اختبار التصميم الداخلي

[shodi]

السلام عليكم ......
حبيت أسأل لكل الي أختبر التصميم الداخلي .. أو الي يعرف ....
إيش هيا الأسئلة المتعلقة بالهندسة ....والرسم ......

وشكرا

[عنوده ....]

انا اقولك يحطون لك كرسي ويقولون لك ارسميه ومطبخ لونيه واعملي كم شكل في مربع هذا الي جانا

[Roa'a]

اهلين ياعسل ^^
شوفي انا دخلت اختبار التصميم السمستر اللي راح
مررررره لا تشيلي هم
اول شي هما اختبارين واحد نظري وواحد عملي
النظري فـ يوم والعملي فـ يوم

النظري كان عباره عن 5 اسئله بس اسئله وااااضحه مررررره
احنا جانا
الوان الطيف كم عددها ؟ طبعا 7
و ارضيه دورات المياه من ايش خشب- سيراميك - موكيت ؟ طبعا سيراميك
وايش شكل الغرفه اللي احنا فيها ؟ طبعا مكعب
وكمان كم ارتفاع الغرفه ؟ طبعا 3 متر لأنو في كدا كم مقاس لازم تعرفيها قبل ماتدخلي الاختبار
انت تدوري عليها والله ادور اذا هيا لسه عندي ادخل اكتبلك هيا
والسؤال الخامس طاار مدري فين راااح ^^
طبعا دي كلها اختياري
وفي كمان شكل غرفه او مكتب وقالولنا ايش الخطوط اللي فـ دا الشكل
وانت تشوفي وتحطي من الخيارات
وبعدين زي اسئلة المجلات يجيبولك شكل ويقولك من اي قطه مكون دا الشكل
وكمان شكل ويقولولك كم مثلث في دا الشكل
وآخر شي سؤالين مفتوحه فراغات
اول واحد كان ايش المكونات الرئيسيه لغرفة النوم ؟
طبعا انت اكتبي كل شي تعرفيه
زيدي من راااسك
وكمان جانا ايش المواد الطبييعيه المستخدمه في التصميم ؟
وانت عاد اكتبي برضو كل شي خشب جلود .... الخ
اما العملي
فكان عباره
عن مطبخ نلونه ^^
ونرسم طاوله عليها مفرش ملفوف كدا بحركه
وصندوق جنب الطاوله علبتو مفتوحه عليه
وتحتهم مفرش تحت العلبه كمان شي زي الدعاسه
بس هوا دا
اهم شي في العملي انك تحاولي تدربي انك ترسمي الشي اللي قدامك
وكمان اهم شي الظل والنور
^^
وبس
ان شاء الله تكوني استفدتي
^_^

[shodi]

رؤى مرررررررررررره مشكووووورة اللله يسعدك يااااارب ووفقك في حياااااااتك من جد تعبتك معااايااااا واذا افتكرت اسئلة ارسيليلي هوا على الخااص :)

عنود مرره ثانكس

[Roa'a]

هوا سؤال واحد بس ماني فاكراه بس ان شاء الله أسألك البنات اللي دخلوا معايا الاختبااار
^_^
اهلين بيكي ياعسل في أي وقت