وجهه
عموما الله يوفقني ويوفقكم

[..microbiologist..]

وعليكم السلام ورحمة الله وبركاته

أهلا بزميلة التخصص انا زيك بس خريجة صيفي
من وجهة نظري ابدا لا تسمعي للمثبطيين خدي خبرات ودورات تقوي السي في
وبعدين صح لمن نقدم في مستشفى نكون "فني" لكن هذا مايمنع تكملي طموحك
الي اعرفو انو اذا اخدتي ماستر تسيري أخصائية حاولي تكملي دراستك
وكمان تخصصنا جدا جميل ومهم في رأيي لكن مظلوم
بس ينفع كمان نشتغل في مركز ابحاث وفي الجامعات
اتوكلي على الله ولاتيأسي

[Hanan0]

وعليكم السلام ورحمه الله وبركاته والله من وجه نظري بالنسبة للوظايف لانه اسلوب الدراسه في كلية العلوم مو حلو بالله ليش اقعد سنه ونص عام وبعدين اتخصص ثاني شيء في الكليات الصحيه تخرج طالبات بنفس التخصص تقريبا اللي هو المختبرات ولكن هم اكثر دراسه نصيحتي لك اللحين اللي فات مات حاولي تتفائلي توكلي على الله وترى الوظايف عرض وطلب واصبري والله يوفقك ويوفق الجميع دعواتك لي اني احول من العلوم

[وسام الامان]

ياحياتي كسرت قلبي عليك , انا حديثة عهد بالتخرج تسلمت وثيقتي بداية الترم ده وحي الله في رحلة البحث عن الوظيفة او اكمال الدراسة
صح ان مجتمعنا متخلف وينظر لنا بنظرة دونية رغم ان دراسة العلوم مو سهلة , لكن الندم ده والاحباط والاكتئاب مارح ينفع بشي ,ربنا كتب علينا ان ندخل العلوم وندرسه بكل مافيه ونتخرج منه وعاد انت بعد التخرج اما انك تكملي ماجستير ودكتواره او تكملي تدريبك في المستشفى وتبقي اخصائية مختبررات , انت ماعليك من المحبطين والكئيبين واعملي اللي ربنا كتبه لك لاتدري لعل الله يحدث بعد ذلك امر
تخصص العلوم بكل اقسامه رائع جدا ومهم لانه اساس اغلب المهن في الحياة ,كيف سيصبح الطبيب طبيبا ان لم يدرس الاحياء ؟؟ وكذلك الامر بالنسبة للصيدلاني والمهندس ان لم يدرسوا الكيمياء والرياضيات ؟؟؟ وكل العلماء من مسلمين وغيرهم كان اغلب تخصصاتهم في العلوم ,فأنت امشي على الاية (خذ العفو وأمر بالعرف وأعرض عن الجاهلين ) , وربي ييسر لك كل اموورك ويوفقك

موفقة لك تحياتي ^^

اللهم صل وسلم على الحبيب محمد

[mrlover14313]

كنت أقللب في المواقع ولقيت كلامك الغريب هذا (الناتج من المحبطين اللي حوليك, أثروا عليكي مايعرفون مستقبل التخصص اللي دارساه) ... إذا جيتي تسألين عن شخص في تخصصك إسألي الشخص الصحيح عشان يقييم مجال الأحياء الدقيقه تقييم صحيح ومايظلم المجال (ماهو تسألين ناس مالهم في المجال أو حتى متخرجه وجالسه ماتدور وتبحث).

المجال اللي دارسته من أروع المجالات وإنتي درستيه وماعرفتي قووته الفنيه وحاجته في سوق العمل لليوم وبكره ومايسمحلي الوقت عشان أقللك.

أول شي خللصي تدريب في المستشفى وبعدين خذي التصنيف من الهيئه السعوديه (هذا إذا ماتبغي تكمملي ماجستير ودراسات عليا).

وإذا تبغي تكمملي ماجستير دووري منحه وعلى طول سافري ... وإذا لقيتي ماجستير في جامعة الملك فهد للبترول والمعادن أو جامعه قويه ثانيه عززمي وتكوككلي على الله (راح تزيد من صدارتك لفرص العمل وزياده في الخبره العلميه).

مجالات العمل بالنسبه لفني الأحياء الدقيقه تتمثل (على سبيل المثال لا للحصر) في المستشفيات الحكوميه والخاصه على طول وعرض السعوديه .. مصانع الأغذيه وياكثرها ... مصانع المرطبات في قسم الرقابه والجوده ... مصانع الأدويه ومستحظرات التجميل وهذي رايح تلقين فيها قسم نسائي ... مراكز الأبحاث مثل المستشفى التخصصي ومدينة الملك فهد الطبيه وأي مركز أبحاث تابع لمستشفى مرموق ...

يمكن تقولي إنني قاعد أتفلسف عشان أشيل عننك الإحباط ... أنا درست مختبرات وكمللت ماجستير أحياء دقيقه وأشتغل في شركة المياه الوطنيه في مختبرللرقابه وجودة المياه ... وجونا طلاب تدريب من جامعة أم القرى بنفس الإحباط اللي عندك ... عجيب أمركم.

في شي وددي أقوله ... المجال هذا مجال طبي ويحتاج وحده تكون مرنه شوي وتقبل بيئة العمل مع الرجال في مختبر او مركز أبحاث ... يعني عقدة الرجال هذي شيليها من راسك.

تمنياتي بالتوفيق

[angel--girl1991]

المشاركة الأصلية كتبت بواسطة mrlover14313 كنت أقللب في المواقع ولقيت كلامك الغريب هذا (الناتج من المحبطين اللي حوليك, أثروا عليكي مايعرفون مستقبل التخصص اللي دارساه) ... إذا جيتي تسألين عن شخص في تخصصك إسألي الشخص الصحيح عشان يقييم مجال الأحياء الدقيقه تقييم صحيح ومايظلم المجال (ماهو تسألين ناس مالهم في المجال أو حتى متخرجه وجالسه ماتدور وتبحث). المجال اللي دارسته من أروع المجالات وإنتي درستيه وماعرفتي قووته الفنيه وحاجته في سوق العمل لليوم وبكره ومايسمحلي الوقت عشان أقللك. أول شي خللصي تدريب في المستشفى وبعدين خذي التصنيف من الهيئه السعوديه (هذا إذا ماتبغي تكمملي ماجستير ودراسات عليا). وإذا تبغي تكمملي ماجستير دووري منحه وعلى طول سافري ... وإذا لقيتي ماجستير في جامعة الملك فهد للبترول والمعادن أو جامعه قويه ثانيه عززمي وتكوككلي على الله (راح تزيد من صدارتك لفرص العمل وزياده في الخبره العلميه). مجالات العمل بالنسبه لفني الأحياء الدقيقه تتمثل (على سبيل المثال لا للحصر) في المستشفيات الحكوميه والخاصه على طول وعرض السعوديه .. مصانع الأغذيه وياكثرها ... مصانع المرطبات في قسم الرقابه والجوده ... مصانع الأدويه ومستحظرات التجميل وهذي رايح تلقين فيها قسم نسائي ... مراكز الأبحاث مثل المستشفى التخصصي ومدينة الملك فهد الطبيه وأي مركز أبحاث تابع لمستشفى مرموق ... يمكن تقولي إنني قاعد أتفلسف عشان أشيل عننك الإحباط ... أنا درست مختبرات وكمللت ماجستير أحياء دقيقه وأشتغل في شركة المياه الوطنيه في مختبرللرقابه وجودة المياه ... وجونا طلاب تدريب من جامعة أم القرى بنفس الإحباط اللي عندك ... عجيب أمركم. في شي وددي أقوله ... المجال هذا مجال طبي ويحتاج وحده تكون مرنه شوي وتقبل بيئة العمل مع الرجال في مختبر او مركز أبحاث ... يعني عقدة الرجال هذي شيليها من راسك. تمنياتي بالتوفيق

اول شيئ من نظري ومن الناس اللي بشوفها مافي اي مجال وظيفي معدوم المجال الوظيفي هذه الحقيقه المره انا ماني عارفه ليش فاتحين تخصصات زي كدا وهدده شيئ شايفتو قدام عيني يعني مو اسمع ولا اشاعات شيئ حقيقي ومعاناه انا عايشتها لكن ما اقول الا حسبي الله ونعم الوكيل لاني دحين افكر ادرس جامعه من اول ومن جديد تخصص له مستقبل مو تخصص ضايع

[بيو كيميائية ^_^]

لو تابعتي الإعلانات من جد مؤخرًا

كان شفتي مطلوب مايكرو و بايوك بس لازم تصنيف هذا كان في جامعتنا و في جامعة أخرى و الحرس و قوى الأمن و التخصصي

و دامك قريب تاخذي الرخصة فلما تاخذيها أشتغلي في قطاع خاص مؤقتًا و حاولي تختبري توفل

بعدين لما يعلنون عن وظايف قدمي

سنويًا يطلبون بايوك و مايكرو و حتى لو خلوك فنيه بعدين كملي ماستر و راح يكبر منصبك

كثير بدوا بفنية و صاروا الحين دكاتره

الله يكتب لك الخير

[angel--girl1991]

المشاركة الأصلية كتبت بواسطة بيو كيميائية ^_^ لو تابعتي الإعلانات من جد مؤخرًا كان شفتي مطلوب مايكرو و بايوك بس لازم تصنيف هذا كان في جامعتنا و في جامعة أخرى و الحرس و قوى الأمن و التخصصي و دامك قريب تاخذي الرخصة فلما تاخذيها أشتغلي في قطاع خاص مؤقتًا و حاولي تختبري توفل بعدين لما يعلنون عن وظايف قدمي سنويًا يطلبون بايوك و مايكرو و حتى لو خلوك فنيه بعدين كملي ماستر و راح يكبر منصبك كثير بدوا بفنية و صاروا الحين دكاتره الله يكتب لك الخير

مشكور بيو كيميائيه على رفع المعنويات لكن بجد وضعنا جدا صعب خاصه بعد توظيف خريجي الدبلومات الصحية بامر ملكي لانهم اخذو كلو الوظايف الشاغره لسنين قدام عموما الله يكتب اللي فيه خير لنا ويوفقنا ويطلعني بفايده من التخصص الميؤس منه على خيرر

[بيو كيميائية ^_^]

http://www.skaau.com/vb/showthread.php?t=780756

شوفي دا الموضوع فيه وظايف في كلية الغد

أنتِ لسه ما خلصتي بس عادي روحي قدمي و لما تعملي مقابلة قولي لهم أن باقي لك شهرين و تاخذي الرخصة

إذا عجبتيهم راح ينتظرونك

بالتوفيق

[Molecular Biology]

انتي ما تدرين وش سويتي فيني ..

انتي فتحتي الاحزان والمواجع ..

احمدي ربك اذا بيطلع لك تصنيف فني

انا احاول في هيئة التخصصات يصنفوني مساعد فني ومو راضين

تخيلي اني خريجة من قسم صعب : الاحياء الجزيئية والتقنية الحيوية

وبتقدير عالي وفوق كذا معي لغة ودورات من مستشفيات كبيرة زي التخصصي

لكن كل ما اقدم على مكان قالو مارح نوظفك بسبب انك غير مصنفه

وهيئة التخصصات رفضت رفض تام اني اتصنف ..

حتى حافز وهو حافز قالو لي هاتي التصنيف ولا ما بنوظفك

بصراحه تحطمت بشكل كبير وجتني حالة اكتئاب

<<< وما اكذب عليك كل من شافني قال راجعي الطب النفسي

المهم انا ذكرت لك جزء من معاناتي عشان تعرفين انك بنعمه

واللي يحطمك يقول لك بتشتغلين فنية سحب دم ترى مب على كيف أمه < اخذني الحماس

بكرة اول ما تختبري امتحان التصنيف يمديك تشتغلين بالعيادة اللي انتي تبينها

وكثير مختبرات تبي تخصصك لانه مطلوب بشكل كبير ماشاء الله ..

لا تتحطمين ولا ترهقين نفسك بالتفكير لان وضعك بالسليم ان شاء الله ..