القانون متاح لتحضيري علمي ؟

[WAFA 13]

السلام عليكم
حابه اعرف اذا قانون من التخصصات المتاحه لتحضيري علمي اولا ؟ لان مو موضحين لنا ذا الشي
كمان انا معدلي 4,8 مضمون انقبل فيه او لا ؟
ياليت تردو قريب عشان طلبات التسكين ما بقى لها شي
شكرا

[اسير الحزن]

وعليكم السلام ورحمه الله وبركاته

من المستحيل ومن الظلم ان يتاح اي قسم من الكليه لطلاب التحضيري العلمي

لانه بكل بساطه وش راح يبقى لطلاب الاداري والانساني

اذا اردتى ان تتخصصي قانون(انظمه) عليك ان تتسكنى اول شيء في احد الكليات العلميه المتاحه لكي
وبعدها تطلبي تحويل الى كليتنا (الاقتصاد والاداره) وبعدها تختاري (الانظمه)
وهذي الطريقه الوحيده لي التحاقك لقسمنا العزيز

ليت انى قدرت افيدك

احترامي

[.,.نيــــــــــــــــــــران.,.]

حاليا كلية الاقتصاد والادارة متاحة للمسار العلمي

بالتوفيق

[WAFA 13]

شسالفتكم كله كلام مو اكيد الحين مو يقولون فاتحين كل التتخصصات لعلمي ؟
طيب ممكن اعرف اسال منو بالضبط .......... العماده .......... الكليه ......... المارد السحري ؟؟؟؟؟

[بحر الحرية]

^^
العمادة: يقولوا روحوو للكلية هياا اللي عندها الخبر الأكيد، دحنااا غلااااااابة << ساعاات تحزني عليهم

الكلية: يقولوا روحوو للعمادة هياا جهة الإختصاص، ولا يجوز للتشريع الأدنى مخالفة التشريع الأعلى .. << قاعدة قانونية

المارد السحري: هذا مسكين قصتوو قصة، هواا قلي لا تقول لأحد عشان المردة اللي بعدوو ما يوقفوا عن العمل، لكن كمان انتي لا تقوليها لأحد، حطيها ف سرك..

يقلك إنوو يوما ما، سألوه نااس عن نظاام كااامل متكامل، وجاب أخبار النظام لأنوو زي ما تعرفي الأنظمة سرية لازم محد يشوفها وتطلع فجأة للناس، بس وهواا ف الطريق على سرعة المارد ف النقل، لقي إنوو صدر نظام جديد كما وكيفا >>متعوب عليها كما وكيفا تراا:p وبكل بساطة حتى المارد على سرعتوو ما صدق<< قعد 3 أيام يفكر ف اللي صار مو مصدق يبغى أحد يقنعوو وما لقي غير نظام واحد من كل الأنظمة ما تغير...

وللأسف مااااااااااااات الماااارد :(


يعني لازم تستني لين كداا فجأة يحطوكي تحت الأمر الواقع

^^
لأنوو هذاا النظام اللي قلي عليه المارد إنوو ما تغير وقلي لا تقولوو لأحد:p

حتى انتوو لا تقولووو لأحد ..

[WAFA 13]

بحر الحريه لا انتي عجيبه المفروض انتي تمسكي الكليه والعماده والجامعه بعد واهم شي المارد ........
المشكله انو السنه الي راحت دخلوه علمي بس ذي السنه في كلام كذا وكلام كذا كمان وحده اعرفها ياحرام حولت اداري السمستر الثاني عشان تخش قانون ..........
اما انا احس معدلي حلو لو حطيت اقتصاد واداره بدخل فيه واخاف انقبل وابتلش ............
ااااااااااااااااااه خلاص استخفيت من التفكييييييييييييييييييييييييييير